ساہیوال (خصوصی رپورٹ) وزیر اعلیٰ پنجاب میاں شہباز شریف اور مستعفی ہونے والے ایم پی اے صاحبزادہ غلام نظام الدین سیالوی میں ٹیلی فونک رابطہ، میاں شہباز شریف نے پیر خواجہ حمیدالدین سیالوی سے ملاقات کر نیکی ایک بار پھر خواہش ظاہر کی ہے، شہباز شریف کا کہنا تھا کہ ملک نازک حالات سے گزر رہا ہے خواجہ حمیدالدین ہمارے قابل احترام بزرگ ہیں جنہوں نے ہمیشہ (ن) لیگ کی مدد کی، تحریک پاکستان اور مسلم لیگ کیلئے خواجہ محمد قمرالدین سیالوی کی عملی خدمات قابل تحسین ہیں، انہوں نے کہا رانا ثناءاللہ کے حوالے سے خواجہ حمیدالدین سیالوی کے تحفظات دور کرینگے۔
