نثار ،کلثوم تنازع ،معروف تجزیہ کار نے حقائق بیان کر دیئے

لاہور (مانیٹرنگ ڈیسک) سینئر صحافی و تجزیہ نے کہا ہے کہ مریم نواز شریف کو غیر سیاسی کہنے والے چوہدری نثار علی خان نے پچھلے سال مریم نواز شریف کیساتھ وزیراعظم ہاس میں ایک لمبی ملاقات کی تھی جس دوران دونوں نے شکوے شکایت کئے اور اس کے بعد چوہدری نثار علی خان نے مجھے بتایا کہ اب میرا دل صاف ہو گیا ہے۔ نجی ٹی وی کے پروگرام میں گفتگو کرتے نے کہا کہ بیگم کلثوم نواز اور چوہدری نثار صاحب کے درمیان کافی پرانا تنازعہ ہے، بیگم کلثوم نواز کے چوہدری نثار کیساتھ 17 سال پہلے بھی معاملات ٹھیک نہیں تھے لیکن اب چوہدری نثار علی خان نے مریم نواز کے بارے میں یہ کہا ہے کہ ان کی پہچان صرف یہ ہے کہ وہ میاں نواز شریف کی بیٹی ہیں، اس میں کوئی شک نہیں، اور یہ بھی سچ ہے کہ مریم نواز اور بینظیر بھٹو میں بہت فرق ہے۔ لیکن انہوں نے جو یہ کہا ہے کہ مریم نواز غیر سیاسی ہیں اور بچے تو غیر سیاسی ہوتے ہیں، یہ مجھے سمجھ نہیں آیا کہ انہوں نے کیوں ایسا کہا ہے۔ مریم نواز شریف کافی دنوں سے این اے 120 میں سیاسی مہم چلا رہی ہیں۔ اگر ایک خاتون لاہور کے ایک حلقے میں ایک پارٹی کی مہم چلا رہی ہے اور روزانہ ریلی نکال کر تقریریں کر رہی ہے تو وہ غیر سیاسی کیسے ہو گئیں ۔ ان کا اصل میں مسئلہ نواز شریف ہیں لیکن مریم نواز کا وہ ویسے ہی نام لے رہے ہیں۔ صحافی نے کہا کہ چوہدری نثار نے بہت سی باتیں درست کی ہیں، جبکہ ان کا یہ بھی کہنا درست ہے کہ سپریم کورٹ کے فیصلے میں فوج کا کوئی کردار نہیں لیکن انہوں نے مریم نواز شریف کو بھی غیر سیاسی کہا ہے اور اگر وہ غیر سیاسی ہیں تو پچھلے سال چوہدری نثار علی خان نے مریم نواز شریف کیساتھ وزیراعظم ہاس میں ایک لمبی ملاقات کیوں کی تھی۔ اس ملاقات میں دونوں نے شکوے، شکایات کیں، اور اس کے بعد چوہدری نثار علی خان نے مجھے خود بتایا کہ ان کا دل صاف ہو گیا ہے۔ ان کا کہنا تھا کہ شکوے یہ تھے کہ ہم سے پوچھا نہیں جاتا اور اس طرح کے دیگر معاملات تھے۔ پھر اس سارے معاملے میں طلال چوہدری اور مریم اورنگزیب پل کا کردار بھی ادا کرتے رہے کیونکہ ان دونوں کے مریم نواز شریف اور چوہدری نثار علی خان، دونوں کے کیساتھ ہی اچھے تعلقات ہیں۔ اس کے علاوہ کافی عرصے تک پرویز رشید بھی پل کا کردار ادا کرتے رہے اور چوہدری نثار علی اور مریم نواز شریف کے درمیان ہونے والی ایک ملاقات میں وہ بھی موجود تھے۔ بعد ازاں پرویز رشید نے خود مجھے بتایا کہ انہوں نے چوہدری نثار اور مریم نواز شریف کے درمیان ملاقات کروائی ہے۔