قوانین کی سنگین خلاف ورزیوں پر پنجاب کی 4 فلور ملز کے لائسنس معطل

لاہور (این این آئی)ترجمان فوڈ سیفٹی اینڈ کنزیومر پروٹیکشن نے کہا ہے کہ وزیراعلیٰ پنجاب کی ہدایت پر صوبے کے تمام اضلاع میں آٹے کی وافر ، معیاری اور بلا تعطل فراہمی یقینی بنائی جا رہی ہے۔ مارکیٹ میں آٹے کی کسی قسم کی شارٹیج نہیں، جبکہ عوام کو مقررہ نرخوں پر آٹے کی فراہمی کے لیے مؤثر اقدامات جاری ہیں۔ترجمان کے مطابق حکومت پنجاب کی جانب سے 10 کلو آٹے کا تھیلا 1100 روپے جبکہ 20 کلو آٹے کا تھیلا 2200 روپے کی مقررہ قیمت پر دستیاب ہے۔ فلور ملز کو گندم کی فراہمی اور آٹے کی تیاری و ترسیل کے عمل کی مسلسل نگرانی کی جا رہی ہے تاکہ شہریوں کو سستے اور معیاری آٹے کی دستیابی برقرار رہے۔ترجمان نے بتایا کہ گزشتہ روز پنجاب بھر میں 4 لاکھ 56 ہزار سے زائد 10 کلو آٹے کے تھیلے آٹا فراہم کیا گیا۔ لاہور میں گزشتہ روز 10 کلو آٹے کے ایک لاکھ 52 ہزار سے زائد تھیلے آٹا مارکیٹ میں سپلائی کیا گیا۔اسی طرح راولپنڈی میں 49 ہزار 953 تھیلے ، جبکہ ملتان میں 41 ہزار سے زائد تھیلے آٹا فراہم کیا گیا، جس سے ان شہروں میں آٹے کی دستیابی مزید بہتر بنانے میں مدد ملی۔ترجمان کے مطابق فوڈ سیفٹی قوانین کی خلاف ورزی اور سرکاری ہدایات پر عمل نہ کرنے والی فلور ملز کے خلاف کارروائی بھی جاری ہے۔