مسلم لیگ ن کی نائب صدر مریم نواز کا کہنا ہے کہ پی ڈی ایم اور ن لیگ ابھی لانگ مارچ کی تیاری نہیں کر رہی لیکن موجودہ حکومت اپنے خلاف خود ہی لانگ مارچ کر رہی ہے۔

لاہور میں میڈیا سے گفتگو میں مریم نواز نے کہا کہ اس حکومت کی توجہ پہلے اپوزیشن پر تھی اب اپنی حکومت بچانے پر ہے، 2023 تو دور کی بات ہے ان کے لیے 2021 بھی پورا کرنا مشکل ہوگیا ہے۔

انہوں نے کہا کہ جن سیاسی جماعتوں کی جڑیں عوام میں ہیں ان کو ن لیگ کا نہیں عوام کا ساتھ دینا ہوگا، ہماری پارٹی میں جو لوگ ڈر رہے تھے اب ان کا ڈر بھی ختم ہوگیا ہے۔

لیگی رہنما نے کہا کہ ڈینگی سے جو اموات ہو رہی ہیں وہ ڈینگی سے نہیں نااہلی سے ہو رہی ہیں، آج اگر شہباز شریف ہوتے تو لوگ ایسے مر نہ رہے ہوتے۔

مریم نواز نے کہا کہ آج کی افسوسناک خبر پیٹرول کی ہے کیونکہ پیٹرول بم عوام پر بجلی بن کر گرا ہے، پیٹرول کی قیمت بڑھتی ہے تو سب چیزوں کی قیمت بڑھتی ہے۔

انہوں نے کہا کہ ساری عوام بنی گالا میں نہیں رہتی اور سب کے پاس سرکاری گاڑیاں نہیں ہیں، ہر کسی کے پاس اے ٹی ایمز نہیں ہوتیں۔ آٹا، چینی، پیٹرول مافیا کی جیبیں عوام کے پیسوں سے بھری گئی ہیں جبکہ ملک میں بہت سے لوگوں کی تنخواہ 20ہزار روپے سے بھی کم ہے۔

وفاقی وزیر برائے توانائی حماد اظہر  نے کہا ہے کہ بجلی کی قیمتِ خرید اور فروخت میں ڈیڑھ سے دو روپے کا فرق ہے لیکن فی یونٹ ایک روپے انتالیس پیسے بڑھا رہے ہیں۔

اسلام آباد میں وفاقی وزیر حماد اظہر اور وزیر مملکت فرخ حبیب نے پریس کانفرنس کی۔

پریس کانفرنس سے خطاب میں حماد اظہر کا کہنا تھاکہ ہم انڈسٹریل پیکج لائے جس کی وجہ سے بجلی کی کھپت میں 15 فیصد اضافہ ہوا اور ہم نے بجلی کے پیک اوور ختم کر دیے ہیں۔

ان کا کہنا تھاکہ بجلی کی قیمتِ خرید اور فروخت میں ڈیڑھ سے دو روپے کا فرق ہے لیکن فی یونٹ ایک روپے انتالیس پیسے بڑھا رہے ہیں جبکہ 200 یونٹ سے کم استعمال کرنے والوں پر اطلاق نہیں ہوگا۔

حماد اظہر کا کہنا تھاکہ صارفین بجلی لیں یا نا لیں، ہم نے بجلی گھروں کو کرایہ دینا ہے، ماضی کی حکومتوں نے بجلی کے مہنگے منصوبے لگائے  لیکن پی ٹی آئی حکومت نے بجلی کا کوئی مہنگا معاہدہ نہیں کیا۔

ان کا کہنا تھاکہ گردشی قرضوں کا بوجھ عوام اور حکومت اٹھارہی ہے، گردشی قرضوں میں کمی لانے کی کوشش کررہے ہیں، ضرورت سے زائد صلاحیت کے منصوبے لگائے گئے۔

وفاقی وزیر کا کہنا تھاکہ ہم اب سستے فیول کے اوپن بولی پر پاور پلانٹ لگائیں گے، سیزنل بجلی پیکج کے تحت فی یونٹ بجلی پانچ سے سات روپے سستی ملے گی۔

خیال رہے کہ وفاقی کابینہ نے بجلی مہنگی کرنے کی منظوری دے دی ج

اسلام آباد: برطانوی عدالت نے ریحام خان کو زلفی بخاری پر جھوٹےالزامات لگانے پر ہرجانہ ادا کرنے اور معافی مانگنے کا حکم دیا ہے۔

وزیراعظم کے سابق معاون خصوصی زلفی بخاری نے لندن ہائی کورٹ میں وزیراعظم عمران خان کی سابق اہلیہ ریحام خان کے خلاف ہتک عزت کا مقدمہ جیت لیا۔ عدالتی حکم کے مطابق ریحام خان کو زلفی بخاری کو 50 ہزار پاؤنڈ بطور ہرجانہ ادا کرنا ہوگا۔

وزیراطلاعات فواد چوہدری کا کہنا ہے کہ برطانوی عدالت نے ریحام خان کو زلفی بخاری پر جھوٹےالزامات لگانے پر ہرجانے اور معافی مانگنے کا حکم دیا ہے۔ اس طرح کا قانونی نظام پاکستان میں لانے کی کوشش کو آزادی اظہار کے خلاف کہہ کر میڈیا مالکان مہم شروع کر دیتے ہیں۔

وفاقی وزیر نے مزید کہا بہرحال ریحام کا جھوٹا ہونا ایک بار پھر ثابت ہوا دراصل وہ عادی جھوٹی ہے۔

دوسری جانب لندن ہائیکورٹ کے فیصلے کے بعد ریحام خان نے زلفی بخاری کو مقدمے کے اخراجات اور ہرجانہ ادا کرنے پر رضامندی ظاہر کرتے ہوئے اپنی ویڈیو میں زلفی بخاری سے ہتک آمیز الزامات پر معافی بھی مانگ لی ہے۔

واضح رہے کہ 6 اور 7 دسمبر 2019 کو ریحام خان نے یوٹیوب براڈ کاسٹ میں الزام لگایا تھا کہ نیویارک میں پاکستان کے روزویلٹ ہوٹل کی فروخت میں زلفی بخاری کا مفاد ہے۔ زلفی بخاری نے روزویلٹ ہوٹل سے متعلق ریحام خان کی طرف سے الزامات عائد کرنے پر برطانوی عدالت سے رجوع کیا تھا۔