لاہور (خبرنگار) تحریک انصاف کی این اے 120سے امیدوار ڈاکٹریاسمین راشد نے پارٹی رہنماﺅں کے ہمراہ پی پی 139اور پی پی 140کے حلقے کی مختلف یونین کونسلز میں ڈور ٹو ڈور کمپین اور انتخابی دفاتر کا افتتاح کیا۔ اس موقع پر ڈاکٹر یاسمین راشد نے کارکنوں اور میڈیا کے نمائندوں سے گفتگو کرتے ہوئے کہا کہ پانامہ کی رانی مریم نواز شریف حلقے میں گاڑی میں بیٹھ کر اور میں پیدل گھر گھر جاکر ووٹ مانگ رہی ہوں، ن لیگ نے ہمیشہ جھوٹ اور منافقت کی سیاست کی ہے، حلقے کی عوام محرومیوں کا شکار ہے اور انشاءاللہ اب ان کے فریب میں نہیں آنے والی پانامہ رانی حلقے کی باشعور عوام کو سبزباغ دکھا کر مزید بے وقوف نہیں بناسکتی انہوں نے کہا کہ حلقے کی عوام کو پینے کا صاف پانی تک میسر نہیں ہے گھروں کے نلوں میں سیوریج ملک پانی آتا ہے۔ ن لیگ جہاں ووٹ مانگنے جاتے ہیں ذلت ورسوائی کے سوا کچھ نہیں ملتا۔ حلقے کی عوام شریف فیملی کی لوٹ مار اور جھوٹ سے تنگ آچکی ہے سالوں سال حلقے میں نظر نہ آنے والوں کو غریبوں کی یاد ستانے لگی ہے انہوں نے کہا کہ نوازشریف نے اقتدار کے حوس میں اپنی اہلیہ کو بھی نہیں بخشا شہزادی مریم بیمار ماں کے نام پر ووٹ تو مانگ رہی ہے انہیں ان ماﺅں کی فکر کیوں نہیں آتی جو ہسپتال میں بیڈ نہ ہونے کی وجہ سے مر جاتی ہیں شہبازشریف نے شوبازی کے علاوہ عوام کی فلاح کا کوئی کام نہیں کیا ہے انہوں نے کہا کہ نوازشریف الطاف حسین رابطوں نے لندن یاترہ کا پول کھول دیا ہے شریف برادران پاکستان سے نہیں بلکہ بھارت اور مودی سے مخلص ہےں۔
