لاہور+ کراچی (خصوصی رپورٹ)عیدالفطر پر اپنوں کی دید کیلئے پردیسیوں کی گھروں کو واپسی شروع ہو گئی ٹرینیں مسافروں کو لیکر پشاور، راولپنڈی، کراچی روانہ ہو گئیں۔ وقت کم اور مقابلہ سخت ہونے کی وجہ سے مسافر بسوں، کوچوں میں سیٹیں کم پڑ گئیں جس کی وجہ سے ٹرانسپورٹرز کی چاندی ہو گئی اور انہوں نے کرایوں کی من مانی وصولی شروع کر دی۔ ٹرانسپورٹرز نے مسافروں کو چھتوں پر بٹھانا شروع کر دیا مسافروں نے کرایوں میں اضافہ پر احتجاج کیا ہے جبکہ حکومت نے اضافی کرائے روکنے کیلئے ٹیمیں تشکیل دیدی ہیں۔
