گورنمنٹ گرلز ہائر سیکنڈری سکول ٹھٹھہ میں فرسٹ ایئر کا شاندار 80 فیصد نتیجہ

واہ کینٹ (نمائندہ خبریں) گذشتہ دنوں گورنمنٹ گرلز ہائر سیکنڈری سکول ٹھٹھہ خلیل تحصیل ٹیکسلا میں فرسٹ ایئر کے پہلے بیچ کا شاندار نتیجہ اناونس کیا گیا سربراہ ادارہ پرنسپل عائشہ مقصود کا کہنا تھا کہ طویل مدتی چھٹیاں اور وسائل کی عدم دستیابی کے باوجود طالبات کا 80 فیصد رزلٹ دینا فرسٹ ایئر کے اساتذہ کی انتھک محنت اور طالبات کی تعلیم
سے محبت کا منہ بولتا ثبوت ہے ان کے ادارے میں زیر تعلیم طالبات نہ صرف نہایت محنتی ہیں بلکہ فرسٹ ایئر کے پہلے بیچ کے اس پہلے رزلٹ نے ان کے اساتذہ کا سر فخر سے بلند کر دیا ہے میڈم عائشہ مقصود نے مس صبیحہ ناز، مس شمائلہ اشرف، مس عاصمہ، مس شمینہ ناز، مس شمع و دیگر کے لئے نیک خواہشات کا اظہار کرتے ہوئے کہا کہ انہیں یقین کامل ہے کہ ان نامساعد حالات میں جیسا کہ فرسٹ ایئر کی طالبات کے لئے کمروں کی عدم دستیابی، ٹیچنگ سٹاف کی کمی و دیگر مسائل کے باوجود اگر اتنا شاندار رزلٹ یہ ٹیچرز دے سکتے ہیں تو وسائل کا مسئلہ حل ہو جانے پر یہ رزلٹ اس سے بھی کئی گنا شاندار ہو سکتا ہے مزید برآں، انہوں نے اساتذہ کرام کی کام سے لگن اور محنت کو سراہتے ہوئے اتنے بہترین رزلٹ پر انہیں مبارکباد بھی دی اس موقع پر مس صبیحہ ناز نے کہا کہ ادارے کی طالبات تعلیم میں سنجیدہ اور محنتی ہیں اور ان کے اتنے شاندار رزلٹ میں ان کی اپنی لگن اور طالبات کی محنت کا بڑا ہاتھ ہے طالبات پر کی گئی محنت کو طالبات کی تعلیم سے محبت نے سرخرو کیا مس شمائلہ نے کہا کہ اس میں کوئی شک نہیں کہ ہماری طالبات ذہین اور سمجھ دار ہیں پرنسپل میڈم عائشہ مقصود نے میڈیا سے گفتگو کرتے ہوئے کہا کہ انہیں اپنے قابل اساتذہ کرام پر یقین کامل ہے کہ اگلے سال ہمارا رزلٹ اس سے بھی شاندار ہو گا