مشی گن’ سینٹ نشست پر انتخابات، یہودی، مسلم برادری میں شدید اختلافات

واشنگٹن(این این آئی)امریکی ریاست مشی گن میں سینیٹ کی نشست کے لئے انتخابی مقابلے نے غزہ جنگ کے باعث پہلے سے کشیدہ یہودی اور مسلم برادریوں میں سیاسی اختلافات مزید بڑھا دیے۔ ریپبلکن امیدوار مائیک راجرز، ڈیموکریٹ امیدوار عبدالسید کو انتہا پسند قرار دیتے ہوئے یہودی ووٹروں کی حمایت حاصل کرنے کی کوشش کر رہے ہیں جبکہ عبدالسید نے الزامات کو بے بنیاد قرار دیا۔ تین نومبر کو ہونے والے انتخابات میں کامیابی کی صورت میں عبدالسید امریکا کے پہلے مسلمان سینیٹر بن سکتے ہیں، صدر ڈونلڈ ٹرمپ نے بھی عبدالسید پر اخوان المسلمون سے تعلق کا الزام عائد کیا ہے، تاہم ان کے تنظیم سے وابستہ ہونے کا کوئی ثبوت سامنے نہیں آیا۔