لاہور (ویب ڈیسک ) عمر کے ساتھ جسمانی وزن میں اضافہ قدرتی ہوتا ہے اور کوئی بری بات بھی نہیں۔

تاہم اگر یہ اضافہ بہت زیادہ ہو تو پھر ضرور پریشان ہونا چاہئے کیونکہ موٹاپا متعدد امراض جیسے ذیابیطس، کینسر، امراض قلب، بلڈ پریشر اور ایسے ہی متعدد جان لیوا امراض کا خطرہ بڑھانے والا سب سے بڑا عنصر ہے۔

اور یہ کہنے کی ضرورت نہیں کہ پیٹ کے ارگرد کی یہ اضافی چربی گھلانا آسان نہیں ہوتا مگر اس سے چھٹکارے کے لیے کوئی جادوئی گولی تو موجود نہیں۔

مزید پڑھیں : سبز چائے پینے کے یہ فائدے جانتے ہیں؟

مگر کچھ ایسی غذائیں ضرورت ہیں جو اس چربی کو تیزی سے گھلانے میں مدد دے سکتی ہیں۔

اور نہار منہ ایک مزیدار مشروب کو پینا بہت تیزی سے توند کی چربی گھلانے میں مدد دے سکتا ہے۔

اور وہ ہے سبز چائے۔

یقین کرنا مشکل ہوگا مگر روزانہ نہار منہ ایک کپ سبز چائے پینا توند سے نجات میں مدد دے سکتا ہے۔

سبز چائے میٹابولزم کو متحرک کرنے کی خصوصیات رکھتی ہے جس سے کیلوریز جل کر توانائی میں بدل جاتی ہیں جس کے نتیجے میں وہ چربی کی شکل اختیار نہیں کرپاتیں۔

سبز چائے میں موجود پولی فینولز اور دیگر اجزا میٹابولک افعال کو بہتر بنانے میں اہم کردار ادا کرتے ہیں جس سے جسمانی وزن تیزی سے کم ہوتا ہے۔

یہ بھی پڑھیں : توند سے چند دنوں میں نجات چاہتے ہیں؟

یہ مزیدار مشروب کھانے پینے کی اشتہا کی روک تھام کرتا ہے اور توند میں چربی کے ذخیرے نہیں ہونے دیتا۔

طبی ماہرین کے مطابق سبز چائے میں موجود انزائمے کو متحرک کرکے ذخیرہ شدہ چربی کو گھلانے میں مدد دیتے ہیں۔

توند سے نجات کے ساتھ ساتھ یہ مشروب صحت کو دیگر فوائد بھی پہنچاتی ہے یعنی اسے پینے سے کولیسٹرول لیول کم ہوتا ہے جس سے امراض قلب کا خطرہ کم ہوتا ہے۔

اس کے علاوہ یہ چائے کینسر کا خطرہ بھی کم کرتی ہے۔

لاہور (ویب ڈیسک ) کیا کنگھی کرتے ہوئے آپ کے بال عام معمول سے زیادہ نکل رہے ہیں؟ تو آپ تنہا نہیں، درحقیقت دنیا بھر میں کروڑوں افراد کو عمر بڑھنے پر گنج پن کا سامنا ہوتا ہے۔

اب اس کی وجہ کچھ بھی ہوسکتی ہے جیسے ذیابیطس، وٹامن کی کمی، تنا?، نیند کی کمی یا دیگر امراض مگر ایسا ہوتا ضرور ہے۔

یقیناً گنج پن کی جانب بڑھنا کس کو پسند ہوسکتا ہے مگر کچھ چیزوں کے ذریعے آپ اسے روک سکتے ہیں۔

جی ہاں واقعی چند معمولی ٹوٹکوں سے آپ اس خطرے کو کافی حد تک ٹال سکتے ہیں۔

مزید پڑھیں : گنج پن سے نجات کا قدرتی علاج سامنے آگیا

اگر آپ بھی اس مسئلے سے پریشان ہیں تو یہ ٹوٹکے مددگار ثابت ہوسکتے ہیں۔

کیسٹر آئل
یہ تیل امینو ایسڈ سے بھرپور ہوتا ہے جو سر میں جاکر بالوں کی نشوونما کو متحرک کرتا ہے اور بالوں کی خشکی بھی کم کرتا ہے۔ کیسٹر آئل کو استعمال کرنے کے منفرد طریقے موجود ہیں جن میں سے ایک طریقہ زیادہ کارآمد ہوتا ہے، اس کے لیے کیسٹر آئل کے چند قطرے سے سر پر مالش کریں اور رات بھر کے لیے لگا چھوڑ دیں، اس کے بعد صبح دھولیں۔ یہ عمل ہفتے میں ایک سے 2 بار دہرائیں۔

امرود کے پتے
امرود کے پتے وٹامن بی سے بھرپور ہوتے ہیں جو کہ بالوں کے گرنے کے عمل کو ریورس کرکے ان کی نشوونما تیز کرنے میں مدد دے سکتا ہے۔ تو مٹھی بھر پتوں کو ایک لیٹر پانی میں ابال کر ٹونک بنالیں، اسے ٹھنڈا کریں اور سر دھونے کے بعد بال خشک کریں اور پھر اس ٹونک سے سر پر کم از کم 10 منٹ مالش کریں۔ اس کے بعد دو گھنٹے تک انتظار کریں یا رات کو لگا کر سوجائیں، پھر نیم گرم پانی سے دھولیں۔

یہ بھی پڑھیں : یہ عام دستیاب تیل گنج پن سے نجات دلانے کیلئے فائدہ مند؟

ناریل کا تیل
یہ تو ہر کوئی جانتا ہے کہ ناریل کے تیل کا استعمال آپ کے بالوں کو ٹوٹنے سے بچاتا ہے اور انہیں لمبا اور گہرا رکھنے میں مدد دیتا ہے، لیکن کیا آپ جانتے ہیں کہ ناریل کا تیل اور لیموں کا جوس ملا کر لگانے سے آپ اپنے بالوں کو لمبے عرصے تک سفید ہونے سے بھی روک سکتے ہیں۔

لاہور (ویب ڈیسک ) اکثر ایسا ہوتا ہے جب آرام سے چلتے چلتے اچانک پیر لڑکھڑا کر مڑ جاتا ہے اور فرد درد کی وجہ سے لوٹ پوٹ ہوکر رہ جاتا ہے کیونکہ موچ ایسا ہی تکلیف دہ عارضہ ہے۔

درحقیقت یہ انتہائی عام انجری ہے جس کا شکار کوئی بھی ہوسکتا ہے اور ضروری نہیں دوڑتے ہوئے ایسا ہو، آرام سے چلتے ہوئے بھی موچ آجاتی ہے۔

پیروں کی اس طرح کی موچ میں اکثر ڈاکٹر سے مدد لینے کی ضرورت نہیں ہوتی تاہم شدید موچ یا ہڈی میں فریکچر کے لیے ضرور معالج سے رجوع کرنا چاہیے۔

مزید پڑھیں : ایسے گھریلو ٹوٹکے جن کو سائنس نے بھی درست تسلیم کیا

موچ کی عام علامات
ٹخنہ یا پیر مڑنے پر شدید درد۔

سوجن۔

رگڑ یا خراش۔

عام انداز سے چل نہ پانا۔

ٹخنے کی جوڑ کی حرکت محدود ہوجانا۔

ایسا درد اور سوجن جو ایک یا 2 دن میں بھی کم نہ ہو۔

متاثرہ ٹانگ پر جسم کا وزن برداشت نہ کر پانا۔

سن ہوجانا یا کمزوری۔

پیر گھمانے میں مشکل۔

اگر شک ہو کہ موچ سے فریکچر ہوگیا ہے تو فوری طبی امداد حاصل کریں، تاہم اگر معمولی یا زیادہ بڑا مسئلہ نہ لگے تو درج ذیل ٹوٹکے مددگار ثابت ہوسکتے ہیں۔

آرام، برف، دبا? اور اٹھانا
معمولی موچ کے لیے ایک حکمت عملی RICE سے مدد لی جاسکتی ہے جس میں ‘آر’ کا مطلب ریسٹ ہے، یعنی چند دن تک آرام کریں۔

‘آئی’ سے مراد آئس ہے، برف کو دن بھر میں کئی مرتبہ متاثرہ ٹخنے پر لگا کر درد اور سوجن میں کمی لائی جاسکتی ہے۔

‘سی’ سے مراد کمپریشن ہے، جس کے تحت اسٹیٹک یا الاسٹک کمپریشن بینڈیج کے استعمال سے سوجن کم کی جاتی ہے۔

‘ای’ سے مراد ایلیویشن ہے، اس طریقے میں پیر کو دل کی سطح سے اوپر اٹھا کر خون اور دیگر سیال کے بہا? میں کمی لائی جاتی ہے۔

بظاہر یہ تو عام چیزیں ہیں مگر یہ طریقہ انتہائی موثر ثابت ہوتا ہے اور موچ آتے ہی اس پر عمل کرنا جسم کے قدرتی ورم پر قابو پانے کے ردعمل کو حرکت میں لانے میں مدد دیتا ہے۔

یہ بھی پڑھیں : کیا آپ ناخن گوشت میں گھسنے سے پریشان ہیں؟ تو یہ ٹوٹکے آزمائیں

ورم کش غذائیں
ایسی غذائیں جس میں کولیگن نامی پروٹین پایا جاتا ہے وہ اس طرح کے جوڑوں کی انجری کے لیے انتہائی مفید ثابت ہوتا ہے، ہڈیوں کی یخنی میں یہ پروٹین موجود ہوتا ہے جو موچ سے نجات میں تیزی سے مدد دیتا ہے اسی طرح مالٹے یا ترش پھلوں میں موجود وٹامن سی بھی کولیگن کو بننے میں مدد دیتا ہے جس سے موچ کو جلد ٹھیک کرنے میں مدد ملتی ہے جبکہ مسلز کا درد بھی کم ہوتا ہے۔

درد کش ادویات
اگرچہ پیروں میں موچ آنا سنگین انجری نہیں مگر یہ تکلیف دہ ضروری ہوتی ہے، اگر آپ اس کا شکار ہونے کے بعد کافی تکلیف میں ہیں تو دردکش ادویات کا استعمال بھی درد اور سوجن میں کمی میں مدد دے سکتا ہے۔

اپسم نمک
موچ آنے کے ایک یا 2 دن بعد اپنے پیروں کو اپسم نمک سے ملے نیم گرم پانی میں بھو دیں، موچ آنے کے بعد چند دن تک برف کو چوٹ پر لگانا ضروری ہے کیونکہ اس عرصے میں حرارت کو چوٹ پر لگانے سے سوجن میں اضافے کا خطرہ ہوتا ہے۔ اپسم نمک سوجن کے شکار مسلز کو سکون پہنچاتا ہے، دن میں ایک یا 2 بار ٹخنوں کو اس نمک ملے پانی میں بھگونا تکلیف میں کمی لانے میں مدد دیتا ہے۔

سیب کا سرکہ
یہ گھویلو ٹوٹکا بہت سادہ ہے مگر موثر بھی ہے، سیب کا سرکہ درد اور سوجن کم کرتا ہے، اسے استعمال کرنے کے لیے ایک صاف کپڑا لیں اور سرکے میں بھگو دیں، اس کے بعد وہ کپڑا موچ والے حصے پر لپیٹ دیں، یہ عمل روزانہ اس وقت تک دہرائیں، جب تک ریلیف محسوس نہ ہو۔

السی کا تیل
آپ السی کے تیل کو بھی اس مقصد کے لیے استعمال کرسکتے ہیں، کپڑے کا ایک ٹکڑا لیں اور تیل میں بھگو لیں، اس کے بعد کپڑے کو متاثرہ حصے پر لپیٹ کر باندھ دیں، اسے رات بھر کے لیے چھوڑ دیں، اگلی صبح حالت میں بہتری محسوس کریں گے۔

بیکنگ سوڈا
چند قطرے پانی اور بیکنگ سوڈا کو مکس کرکے پیسٹ بنائیں اور متاثرہ حصے پر لگالیں، جس کے بعد جالی اور الاسٹک بینڈیج سے اسے باندھ دیں۔

قدرتی مرہم
آپ کے کچن میں متعدد قدرتی ورم کش اجزائ موجود ہوتے ہیں، اگر آپ کسی موچ کی سوجن میں فوری کمی لانا چاہتے ہیں تو ہلدی، لہسن، پیاز، کیسٹر آئل یا زیتون کے تیل سے مدد لے سکتے ہیں، اس کے لیے ان میں سے کسی ایک کو ہلکا گرم کریں اور متاثرہ ٹخنے پر لگائیں، اس کے بعد ٹخنے کو کئی گھنٹوں کے پٹی سے لپیٹ کر رکھیں۔