”شاہد خاقان اسمبلیاں توڑدیں گے “ ایسی وجہ سامنے آگئی کہ جان کر آ پ بھی تائید کرینگے

اسلام آباد (مانیٹرنگ ڈیسک) وزیراعظم شاہد خاقان عباسی آنے والے دنوں میں حکومت کا بوجھ نہیں اٹھا پائیں گے اور اسمبلیاں توڑ دینگے۔ حکومت مدت نہیں عدت پوری کر رہی ہے، سسٹم تتر بتر ہو چکا ہے۔ سینئر صحافی نے یہ انکشافات نجی ٹی وی پروگرام میں گفتگو کرتے ہوئے کیے۔ انہوں نے کہا کہ ایاز صادق کو نظر آ رہا ہے کہ وزیراعظم اسمبلیاں توڑنے جا رہے ہیں۔ انہوں نے ”کچھ ہوتا نظر آ رہا ہے“ بیان نواز شریف سے پوچھ کر دیا تاکہ افراتفری پھیلے۔ وفاقی وزراءنے گزشتہ روز خوب توہین عدالت کی، نواز شریف کی نااہلی کے وقت بھی اتنا پریشان نہیں تھے۔ انہوں نے مزید کہا کہ حدیبیہ کیس ختم نہیں ہوا۔ نیب سعید احمد اور جاوید کیانی کے بیانات پر ایک نیا ریفرنس بنا رہا ہے جو حدیبیہ کیس کو نئی شکل دے گا۔ عدالت نے تکنیکی بنیادوں پر حدیبیہ کیس خارج کیا ہے۔ وفاقی وزراءکو عدلیہ کو گالیاں دینے کی ہدایات لندن سے آئیں۔ انہوں نے کہا کہ احتساب کی مشینیں 24گھنٹے چل رہی ہیں، اب کوئی کرپٹ آدمی بچ نہیں سکتا۔ احتساب کے بعد ہی انتخابات ہونگے۔ نواز شریف کسی کو بھی وزیراعظم بنا سکتے ہیں لیکن شہباز شریف کو نہیں بنائیں گے۔ شریف برادران میں شدید اختلافات ہیں۔ وزیراعلیٰ پنجاب رانا ثناءاللہ کو استعفیٰ دینے اور نواز شریف نہ دینے کا کہہ رہے ہیں۔ انہوں نے کہا کہ چیئرمین نیب جسٹس جاوید اقبال کام کرنا چاہتے ہیں لیکن انہیں کرنے نہیں دیا جا رہا۔ شاہد مسعود نے کہا کہ سانحہ اے پی ایس کو 3 برس مکمل ہو گئے۔ شہداءکو سلام اور لواحقین کےلئے صبر کی دعا ہے۔