ملتان (خصوصی رپورٹ) شیر کے پنجرے پر بارات اور سونے کے سہرے کے بعد ایک اور تاجر کی دھواں دھار انٹری‘ دولہا 30تولے سے زائد کے سونے کا سہرا پہن کر دلہنیا لینے پہنچ گیا۔ اندرون ملتان کے علاقے ھنوں کے چھجہ کے رہائشی لال قریشی کی گزشتہ رات شادی تھی۔ بارات میں جہاں خوب ڈھول کی تھاپ پر ہلہ گلہ کیا گیا‘ اس دوران دولہا نے اپنی شادی کو انوکھی بنانے کیلئے 30تولہ سے زائد کا سہرا خصوصی طور پر بنوا رکھا تھا۔ ہر طرف قیمتی سہرا پہنے دولہا کی دھوم بھی مچ گئی۔ محکمہ انکم ٹیکس متحرک بھی ہو گیا۔ دولہے نے ہاتھوں میں ہیرے کی انگوٹھیاں پہن رکھی تھیں۔ دولہے کی جانب سے دلہن کیلئے بھی ہیروں کے کئی سیٹ بنوائے گئے ہیں۔
دولہا‘ سہرا
