ڈاکٹر محمد انس سعید کاگندم اور آٹے کیغیر قانونی بین الصوبائی ترسیل کی روکتھام کے لیے فوڈ پکٹ احاطہ کا دور

ہٹیکسلا (بیوروریپورٹ ) وزیراعلیٰ پنجاب محترمہ مریم نواز شریف کے وژن اور ڈپٹی کمشنر راولپنڈیکیپٹن (ر) ندیم ناصر کی ہدایات پر اسسٹنٹ کمشنر ٹیکسلا ڈاکٹر محمد انس سعید نے گندم اور آٹے کی غیر قانونی بین الصوبائی ترسیل کی روک تھام کے لیے قائم فوڈ پکٹ گانگو اور فوڈ پکٹ احاطہ کا دورہ کیا،جہاں انہوں نے نگرانی کے انتظامات اور مختلف گاڑیوں کی چیکنگ کے عمل کا تفصیلی جائزہ لیا،جبکہ دورے کے دوران اسسٹنٹ کمشنر ڈاکٹر محمد انس سعید نے متعلقہ عملے کو ہدایت کی کہ پنجاب سے گندم اور آٹے کی غیر قانونی ترسیل روکنے کے لیے چیک پوسٹوں پر مؤثر نگرانی اور گاڑیوں کی سخت چیکنگ یقینی بنائی جائے،اس موقع پر انہوں نے ہدایت کی کہ زیرو ٹالرنس پالیسی پر سختی سے عمل درآمد کیا جائے اور کسی قسم کی غفلت یا کوتاہی برداشت نہ کی جائے۔ انہوں نے مزید کہا کہ گندم و آٹے کی غیر قانونی ترسیل، ذخیرہ اندوزی اور حکومتی ضوابط کی خلاف ورزی میں ملوث عناصر کے خلاف بلاامتیاز قانونی کارروائی عمل میں لائی جائے، جبکہ متعلقہ عملہ اپنی ذمہ داریاں پوری تندہی اور پیشہ ورانہ انداز میں انجام دے تاکہ حکومتی پالیسی پر عمل درآمد اور غیر قانونی بین الصوبائی ترسیل کی روک تھام یقینی بنائی جا سکے ۔