گوجرخان تجاوزات اور گراں فروشی کیخلاف پیرا فورس کی کارروائیاں

گوجرخان (بیورو رپورٹ)اسسٹنٹ کمشنر گوجرخان ڈاکٹر سیدہ زینب حسین کی ہدایت پر پیرا فورس نے مین بازار، سبزی منڈی سمیت شہر کے مختلف بازاروں میں گراں فروشی اور تجاوزات کے خلاف کارروائیاں کرتے ہوئے متعدد دکانداروں کو آن لائن جرمانے اور وارننگ جاری کر دیں۔پیرا فورس کے افسران ابتسام زبیر اور مناف سائمن نے مین بازار میں شہریوں کی شکایات پر تجاوزات کے خلاف کارروائی کرتے ہوئے راستوں پر قائم تجاوزات ختم کروائیں اور خلاف ورزی کرنے والوں کو آن لائن جرمانے عائد کیے۔دورانِ کارروائی مختلف بیکری شاپس کی بھی چیکنگ کی گئی، جہاں بریڈ، رس اور دیگر بیکری آئٹمز کے معیار اور ایکسپائری ڈیٹس کا جائزہ لیا گیا۔ خلاف ورزی سامنے آنے پر متعلقہ دکانداروں کو آن لائن جرمانے کیے گئے۔اسسٹنٹ کمشنر ڈاکٹر سیدہ زینب حسین کے مطابق گراں فروشی اور تجاوزات کے خاتمے کے لیے روزانہ کی بنیاد پر کارروائیاں جاری رہیں گی، شہریوں کو ریلیف فراہم کرنے اور بازاروں میں نظم و ضبط برقرار رکھنے کے لیے بلاامتیاز چیکنگ کی جائے گی۔