چکوال(بیورورپورٹ)ماہ اکتوبر میں بارشیں نہ ہونے کے باعث پیدا ہونے والی خشکی سے وبائی بیماریاں پھیل گئی ہیں، ضلع چکوال کے ہر گھر میں بچے ، بوڑھے ، جوان اور عورتیں کھانسی ، زکام اور گلے کی خرابی سمیت موسمی بیماریوں میں مبتلا ہیں جس کی وجہ سے ڈاکٹروں کی چاندی ہے، تا ہم محکمہ موسمیات نے ماہ نومبر میں بارشوں کی پیشنگوئی کی ہے جس سے پھیلنے والی وبائی امراض کے خاتمہ کے علاوہ فصلوں پر بھی اچھے اثرات مرتب ہوں گے ،دراصل صبح و شام قدرے خشک سردی ، گردوغبار اور عالمی سطح پر موسمیاتی تبدیلیوں نے صحت سمیت ہر شعبہ پر منفی اثرات مرتب کیے ہیں ۔
