راولپنڈی(خصوصی رپورٹر)انسداد دہشت گردی راولپنڈی کی خصوصی عدالت نے تحریک انصاف کے رہنماں کے خلاف ستمبر، اکتوبر اور نومبر 2024 کے احتجاج پر درج مقدمات کی سماعت کسی کاروائی کے بغیر آئندہ تاریخ تک ملتوی کردی ہے جبکہ نعیم حیدر پنجوتھہ اور سابق رکن صوبائی اسمبلی فخر جہاں کی عبوری ضمانت خارج کردی ہے۔ نعیم حیدر
پنجوتھہ کے خلاف تھانہ صدر حسن ابدال میں دو مقدمات درج ہیں۔ جن میں مسلسل عدم حاضری پر عدالت نے نعیم حیدر پنجوتھہ کی ضمانت خارج کردی۔ ایم پی اے فخر جہاں کی عبوری ضمانت بھی عدالت نے عدم حاضری پر خارج کردی۔ فخر جہاں کے خلاف 26 نومبر کے احتجاج پر تھانہ حضرو میں مقدمہ درج ہے۔
