مری (نمائندہ خبریں)ضلع مری میں محکمہ مال کے مسائل میں اضافہ شہریوں کو مشکلات کا سامنا پٹواریوں کی اپنے حلقوں میں غیر حاضری عوام کے لیے اذیت بن گئی ضلع مری میں محکمہ مال سے متعلق عوامی مسائل ہر دور حکومت میں حل طلب رہے زمینوں کے انتقالات، فرد کے حصول، رجسٹری، درستگی ریکارڈ، حد بندی اور تقسیمِ اراضی جیسے معاملات میں تاخیر کے باعث شہریوں کو شدید مشکلات کا سامنا کرنا پڑ رہا ہے متعدد شہریوں کو اپنے جائز ریونیو امور کی انجام دہی کے لیے بار بار دفاتر کے چکر لگانے پڑتے ہیں جس سے نہ صرف ان کا قیمتی وقت ضائع ہوتا ہے بلکہ مالی اور ذہنی پریشانیوں میں بھی اضافہ ہو رہا ہے شہریوں کا کہنا ہے کہ زمینوں سے متعلق معمولی نوعیت کے معاملات بھی بعض اوقات طویل عرصے تک زیرِ التوا رہتے ہیں جبکہ انتقالات کی تکمیل فرد کے حصول اور ریکارڈ کی درستگی کے لیے واضح رہنمائی اور بروقت کارروائی نہ ہونے سے مسائل مزید پیچیدہ ہو جاتے ہیں بالخصوص دیہی علاقوں سے تعلق رکھنے والے افراد کو ریونیو دفاتر تک رسائی اور اپنے معاملات کی پیروی میں اضافی دشواریوں کا سامنا کرنا پڑتا ہیشہریوں نے اعلی ضلعی انتظامیہ اور محکمہ مال کے حکام سے مطالبہ کیا ہے کہ ریونیو دفاتر کی کارکردگی بہتر بنانے کے لیے مثر اقدامات کیے جائیں، زیرِ التوا انتقالات اور دیگر معاملات کی فوری تکمیل یقینی بنائی جائے، عوامی شکایات کے ازالے کے لیے خصوصی سیل قائم کیا جائے اور پٹواریوں، قانونگوں اور دیگر متعلقہ عملے کی کارکردگی کی باقاعدہ نگرانی کی جائے اور ڈپٹی کمشنر مری اور متعلقہ ریونیو افسران سے اپیل کی ہے کہ عوام کو دفاتر کے غیر ضروری چکروں سے نجات دلانے، شفافیت برقرار رکھنے اور مقررہ مدت میں ریونیو خدمات کی فراہمی کے لیے عملی اقدامات کیے جائیں تاکہ شہریوں کو ان کے بنیادی زمینی و قانونی معاملات کے حل میں مزید پریشانی کا سامنا نہ کرنا پڑے۔
