منظم ٹریفک اور حادثات روک تھام کیلئے زیرو ٹالرنس پالیسی اپنائی جائے، فرحان اسلم

راولپنڈی(خصوصی رپورٹر)چیف ٹریفک آفیسر راولپنڈی فرحان اسلم نے ضلع بھر میں ٹریفک کی موثر روانی، حادثات کی روک تھام اور لا انفورسمنٹ کو یقینی بنانے کیلئے سرکل انچارجز سے ٹریفک ہیڈ کواٹر میں میٹنگ کی۔جس میں وزیر اعلی پنجاب مریم نواز کے محفوظ روڈ اور محفوظ پنجاب کے ویژن پر تفصیلی بریفنگ دی۔چیف ٹریفک آفیسر راولپنڈی فرحان اسلم نے تمام سرکل انچارجز کو ہدایات جاری کیں کہ وہ سرکل میں منظم ٹریفک اور حادثات کی روک تھام کے لیے زیرو ٹالرنس پالیسی اپناتے ہوئے ٹریفک انتظامات کا ازسرنو جائز لیں۔شہر کے داخلی و خارجی راستوں پر تما م ہیوی و کمرشل گاڑیوں کے ڈرائیورز کے لائسنس چیک کیے جائیں۔ٹریفک قوانین خصوصا تیز رفتاری، غفلت و لاپرواہی سے ڈرائیونگ ،ون وے اور ہیلمٹ کیخلاف ورزی پر سخت اور بلا تفریق کاروائی کی جائے۔مہلک حادثے میں ملوث ڈرائیورکے لائسنس معطل کر باقاعدہ قانونی کاروائی عمل میں لاء جائے۔انکا مزید کہنا تھا کہ حادثات سے پاک منظم ٹریفک کیلئے ٹریفک قوانین کی پابندی ضروری ہے آئندہ اگر کسی سرکل میں ٹریفک وائلیشنزیا پرابلم دیکھنے میں آئی تومتعلقہ سرکل انچارجزجوابدہ ہوں گے۔