لاہور (مانیٹرنگ ڈیسک) سابق صدر سپریم کورٹ بار کامران مرتضیٰ نے کہا ہے کہ چیف جسٹس آف پاکستان آصف سعید کھوسہ کے آنے سے میڈیا کے کیمروں کا کردار کم ہو جائے گا۔ سابق چیف جسٹس ثاقب نثار سول جبکہ آصف کھوسہ کریمنل سائیڈ پر بڑی اتھارٹی ہیں۔ آصف کھوسہ کے آنے سے چند مہینوں سپریم کورٹ میں جوہری فرق نظر آئے گا۔ چینل فائیو کے پروگرام نیوز ایٹ سیون میں گفتگو کرتے ہوئے انہوں نے کہاکہ سابق چیف جسٹس کے دور کے سیاسی فیصلوں کو سراہنا تاریخ پر منحصر ہے۔ وہ آئیڈیل ازم کا شکار ہوئے تھے اور سمجھ بیٹھے کہ تمام کیسز روم نمبر ون میں آئیں گے اسی لیے آج وہ تنقید کا نشانہ بن رہے ہیں۔ ذات سے نکل کر اداروں کو بنانا چاہئے۔ دن رات کام کرنے سے ادارہ مضبوط نہیں ہوتا۔ ثاقب نثار کو سپریم کورٹ کے سترہ ججوں اور پانچوں ہائی کورٹ کی ججز کو بلوا کر بطور ادارہ پالیسی طے کرنی چاہئے تھی۔ تاہم آنیوالے سالوں کے لئے ہم اچھی امید رکھتے ہیں۔ سابق چیف جسٹس کی نیت اچھی ہو سکتی ہے مگر انکا کام دستور کی مطابقت میں نہیں تھا اسکے نتائج ملک و قوم کی فائدہ میں نہیں تھے۔ سابق وزیرخزانہ ڈاکٹر سلمان شاہ نے کہا کہ برآمدات کی کمی پاکستانی معیشت کی بدحالی کا ایک سبب ہے۔ آج ہمارے پاس اٹھارہ ارب ڈالر کا کرنٹ اکاﺅنٹ خسارہ جمع تھا جسے ادائیگیوں کیساتھ ملایا جائے تو فنانسنگ گیپ تیس ارب ڈالرز بنا۔ اسے فنانس کرنے لیے حکومت کو بھاگنا پڑامگر ابھی بھی تیس ارب ڈالر پورا نہیں ہو سکا۔ حکومت کا پہلا اقدام ایکسپورٹرز کے مسائل حل کرنا تھا، انرجی سیکٹر کو پچھلے پانچ سال میں خطے کے لحاظ سے مہنگا ترین سیکٹر بنا دیا گیا ہے۔ انرجی سسٹم ناکام ہو چکا ہے۔ بجلی چوری ، بلوں کی ادائیگی سمیت دیگر مسائل حل نہیں کیے جا سکے۔ موجودہ حکومت برآمدی سیکٹر کو سپورٹ کر رہی ہے تاکہ تجارتی خساہ کم ہو سکے۔ ادائیگیوں کا توازن درآمدات کم کرنے سے درست ہوگا اس دوران حکومت کو معاشی اصلاحات کرنا ہوگی۔ کسانوں کو کم قیمت ملنے کیوجہ سےآلوسڑکوں پر بکھیر کر احتجاج کیا جارہا ہے۔گذشتہ دور میں برآمدات کی بجائے ٹھیکوں اور ریونیو پر نظام درست کئے بغیر توجہ دی گئی جو موجودہ معاشی صورتحال کیوجہ بنا۔ مہمند ڈیم پر حکومت کو عوام کو اعتماد میں لینا چاہئے کہ پیپرا رولز کے مطابق ٹھیکوں کی منظوری دی گئی۔ سی پیک میں بزنس کمیونٹیز کو شامل کرنا حکومت کا اچھا اقدام ہے ۔ ہماری پراڈکٹس کو چین کی مارکیٹ تک رسائی کے لئے ہر ممکن سہولت دی جانی چاہئے۔

لاہور (مانیٹرنگ ڈیسک) چینل ۵ کے تجزیوں و تبصروں پرمشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ جو سی پی این ای کی طرف سے لائف ٹائم اچیومنٹ ایوارڈ ملا ہے یہ تیسرا ایوارڈ ہے۔ پہلا ایوارڈ صدارتی ایوارڈ تھا وہ صدر پرویز مشرف نے زیادہ زبانوں میں روزنامے نکالنے پر دیا تھا۔ دوسراایوارڈ جو تھا وہ سی پی این ای نے کونسل آف پاکستان نیوز پیپر کے ایڈیٹرز نے جب مجیب الرحمن شامی صدر ہوتے تھے تو نوازشریف وزیراعظم پاکستان نے مجھے یہ ایوارڈ لائف ٹائم اچیومنٹ ایوارڈ دیا تھا اور اب پھر ایک مرتبہ سی پی این ای نے پھر دوبارہ اس ایوارڈ کے قابل سمجھا ہے اور میں ان کا شکر گزار ہوں اور انہوں نے تیسرا ایوارڈ عارف علوی صاحب نے دیا تھا سی پی این ای کی طرف سے دیا گیا ہے۔ صدر عارف علوی نے اجلاس سے خطاب کرتے ہوئے کہا کہ میڈیا کو سیلف ریگولرائز ہونا بہت ضروری ہے۔ ضیا شاہد نے کہا کہ اس سلسلے میں چونکہ اپنی طبیعت کی خرابی کی وجہ سے نہیں پہنچ سکا تھا لیکن امتنان شاہد صاحب جو آج کل سی پی این ای کے سینئر نائب صدر اور صدر جناب عارف نظامی صاحب تو اگر آپ ان سے فون پر بات کر لیں تو چونکہ وہ وہاں موجود تھے لہٰذا صدارتی تقریر پر بھی وہ اپنا نقطہ نظر بتا سکیں گے اور اس کے بعد بہت اہم تقریر ہوئی ہے وفاقی وزیر اطلاعات فواد چودھری کی۔ انہوں نے اخباری صنعت کے بہت سارے مسائل کو بھی اجاگر کیا ہے اور خود سی پی این ای کو یہ فریضہ سونپا ہے کہ آپ حضرات ان معاملات پر ریسرچ ورک کر کے بتائیں۔
پروگرام کی میزبان نے سی پی این ای کے سینئر نائب صدر امتنان شاہد کی گفتگو کرتے ہوئے کہا کہ انہوں نے کنونشن میں خطاب کرتے ہوئے کہا ہے کہ انڈیا میں جو کاغذ بنتا ہے اوور انڈین حکومت اخبارات کو سبسڈائز کرتی ہے۔ پاکستان میں اس کو بہتر کرنے کی ضرورت ہے۔ میں یہ سمجھتا ہوں کہ فواد چودھری صاحب نے ایک بڑے اہم مسئلہ کی طرفت وجہ دلائی تھی کہ انڈیا نے نیوز پرنٹ اپنا بنانا شروع کر دیا ہے اور پاکستان میں سارے کا سارا کاغذ امپورٹ ہوتا ہے چنانچہ بنیادی طور پر جو خام مال استعمال ہوتاہے۔ اخباری صنعت میں نیوز پرنٹ ہے اخباری کاغذ ہے۔ اخباری کاغذ دنیا بھر سے امپورٹ ہوتا ہے اور اس کی قیمتیں دن بدن پڑھتی جا رہی ہیں۔ پچھلے سال ہی ان قیمتوں میں بے تحاشا اضافہ ہوا ہے انڈیا میں جس طرح سے لوکل نیوز پرنٹ کو پروموٹ کرنے کے لئے ان کو سبسڈی بھی دی جاتتی ہے تا کہ وہ مقامی طور پر کاغذ تیار کر سکیں۔ پاکستان میں بھی یہ قدم اٹھانا چاہئے تا کہ جو اخبار کی کھپت پر اخراجات ہوتے ہیں ان کو کم از کم کیا جا سکے۔
مہمند ڈیم کی تعمیر کے حوالے سے پارلیمانی کمیٹی حکومت اور ڈسکون کمپنی سے بات چیت کرے ان کے دلائل سنے، ٹھیکہ جن ایشو پر دیا گیا جبکہ ڈسکون کمپنی کی ساکھ بہت اچھی ہے اگر کام اسے میرٹ پر ملا ہے تو صرف اس وجہ سے کہ اس کمپنی کا تعلق کسی وزیر کے خاندان سے ہے ٹھیکہ منسوخ نہیں کرنا چاہئے۔ رزاق داﺅد کو کمپنی سے مستعفی ہو چکے ہیں۔ صرف یہ چیک کر کے ٹھیکہ میرٹ پر دیا گیا بحث ختم کر کے فوری ڈیم کی تعمیر شروع کر دینی چاہئے نئے چیف جسٹس کھوسہ صاحب نے بڑے انقلابی فیصلے کئے مثبت کام کرنے والے ہیں ان کا کام کرنے کا انداز ثاقب نثار سے مختلف ہے ان کے دور میں سو موٹو کے بجائے فیصلے زیادہ ہوں گے اور لاکھوں زیر التوا مقدمات ختم ہوں گے۔ ہائیکورٹ نے ادویات کی قیمتوں میں اُاصہ واپس لینے کا اچھا فیصلہ کیا تاہم زمینی حقائق یہ ہیں کہ یہاں کاروباری مزاج میں قیمتیں بڑھا کر واپس لینا شامل نہیں ہے۔ ایک بار ادویات کی قیمتیں بڑھانے کا فیصلہ ہوا تو اسے فوری عملاً نافذ کر دیا جاتا ہے جس کو واپس لینا مشکل ہوتاہے،ہائیکورٹ کو اپنے فیصلہ پر عملدرآمد کرانے کیلئے بڑی تگ و دو کرنی ہو گی۔ نوجوانوں کے حوالے سے سروے کا مقصد اگر سروے برائے سروے ہو تو وہ بے فائدہ ہوگا تاہم اگر اس کا مقصد یہ ہے کہ جائزہ لیا ائے نوجوانوں کو کھپانے کیلئے کسی قسم کی ملازمتیں چاہئیں تو اس کا بہت فائدہ ہو سکتا ہے۔ اگر محض ایک رپورٹ میں بنانی ہے تو وہ بے فائدہ ہو گی۔

لاہور (مانیٹرنگ ڈیسک) تجزیہ کار امجد اقبال نے کہا ہےکہ پرنٹ میڈیا اشتہارات سمیت ہر طرح سے بحرانی کیفیت کا شکار ہے۔ ڈالر کی قیمت بڑھنے سے پیپر، پرنٹنگ پلیٹ ، سیاہی سمیت تمام چیزیں مہنگی ہوئی ہیں۔ پرنٹ میڈیا کو سرکاری ہی نہیں پرائیویٹ اشتہارات کی بھی ضرورت ہے۔ پچھلے دور حکومت میں اشتہارات کی بھرمار کے ساتھ میڈیا کے اخراجات بھی بڑھے تھے۔چینل فائیو کے پروگرام کالم نگار میں گفتگوکرتے ہوئے ان کا کہنا تھاکہ سی پی این ای کے اجلاس میں صدر مملکت نے کہا کہ میڈیا کو غیر جانبدار ہونا چاہئے۔ مگر بدقسمتی سے ایسا نہیں ہے۔ آج وزیر اطلاعات کہتے ہیں کہ میڈیا نے اگر ہم سے کچھ لینا ہے تو وہی پرنٹ کرے جو ہم کہتے ہیں۔ ایسا اقدام اشتہارات کو بطور ٹول استعمال کرنا ہے۔ میڈیا انڈسٹری کو چلانے کے لیے حکومت ریلیف پیکیج دے میڈیا کا گلا نہ گھونٹا جائے۔کچھ میڈیا ہاﺅسز کا ایجنڈا اور ہے مگر پروفیشنل اداروں کے لیے حکومتی سپورٹ نہ ہونا خطرناک ہے۔ جسٹس ثاقب نثار کے دورمیں ریاست کے اداروں کی ساکھ میں اضافہ ہوا۔ چیف جسٹس آصف کھوسہ کے آنے سے جوڈیشل ایکٹوازم میں یو ٹرن نظر آئے گااور عدالتی نظام میں بہتری آئے گی۔ انہوں نے کہا کہ عمران خان کو جلد پارلیمنٹ آنے کی ضرورت پڑے گی اوروہ ارکان پارلیمنٹ کے سوالوں کے جواب دیا کریں گے۔ امریکی نمائندگان کا دورہ پاکستان میں ملاقاتیں افغانستان سے نکلنے کے لیے راہ ہموار کرنے کے لیے ہیں۔ جو پاکستان کی مدد کے بغیر ممکن نہیں۔ ٹرمپ نے درمیانی راستہ نکالنے کے لیے پاکستان کے لیے پالیسی بدلی ہے۔ افغانستان میں اب چین اور روس کے کردار کو بھی نظر انداز نہیں کیا جا سکتا۔ تجزیہ کار ضمیر آفاقی کا کہنا تھا کہ موجودہ حکومت کے آنے کے بعد ہر جگہ تباہی نظر آرہی ہے۔ حکومت سچ سننا نہیں چاہتی آتے ہی اسی فیصد اشتہارات کے ریٹ کم کر دئیے ۔ حکومت تحریک انصاف کو پرموٹ کرنے کا انتقام میڈیا سے لے رہی ہے۔ حکومت میڈیا کو استعمال کرتی ہے۔ حکومت کا کام روزگار دینا ہے، غریب کا کاروبار بند نہ کرے۔ انہوںنے کہاکہ چیف جسٹس آصف سعید کھوسہ دانشور شاعرانہ مزاج جج،چار کتابوں کے مصنفف ہیں اور اپنے دور میں پچاس ہزار کیسز حل کر چکے ہیں۔ انہیں عدالتی نظام کی بہتری پر توجہ دینی چاہئے۔ گیارہ ماہ میں عام آدمی کو ریلیف دیکر سسٹم ٹھیک کر دیں تو انکا احسان تاریخ میں سنہری حروف میں لکھا جائے گا۔ عمران خان اسمبلی میں جائیں یہ نہ ہو کہ اسمبلی میں جانے کی پوزیشن میں نہ رہیں۔ افغانستان کے حوالے سے بہتر کردار ادا کر کے پاکستان بہتری کی طرف جائے گا۔تجزیہ کار میاں افضل نے کہا کہ میڈیا آئینہ ہے، دکھانے پر حکومت ناراض ہے۔ ریاست میڈیاانڈسٹری کی ذمہ دار ہے اسے ساتھ لیکر چلے۔ کھادوں پر اربوں اڑا رہے ہیں میڈیا کو کاغذ پر ریلیف دیں۔ چیف جسٹس کھوسہ سے عوام کو بڑی توقعات ہیں وہ میرٹ کا قتل نہیں ہونے دیں گے۔ اسمبلی کے وزیراعظم کو اسمبلی کا ماحول پسند نہیں آرہا۔مگر جب شہباز شریف وزیراعلی پنجاب تھے کتنے اجلاسوں میں آئے۔افغانستان کے حوالے سے کردار میں پاکستان اس پوزیشن میں ہے کہ اپنی ہر بات منوا سکے۔ میزبان کالم نگار میاں حبیب کا کہنا تھا کہ سی پی این کے نائب صدر امتنان شاہد نے سی پی این ای کے اجلاس میں پرنٹ میڈیا کو درپیش مسائل کے حوالے سے بہت اچھی تجاویز پیش کیں۔ انہوں نے کہاکہ اخباری پیپر کی قیمت سو فیصد سے زیادہ بڑھ چکی ہے۔ حکومت میڈیا کا بڑا تشہیری کلائینٹ ہے ، اس برے وقت میں سانس لینے دے۔ حکومت میڈیا کے بغیر زندہ رہنے کا سوچ رہی ہے تو معاشرے میں ایسا بحران پیدا ہوجائے گا جو ان سے سنبھالا نہیں جائے گا۔ میڈیا عوام کی مشکلات کا حل ہے۔ پاکستان میں سب سے بڑا خلا انصاف کی عدم فراہمی ہے۔ سابق چیف جسٹس ثاقب نثار نے بڑے بدمعاشوں کو کٹہرے میں لاکر عوام کو امید دی ہے۔ جھوٹے کیسز کیخلاف کارروائی شروع ہو جائے تو عدالتی بوجھ بہت کم ہوجائے گا۔ انہوں نے کہاکہ شہباز شریف اپنی آزادی کے لیے پارلیمنٹ میں تقریریں کر رہے ہیں۔ امریکہ پاکستان کے بغیر افغانستان میں امن عمل میںکوئی کردار ادا نہیں کر سکتا۔