سرکاری حج سکیم،واجبات کی دوسری قسط جمع کرانے کیلئے آج آخری دن

اسلام آباد(این این آئی) سرکاری حج سکیم کے تحت حج واجبات کی دوسری قسط جمع کرانے کے لیے (آج) 20اکتوبر منگل کو آخری دن ہے ۔ترجمان وزارتِ مذہبی امور نے سرکاری عازمینِ حج کو ہدایت کی کہ وہ 20 اکتوبر تک واجبات کی ادائیگی لازمی مکمل کر لیں۔ترجمان مذہبی امور کے مطابق عازمینِ حج واجبات کی ادائیگی کے لیے نیشنل آئی ٹی بورڈ کا حج پورٹل یا پاک حج ایپ استعمال کر سکتے ہیں، حج پورٹل پر بینک کارڈ، ون لنک یا دستی بینک چالان کے ذریعے ادائیگی کی سہولت دستیاب ہے۔