ٹیکسلا (بیوروریپورٹ ) میونسپل کمیٹی ٹیکسلا کے زیرِ اہتمام یومِ سیاہ کشمیر کے موقع پر بھارتی مظالم کے خلاف اور کشمیری عوام سے اظہارِ یکجہتی کے لئے ایک پروقار احتجاجی ریلی کا انعقاد کیا گیا ریلی میں طلبہ، میونسپل ایڈمنسٹریشن کے ملازمین، سینئر افسران، تاجروں اور سیاسی و سماجی رہنماؤں نے بڑی تعداد میں شرکت کی اور کشمیریوں کے حقِ خودارادیت کی حمایت جاری رکھنے کے عزم کا اعادہ کیا ،ریلی کے انتظامی امور آفس سپرنٹنڈنٹ محمد ابراہیم نے انجام دیئے ریلی میں رکنِ قومی اسمبلی بیرسٹر عقیل ملک کے آئیسکو کوآرڈینیٹر ملک وسیم شہزاد کے ساتھ ساتھ کوآرڈینیٹر بابو وسیم شاہ، حاجی طاہر محمود، مسلم لیگ (ن) کے معاون شیخ قیصر رسول، ملک ثاقب، ایم او آئی حسنات، ایم او پی رابعہ بصری، ملک طاہر موٹر یونین، عاطف خان، راجہ شانی، قاضی سجاد اور ملک شکیل سمیت دیگر شخصیات نے نمایاں طور پر شرکت کی آئیسکو کوآرڈینیٹر ملک وسیم شہزاد نے اپنے خیالات کا اظہار کرتے ہوئے کہا کہ کشمیری عوام کو ان کا جائز اور بنیادی حق دلانے کے لئے پاکستان کی سیاسی، اخلاقی اور سفارتی حمایت ناگزیر ہے ہم عالمی برادری سے مطالبہ کرتے ہیں کہ وہ مسئلہ کشمیر کے منصفانہ حل اور اقوامِ متحدہ کی سلامتی کونسل کی قراردادوں کے مطابق کشمیریوں کو ان کا حقِ خودارادیت دلانے کے لئے اپنا مؤثر اور عملی کردار ادا کرے ۔
