گورنر پنجاب کی کیڈٹ کالج حسن ابدال آمد، اجلاس کی صدارت کی

فتح جنگ (بیورو رپورٹ) گورنر پنجاب سردار سلیم حیدر خان نے کیڈٹ کالج حسن ابدال کا دورہ کیا، جہاں انہوں نے کالج کے بورڈ آف گورنرز کے اجلاس کی صدارت کی۔ اجلاس میں بورڈ آف گورنرز کے اراکین نے شرکت کی، جبکہ پرنسپل کیڈٹ کالج حسن ابدال بریگیڈیئر (ر) ناصر خٹک نے گورنر پنجاب اور شرکاء کو کالج کے مختلف امور کے حوالے سے تفصیلی بریفنگ دی۔اجلاس کے دوران کیڈٹ کالج حسن ابدال سے متعلق مختلف اہم موضوعات زیرِ بحث لائے گئے۔ اس موقع پر ادارے کے انتظامی اور تعلیمی امور سمیت دیگر متعلقہ معاملات کا جائزہ لیا گیا۔ بورڈ آف گورنرز کے اراکین نے اجلاس میں زیرِ بحث امور پر تبادلہ خیال کیا اور ادارے سے متعلق مختلف معاملات پر اپنی آراء پیش کیں۔گورنر پنجاب سردار سلیم حیدر خان کی زیرِ صدارت منعقدہ اس اجلاس میں کیڈٹ کالج حسن ابدال کے معاملات اور ادارے کی مجموعی کارکردگی سے متعلق امور پر غور کیا گیا۔ پرنسپل بریگیڈیئر (ر) ناصر خٹک نے کالج کے مختلف پہلوؤں کے بارے میں شرکاء کو آگاہ کیا۔کیڈٹ کالج حسن ابدال ملک کے ممتاز تعلیمی اداروں میں شمار ہوتا ہے، جہاں طلبہ کی تعلیم و تربیت کے ساتھ ان میں نظم و ضبط، کردار سازی اور قائدانہ صلاحیتوں کو فروغ دینے پر توجہ دی جاتی ہے۔