کالا شاہ کاکو(این این آئی)وفاقی وزیر مملکت برائے توانائی و پبلک افیئرز عبدالرحمن خان کانجو نے کہا ہے کہ پاکستان کی قومی سلامتی، خودمختاری اور پائیدار ترقی کے لیے وزیراعظم میاں محمد شہباز شریف کی قیادت میں وفاقی حکومت اور افواج پاکستان قومی مفادات کے تحفظ کے لیے بھرپور کردار ادا کر رہی ہیں۔ انہوں نے کہا کہ افواج پاکستان کی جرات، پیشہ ورانہ مہارت اور لازوال قربانیاں ملکی دفاع اور امن و استحکام کی روشن مثال ہیں، جبکہ حکومت اور تمام ریاستی اداروں کے مابین باہمی اعتماد، مثر رابطہ کاری اور قومی ہم آہنگی پاکستان کی ترقی و خوشحالی کے سفر کو مضبوط بنیاد فراہم کرتی ہے۔ دہشت گردی کے خلاف قومی عزم، ملکی سرحدوں کا تحفظ اور عوام کے جان و مال کی حفاظت ریاست کی اولین ترجیحات میں شامل ہیں عبدالرحمن خان کانجو نے کہا کہ وزیراعظم میاں محمد شہباز شریف کی قیادت میں وفاقی حکومت معاشی استحکام، توانائی کے شعبے میں بہتری، سرمایہ کاری کے فروغ اور عوامی ریلیف کے لیے عملی اقدامات آگے بڑھا رہی ہے۔
