مری(نمائندہ خبریں) اینٹی کرپشن کی بڑی کارروائی، سابق پٹواری سمیت دو ملزمان گرفتار ڈپٹی کمشنر مری آغا ظہیر عباس شیرازی کی جانب سے بھجوائے گئے ریفرنس پر اینٹی کرپشن اسٹیبلشمنٹ راولپنڈی نے کارروائی کرتے ہوئے سابق پٹواری سمیت دو ملزمان کو گرفتار کر لیا تفصیلات کے مطابق اینٹی کرپشن راولپنڈی نے دو مختلف مقدمات میں
نامزد ملزمان راجہ ممتاز علی سابق پٹواری حلقہ بڑا ہوتر مری، اور محمد عرفان خان ولد محمد عثمان کو گرفتار کیا ہے ملزمان کے خلاف مقدمات نمبر 09/2025 اور 31/2026 تھانہ اینٹی کرپشن اسٹیبلشمنٹ راولپنڈی میں درج ہیں جن میں دھوکہ دہی، جعلسازی، جعلی دستاویزات کے استعمال اور دیگر متعلقہ الزامات کی تحقیقات جاری ہیںگزشتہ روز سرکل آفیسر اینٹی کرپشن راولپنڈی منصور مظہر نے اے ایس آئی عمر فاروق اور اپنی ٹیم کے ہمراہ کارروائی کرتے ہوئے دونوں ملزمان کو گرفتار کیا ذرائع کے مطابق مقدمہ نمبر 31/2026 ڈپٹی کمشنر مری آغا ظہیر عباس شیرازی کی جانب سے بھجوائے گئے ریفرنس کی روشنی میں درج کیا گیا تھا جس میں مبینہ بدعنوانی اور دستاویزی جعلسازی کے الزامات کی تحقیقات کی جا رہی ہیں اینٹی کرپشن حکام کے مطابق مقدمے میں جوڈیشل ایکشن کی منظوری بھی دے دی گئی ہے اس کارروائی کو سرکاری امور میں شفافیت یقینی بنانے اور بدعنوانی سمیت مبینہ مالی و دستاویزی بے ضابطگیوں کے خلاف جاری اقدامات کا حصہ قرار دیا جا رہا ہے۔
