حساس ادارے کے افسران کا روپ دھار کرلاکھوں روپے بٹورنے والے 2ملزمان گرفتار

لاہور ( ویب ڈیسک ) این سی سی آئی اے نے کارروائی کرتے ہوئے حساس ادارے کے افسران بن کر شہریوں سے مبینہ فراڈ کرنے والے 2 ملزمان کو گرفتار کرلیا۔این سی سی آئی اے کے مطابق گرفتار ملزمان کی شناخت مزمل اور حمزہ کے ناموں سے ہوئی، ملزمان خود کو اعلیٰ فوجی اور سرکاری افسران ظاہر کرتے اور شہریوں کو سرکاری محکموں میں اپنے اثر و رسوخ اور تعلقات کا جھانسہ دیتے تھے۔ملزمان مبینہ طور پر شہریوں سے سرکاری محکموں میں تبادلوں، تعیناتیوں اور دیگر سرکاری امور انجام دلوانے کے نام پر رقوم وصول کرتے تھے۔این سی سی آئی اے کے مطابق دونوں ملزمان کو کورنگی انڈسٹریل ایریا کراچی سے گرفتار کیا گیا ہے، جبکہ ان کے خلاف مقدمہ درج کرلیا گیا ہے۔مقدمے میں پیکا کی دفعات بھی شامل کی گئی ہیں۔
ملزمان گرفتار