آگرہ: (ویب ڈیسک)بھارت سے یہ افسوس ناک خبر آئی ہے کہ آگرہ شہر کے نواحی علاقے میں ایک بندر نے 12 روز کے بچے کو ماں سے چھین کر اسے ہلاک کر ڈالا۔اگرچہ بندروں کی طرف سے شہریوں سے کھانے پینے کی اشیا چھیننے کے واقعات عام ہیں لیکن پہلی مرتبہ ایک بے بس ماں سے اس کا بچہ چھیننے اور اسے ہلاک کرنے کا واقعہ منظرِ عام پرا?یا ہے۔ یہ بندروں میں انسان دشمنی کے بڑھتے ہوئے خطرناک رجحان کو ظاہر کرتا ہے۔دوپہر کے وقت خاتون نیہا اپنے 12 روزہ شیر خوار سنی کو دودھ پلارہی تھیں کہ ایک بندر اچانک نمودار ہوا اور بچہ چھین کا فرار ہوگیا۔ گھر والوں نے اس کا پیچھا کیا لیکن بندر تو نہ ملا تاہم پڑوس کی چھت سے بچے کی لہولہان لاش ملی جسے دیکھ کر ماں شدید صدمے سے دوچار ہوگئی۔بدنصیب بچے کے والد رکشا ڈرائیور نے بتایا کہ اس سے قبل ہم سارا معاملہ سمجھتے بندر میرے بیٹے کو لے کر غائب ہوچکا تھا ہم اس کے پیچھے دوڑے تو پڑوس کی چھت پر ہمیں بچہ ملا جس کا خون بہہ چکا تھا اور اس کی نبض تھم چکی تھی۔پولیس کے مطابق بندر نے بچے کے سر پر کاٹا تھا اور اسے پھینک کر فرار ہوگیا۔واضح رہے کہ بھارتی شہروں میں بندروں کی بہتات کی وجہ سے کئی تنظیموں نے انہیں آختہ کرکے ان کی نسل روکنے یا ہلاک کرنے پر زور دیا ہے۔ اگرچہ بھارت میں مقدس سمجھے جانے والے بندر لوگوں سے کھانا، کیمرے اور فون وغیرہ چھینتے ہیں لیکن کسی نومولود بچے کو نشانہ بنانے کا یہ عجیب واقعہ ہے۔کئی بھارتی شہریوں نے بندروں کی جانب سے چوری اور وارداتوں کو روکنے کے لیے خاص اقدامات کیے ہیں کیونکہ بندر کئی شہروں میں ا?زادانہ گھومتے پھرتے ہیں لیکن ان کی جانب سے گھروں کی اشیا یہاں تک کہ اسمارٹ فون اور زیورات چوری کرنے کی وارداتیں بھی سامنے آئی ہیں۔

اوٹاوا(ویب ڈیسک) امریکا کے چیئرمین جوائنٹ چیف آف اسٹاف جنرل جوزف ڈن فورڈ نے کہا ہے کہ افغانستان میں طالبان ہارے نہیں بلکہ 17 سالہ جنگ کے بعد بھی ا±ن کی پوزیشن کافی مضبوط ہے۔بین الاقوامی خبر رساں ادارے کے مطابق امریکا کے چیئرمین جوائنٹ چیف آف اسٹاف جنرل جوزف ڈن فورڈ نے کہا ہے کہ افغانستان کے معاملے پر ہمیں لگی لپٹی بات کرنے کے بجائے طالبان کی مضبوط پوزیشن کو تسلیم کرلینا چاہیے اور فوجی ا?پریشن کے ساتھ ساتھ معاشی دباو? اور مذاکرات کے ذریعے قیام امن کی کوششیں کرنی چاہئیں۔امریکی جنرل جوزف ڈن فورڈ نے کہا کہ امریکا اپنے اتحادیوں کے ساتھ مل کر طالبان اور کابل حکومت کے درمیان مذاکرات کے لیے کوششیں جاری رکھے ہوئے ہے اور اگر طالبان بات چیت کے لیے تیار ہوجائیں تو یہ ہماری بڑی کامیابی ہوگی۔ اس حوالے سے مثبت پیشرفت کے خواہاں ہیں تاہم اس میں کافی وقت لگے گا۔جنرل جوزف نے مزید کہا کہ حال ہی میں ہونے والے افغان بلدیاتی الیکشن کامیاب ثابت ہوئے ہیں اور اب ہماری نگاہیں ا?ئندہ برس ہونے والے صدارتی انتخابات پر جمی ہوئی ہیں، جمہوری عمل جاری رہنے کے معاشرے پر مثبت اثرات مرتب ہوتے ہیں اور جنگ ہر مسئلے کا حل نہیں۔جنرل جوزف کا طالبان کے حوالے سے لچک دار رویہ اس وقت سامنے آیا ہے جب افغان مذاکرات کے لیے امریکا کے خصوصی نمائندے زلمے خلیل زاد نے امن مذاکرات کے سلسلے میں طالبان کے وفد، متحدہ عرب امارات اور سعودی حکام کے ساتھ دوسری اہم ملاقات دبئی میں کی اور گزشتہ روز ہی کابل لوٹے ہیں۔

سری نگر(ویب ڈیسک)مقبوضہ کشمیر میں بھارتی فوج کی ریاستی دہشت گردی کا سلسلہ جاری ہے اور قابض فوج نے آپریشن کے نام پر آج مزید دو نوجوانوں کو شہید کردیا۔کشمیر میڈیا سروس کے مطابق قابض بھارتی فوج نے ضلع شوپیاں کے علاقے ریبان میں گھر گھر تلاشی لی جس کے دوران دو نوجوانوں کو فائرنگ کر کے شہید کیا۔قابض انتظامیہ نے ضلع بھر میں انٹرنیٹ سروس بھی معطل کردی جب کہ احتجاج کے پیش نظر مختلف علاقوں میں فوج کے ساتھ پیرا ملٹری، پولیس اور دیگر اداروں کے اہلکار الرٹ کردیے گئے ہیں۔