ایشین انڈور گیمز میں پاکستان کا دوسرا گولڈ میڈل

اشک آباد(سپورٹس ڈیسک) ترکمانستان کے شہر اشک آبادمیں جاری 5ویںایشین انڈوراینڈمارشل آرٹس گیمز میںپاکستان نے دوسراسونے کاتمغہ جیت لیا۔پاکستانی اتھلیٹس نے 4×400 میٹرریلے میں ملک کےلئے دوسرا گولڈمیڈل جیتا۔چوتھے روزبیلٹ ریسلنگ میں بھی پاکستان نے 4مزیدکانسی کے تمغے جیتے۔کھیلوں میں پاکستان کے مجموعی میڈلز کی تعداد17ہوگئی جن میں2سونے،2چاندی اور13کانسی کے تمغے شامل ہیں۔ میزبان ترکمانستان 52گولڈ، 36سلور اور 37 برانزمیڈلزکیساتھ بدستورسرفہرست ہے۔ ایران دوسرے اور قازقستان تیسرے نمبر پر براجمان ہے ۔ میڈلز ٹیبل پرچین کاپانچواں نمبرہے۔چوتھے روز انڈور اتھلیٹکس کے 4×400میٹرریلے میں محبوب علی،نشاط علی ، نوکرحسین اوراسداقبال نے دیگراتھلیٹس کو پیچھے چھوڑتے ہوئے گولڈمیڈل نام کیا۔بیلٹ ریسلنگ میںمحمدصفدر،امبرین مسیح،ہمیراعاشق اوربینش خان نے کانسی کے تمغے جیتے۔