قاہرہ (خصوصی رپورٹ) گرجاگھروں میں بم دھماکوں کے بعد مصری صدر نے ملک میں تین ماہ کیلئے ایمرجنسی نافذ کردی گئی ہے۔ خبر ایجنسی کے مطابق مصر کے صدر الفتح السیسی نے فیصلہ بم دھماکوں کی وجہ سے کیا ہے۔ دوسری جانب بم دھماکوں کی ذمہ داری دہشت گرد تنظیم داعش نے قبول کرلی۔

قاہرہ(ویب ڈیسک) مصر کے شہر سینائی میں چیک پوسٹ پرخود کش حملے کے نتیجے میں 9 پولیس اہلکار ہلاک جب کہ 8 زخمی ہوگئے۔غیر ملکی خبررساں ادارے کے مطابق مصر کے شمالی شہر سینائی میں سیکیورٹی چیک پوسٹ پرخود کش ٹرک حملے کے نتیجے میں 9 پولیس اہلکار ہلاک جب کہ 8 زخمی ہوگئے جنہیں اسپتال منتقل کردیا گیا۔ پولیس حکام کے مطابق خود کش حملہ آور نے دھماکا خیز مواد سے بھرے ٹرک کو چیک پوسٹ سے ٹکرادیا جس کے بعد مسلح افراد نے چیک پوسٹ پر فائرنگ شروع کردی۔واضح رہے کہ اس سے قبل نومبر میں بھی سینائی میں سیکیورٹی چیک پوسٹ پرخود کش کار حملے میں 8 پولیس اہلکار ہلاک ہوگئے تھے۔