مریضوں کو علاج سہولیات فراہم کرنا ہسپتال کی بنیادی ترجیحات : اسماعیل شاہ

راولپنڈی(خصوصی رپورٹر)الخدمت فانڈیشن رازی ہسپتال، سی بی آر ٹان اسلام آباد کے پیشنٹ ویلفیئر آفیسر سید اسماعیل شاہ نے کہا ہے کہ دکھی انسانیت کی خدمت اور مستحق مریضوں کو علاج معالجے کی سہولیات فراہم کرنا ہسپتال کی بنیادی ترجیحات میں شامل ہے۔ رازی ہسپتال میں نادار اور مستحق مریضوں کے علاج کو ترجیحی بنیادوں پر یقینی بنایا جاتا ہے، جبکہ دیگر مریضوں کو بھی انتہائی مناسب اخراجات پر طبی سہولیات فراہم کی جاتی ہیں۔انہوں نے کہا کہ مہنگائی کے موجودہ دور میں معیاری علاج عام آدمی کی پہنچ سے دور ہوتا جا رہا ہے، ایسے حالات میں کم آمدنی والے اور مستحق افراد کو علاج کی سہولت فراہم کرنا ایک بڑی سماجی ضرورت ہے۔ الخدمت رازی ہسپتال اسی جذب خدمت کے تحت مریضوں کو مناسب اخراجات میں طبی سہولیات فراہم کرنے کے لیے کوشاں ہے، تاکہ مالی مشکلات کسی مریض کے علاج میں رکاوٹ نہ بنیں۔سید اسماعیل شاہ نے کہا کہ ہسپتال میں روزانہ بڑی تعداد میں مریض علاج معالجے کے لیے آتے ہیں اور مناسب اخراجات پر طبی سہولیات کی دستیابی سے عوام کو ریلیف مل رہا ہے۔ ان کے مطابق صحت کے شعبے میں خدمت خلق کا اصل مقصد صرف علاج فراہم کرنا نہیں بلکہ مشکلات میں گھرے انسانوں کے لیے آسانیاں پیدا کرنا بھی ہے۔ انہوں نے مخیر حضرات اور صاحبِ استطاعت افراد پر زور دیا کہ وہ صحت کے شعبے میں مستحق مریضوں کی معاونت کے لیے اپنا کردار ادا کریں، کیونکہ کسی ضرورت مند مریض کے علاج میں مدد دینا انسانیت کی عظیم خدمت ہے،