اسلام آباد (ویب ڈیسک ) : وزیراعظم عمران خان نے چوہدری پرویز الٰہی اور ق لیگ کے تحفظات کے پیش نظر ق لیگ کے رہنماو¿ں سے ملاقات کا فیصلہ کر لیا ہے۔ تفصیلات کے مطابق وزیراعظم عمران خان اسپیکر پنجاب اسمبلی چوہدری پرویز الٰہی سے کچھ دنوں میں ملاقات کریں گے۔ ذرائع وزیراعظم کے مطابق تمام اتحادیوں کو ساتھ لے کر چلیں گے۔واضح رہے کہ وفاقی وزیر اطلاعات فواد چودھری کے بیان پر مسلم لیگ ق نے موجودہ حکومتی جماعت سے اظہار ناراضگی کیا تھا۔ یاد رہے کہ ق لیگ کے تحفظات دور کرنے کے لیے وزیراعلیٰ پنجاب سردار عثمان بزدار نے بھی اسپیکر پنجاب اسمبلی پرویز الٰہی کی ملاقات کی جو بے سود رہی۔ ملاقات میں ق لیگ کے حکومت سے متعلق تحفظات دور کرنے کی کوشش ناکام ہو گئی۔ملاقات میں اسپیکر پنجاب اسمبلی نے وزیراعلیٰ پنجاب سردار عثمان بزدار کے سامنے شکووں اور شکایات کی پٹاری کھول دی۔ پرویز الٰہی نے کہاکہ آپ کی قیادت سے اتحاد کے جو معاملات طے ہوئے تھے ان پر تاحال عمل نہیں ہوا۔مرکز اور پنجاب میں دو ، دو وزارتیں طے ہوئیں ، تاحال ان پر کوئی عملدرآمد نہیں کیاگیا۔ ذرائع ق لیگ کے مطابق اسپیکر پنجاب اسمبلی پرویز الٰہی کے شکووں پر وزیراعلیٰ پنجاب سردار عثمان بزدار نے کہا کہ یہ تو میرے علم میں ہی نہیں ہے ، میں وزیراعظم سے بات کرتا ہوں۔
پرویز الٰہی نے ملاقات کے دوران وزیراعلیٰ پنجاب سے کہا کہ بس ہمارے مابین ہوئے معاہدوں پر عمل ہونا چاہئیے۔ جس پر وزیراعلیٰ پنجاب نے یہ معاملہ وزیراعظم عمران خان کےپاس لے جانے کا فیصلہ کر لیا ہے۔ تاہم اب وزیراعظم عمران خان نے خود ق لیگ کے رہنماو¿ں سے ملاقات کرنے کا فیصلہ کر لیا ہے۔میڈیا رپورٹ کے مطابق وزیراعلٰی پنجاب سردار عثمان بزدار سے اسپیکر پنجاب اسمبلی پرویز الٰہی کی ملاقات بے سود ہونے پر ق لیگ نے اسلام آباد میں اجلاس بھی طلب کر لیا ہے جس میں اتحاد سے متعلق معاملات زیر غور آئیں گے۔

ساہیوال(ویب ڈیسک): صوبہ پنجاب کے شہر ساہیوال میں جی ٹی روڈ پر اڈا قادر کے قریب کار پر پولیس کی مبینہ فائرنگ سے 4 افراد جاں بحق جبکہ 2 بچے معمولی زخمی ہوگئے۔ذرائع کے مطابق کار پر فائرنگ مبینہ طور پر پولیس کے محکمہ انسداد دہشت گردی (سی ٹی ڈی) نے کی۔پولیس کے مطابق کار میں سے 3 بچوں کو بازیاب کروایا گیا۔عینی شاہدین کے مطابق پولیس نے بعدازاں بچوں کو قریبی پیٹرول پمپ پر چھوڑ دیا، جہاں ان کا کہنا تھا کہ ان کے والدین کو مار دیا گیا ہے، جس کے تھوڑی دیر بعد سی ٹی ڈی پولیس بچوں کو اپنے ساتھ موبائل میں بٹھا کر نامعلوم مقام پر لے گئی۔دوسری جانب فائرنگ کے واقعے سے متعلق مقامی پولیس نےکوئی بیان جاری نہیں

لاہور: (ویب ڈیسک)سپریم کورٹ کے ترجمان نے چیف جسٹس پاکستان جسٹس آصف سعید کھوسہ کے سوشل میڈیا پر اکاو¿نٹس کی تردید کردی۔ترجمان سپریم کورٹ کی جانب سے جاری بیان میں کہا گیا ہےکہ چیف جسٹس پاکستان جسٹس آصف سعید کھوسہ کا فیس بک، ٹوئٹر یا کسی بھی سوشل میڈیا سائٹ پر کوئی اکاو¿نٹ یا آئی ڈی نہیں ہے۔ترجمان کے مطابق چیف جسٹس پاکستان نے اپنے جعلی اکاو¿نٹس کی انکوئری کیلئے ایف آئی اے اور پی ٹی اے سمیت دیگر متعلقہ حکام کو ہدایات جاری کردی ہیں۔واضح رہےکہ جسٹس آصف سعید کھوسہ سابق چیف جسٹس پاکستان میاں ثاقب نثار کی ریٹائرمنٹ کے بعد ملک کے 26 ویں چیف جسٹس بنے ہیں۔

لاہور (ویب ڈیسک ) وزیراطلاعات پنجاب فیاض چوہان نے دعویٰ کیا ہےکہ چوہدری برادران کے ساتھ معاملات حل ہوگئے ہیں۔لاہور میں میڈیا سے گفتگو کرتے ہوئے فیض الحسن چوہان نے کہا کہ چوہدری پرویز الٰہی اور عثمان بزدار کی ملاقات ہوئی ہے اور مسئلہ حل ہوچکا ہے، چوہدری برادران کو علم ہےکہ کون ان کا دوست اور کون دشمن ہے۔انہوں نے کہا کہ چوہدری برادران سب سے زیادہ ذہین اور زیرک سیاستدان ہیں، مخالفین کی خواہش پوری نہیں ہوگی، چوہدری برادران اس نظام کے اہم پلرز ہیں۔صوبائی وزیر اطلاعات کا کہنا تھاکہ عمار یاسر کا معاملہ وزیراعلیٰ پنجاب سے متعلق نہیں، وہ وزیراعلیٰ پنجاب سے خود بات کرلیتے تو مسئلہ حل ہوجاتا ، عمار یاسر ہمارے ساتھی ہیں اور ہمارے ساتھ ہی رہیں گے۔واضح رہےکہ تحریک انصاف کی اتحادی جماعت مسلم لیگ (ق) کے رہنما اور پنجاب کے وزیر معدنیات عمار یاسر نے اپنے کام میں مداخلت کا شکوہ کرکے وزارت سے استعفیٰ دیا تھا جب کہ چوہدری برادران کی جانب سے بھی حکومتی رویے اور معاہدے پر تحفظات کی اطلاعات تھیں۔