لاہور ( این این آئی) صوبائی وزیر قانون و پارلیمانی امور رانا ثناءاللہ خاں نے کہا ہے کہ عائشہ گلا لئی کی باتیں ہزار فیصد درست ہیں ، ریحام خان کے ساتھ شادی بھی ایسا ہی سلسلہ تھا ، عمران خان ان الزامات سے بھاگ نہیں سکتے ، لندن میں بھی ایک ایسی لڑکی ہے جس کا معاملہ جلد سامنے آنے والا ہے ۔ گفتگو کرتے ہوئے رانا ثناءاللہ نے کہا کہ اخلاقی بے راہ روی کا معالہ پرانا ہے ، عائشہ گلالئی نے جو باتیں کیں وہ ہزار فیصد درست ہیں،دھرنا ون اور کنٹینر کے دنوں سے ایسی باتیں سنتے آرہے ہیں ، عمران خان کوتحقیقات کے لئے اپنا بلیک بیری پیش کرنا ہو گا ۔ انہوں نے کہا کہ ریحام خان کے ساتھ شادی بھی ایسا ہی سلسلہ تھا،لندن میں بھی ایک ایسی لڑکی ہے جس کا معاملہ جلد سامنے آنے والا ہے۔ انہوں نے کہا کہ ورلڈ الیون کے دورہ پاکستان کے حوالے سے اہم اجلاس آج ہو گاجس میں پی سی بی کے عہدیدار اور پنجاب حکومت کے نمائندے شریک ہونگے، اجلاس میں پی سی بی اپنا پروگرام بتائے گااور اجلاس میں میچز کے حوالے سے فیصلہ کیا جائے گا۔ رانا ثناءاللہ نے کہا کہ ہماری بھی خواہش اور کوشش ہے کہ ورلڈ الیون کا دورہ ہو، وزیر اعلی پنجاب شہباز شریف کی ہدایت ہے کہ سیریز کو ممکن بنایا جائے۔

لاہور (ویب ڈیسک)پاکستان مسلم لیگ کے صوبائی وزیر رانا ثنا اللہ نے کہا ہے کہ ان کی جماعت میں کئی ارکان کی رائے میاں شہباز شریف کو پنجاب کی وزارتِ اعلی سے ہٹا کر وزیر اعظم بنانے کے فیصلے کے حق میں نہیں ہے۔رانا ثنا اللہ نے کہا کہ ان کی ذاتی رائے بھی یہی ہے کہ میاں شہباز کو اس مرحلے پر پنجاب سے ہٹا کر مرکز میں نہیں لے جانا چاہیے۔رانا ثنا اللہ نے شاہد خاقان عباسی کی حلف برداری کی تقریب میں میاں شہباز شریف کی غیر حاضری اور میاں حمزا شہباز کی قومی اسمبلی میں عدم شرکت کو کوئی اہمیت نہیں دی اور شریف خاندان اور پارٹی کے ان دو اہم ارکان کی غیر حاضری سے پارٹی کے اندر اختلافات کی قیاس آرائیوں کی بھی سختی سے تردید کی۔میاں نواز شریف نے اپنی نااہلی کے اگلے روز نون لیگ کے ایک اجلاس سے خطاب کرتے ہوئے میاں شہباز شریف کو اپنی جگہ وزیر اعظم بنانے کا اعلان کیا تھا۔میاں شہباز شریف کے قومی اسمبلی کا رکن منتخب ہونے تک کی درمیانی مدت کے لیے مری سے متعدد مرتبہ منتخب ہونے والے رکن قومی اسمبلی اور وفاقی وزیر شاہد خاقان عباسی کو عارضی یا عبوری وزیراعظم بنانے کا اعلان کیا تھا۔میاں نواز شریف کے اس فیصلے پر بڑی احتیاط سے رائے زنی کرتے ہوئے رانا ثنا اللہ نے کہا کہ یہ ان کی ذاتی رائے ہے جو پارٹی کے فیصلے کے تابع ہے۔ پارٹی کے دیگر اراکین کی اس فیصلے پر رائے کے بارے میں جواب دیتے ہوئے انھوں نے کہا جن ارکین کو بھی اپنی رائے دینے کا موقع ملا ہے ان کی اکثریت کا یہی خیال ہے کہ میاں شہباز شریف کو صوبہ چھوڑ کر مرکز میں نہیں جانا چاہیے۔

لاہور (مانیٹرنگ ڈیسک ) صوبائی وزیر قانون پنجاب رانا ثنا اللہ خان نے کہا ہے کہ نوا زشریف کی نا اہلی کے باوجود مسلم لیگ ن پاکستان کی سیاست میں پہلے سے زیادہ مضبوطی کے ساتھ اپنا کردار ادا کرے گی، ن لیگ کی طرف سے کارکنوں کو کسی قسم کے احتجاج کا حکم نہیں دیا گیا بلکہ کارکنوں کو صبر کرنے کی ہدایت کی ہے۔نجی ٹی وی سے گفتگو کرتے ہوئے رانا ثنا اللہ کا کہنا تھا کہ مسلم لیگ ن کے لیڈر نواز شریف ہی رہیں گے اور وہ 20 کروڑ عوام کی عدالت سے سرخرو ہوں گے۔ نوا زشریف کی نا اہلی کے باوجود مسلم لیگ ن پاکستان کی سیاست میں پہلے سے زیادہ مضبوطی کے ساتھ اپنا کردار ادا کرے گی۔انہوں نے کہا کہ نواز شریف کی نا اہلی پر کارکنوں کو کسی قسم کے احتجاج کی کال نہیں دی بلکہ عوام کو صبر کی تلقین کی ہے، پارٹی نے واضح ہدایت کی ہے کہ جذبات کو قابو میں رکھیں۔اگلے وزیر اعظم کے حوالے سے پوچھے جانے والے سوال کے جواب میں رانا ثنا اللہ کا کہنا تھا کہ پارٹی میں کوئی بھی شخص وزارت عظمیٰ کا امیدوار نہیں ہے، میاں نواز شریف بطور قائد جسے حکم دیں گے وہی اگلا وزیر اعظم ہوگا۔

لاہور(ویب ڈیسک)پنجاب کے وزیرقانون رانا ثنا اللہ کا کہنا ہے کہ عمران خان 10 ارب کی بات کرتے ہیں انہیں تو10 روپے بھی نہیں دیئے جا سکتے۔ لاہورمیں میڈیا سے بات کرتے ہوئے رانا ثنا اللہ نے کہا کہ عمران خان اداروں کو دباو¿ میں لانے کے لئے ہتھکنڈے استعمال کررہے ہیں، انہوں نے اختلافی نوٹ کو بری طرح سے اچھالا ہے، عمران خان کو تو10 روپے بھی نہیں دیئے جاسکتے، وہ ہرعزت دارکی عزت اچھالنا اپنا مقصد سمجھتے ہیں اور یہ باورکرانا چاہتے ہیں کوئی عزت بچانا چاہتا ہے تو ان کے مقاصد کے مطابق عمل کرے۔ الزام خان کے پریڈ گراو¿نڈ اسلام آباد میں جلسے کے مقاصد غیر آئینی ہیں جب کہ آج کا جلسہ قوم کے ساتھ بڑا بڑا مذاق ہے، عمران خان کو راولپنڈی کے شیطان اور ایک مکار مولوی کی حمایت حاصل ہے۔رانا ثنا اللہ نے وزیراعظم نوازشریف سے بھارتی کاروباری شخصیت سجن جندال کی ملاقات کے حوالے سے کہا کہ کاروباری شخصیت کے پوری دنیا میں لوگوں کے ساتھ تعلقات ہوتے ہیں، جندال ایک کاروباری شخصیت ہے جن کا حسن اورحسین نوازسے بھی کاروباری تعلق ہے، جندال کی ملاقات ذاتی نوعیت کی تھی کوئی بیک یا فرنٹ ڈورپالیسی نہیں تھی، اس ملاقات سے متعلق کل جو وضاحت کی گئی ہے وہی سچ ہے، اب جس کا جتنا گھٹیا ذہن ہے وہ اس ملاقات کو ویسا ہی بنارہا ہے۔

ہور (ویب ڈیسک) وزیرقانون پنجاب رانا ثنااللہ کہتے ہیں ڈان لیکس کی تحقیقات میں کسی کیساتھ رعایت نہیں برتی جارہی،اس معاملے پر بھی عمران خان نے منفی پراپیگنڈا کیا،سپریم کورٹ کا فیصلہ ہی اصل فیصلہ ہے اختلافی نوٹ فیصلہ نہیں۔انہوں نے کہا حکومت ڈان لیکس کی انکوائری رپورٹ کی سفارشات پر مکمل عمل کریگی،سپریم کورٹ سیاسی رہنماو¿ ں کے عدالت مخالف بیانات کا نوٹس لے،پی ٹی آئی کے جلسے میں بھی عدالت مخالف باتیں ہوں گی،ادارے اور اتھارٹیز ذمہ داری پوری کریں۔
وزیر قانون نے عمران خان اور شیخ رشید کو بھی تنقید کا نشانہ بنایا،آصف زرداری اور اعتزاز احسن پر بھی بھرپور وار کیا،کرپشن کے خلاف ان کی مہم کو قیامت کی نشانی قرار دیا،انہوں نے کہا قطری خط سے متعلق تحقیقات کرانا جے آئی ٹی کام ہے،قوم کی نظر سب پر ہے،وہ منافقت پسند نہیں کرتی۔

فیصل آباد (ویب ڈیسک) میونسپل کارپوریشن فیصل آباد کے انتخابات میں صوبائی وزیر قانون رانا ثناءاللہ کا گروپ پاکستان تحریک انصاف کی مدد سے اپنے امیدوار ملک رزاق کو میئر منتخب کرانے میںکامیاب ہوگیا ، پی ٹی آئی اے کے میونسپل کارپوریشن میں 20ووٹ تھے، ضلع کونسل فیصل آباد کیلئے مسلم لیگ (ن) کے زاہد نذیر 176 ووٹ لیکر بھاری اکثریت سے ضلع کونسل کے چیئرمین منتخب ہوگئے ۔ آن لائن کے مطابق سٹی میئر کے الیکشن کیلئے چوہدری شیر علی اور رانا ثناءاللہ گروپ کے مابین سخت مقابلہ تھا اس سلسلے میں ایک طرف چوہدری شیر علی کا تجربہ تھا جبکہ صوبائی وزیر قانون رانا ثناءاللہ گروپ کی طرف سے دولت اور طاقت تھی چنانچہ آج انتخابات میں 182 کے ایوان میں 180ووٹ کاسٹ ہوئے جن میں دو ووٹ مسترد کردیئے گئے اس طرح رانا ثناءاللہ گروپ کے ملک محمد رزاق نے 105ووٹ اور ان کے مدمقابل چوہدری شیر علی گروپ شیراز کالو نے 73ووٹ حاصل کئے رانا ثناءاللہ کا میئر 32ووٹوں کی اکثریت سے کامیاب ہوا جن میں پی ٹی آئی اے 20ووٹ بھی شامل ہیں یہ امر قابل ذکر ہے کہ گزشتہ ایک ہفتے سے صوبائی وزیر قانون رانا ثناءاللہ مسلسل ڈور ٹو ڈور اپنے گروپ کے امیدوار کیلئے نہ صرف ووٹ مانگ رہے تھے بلکہ ووٹروں پر انتہائی دباﺅ ڈالا گیا آن لائن کو ذرائع نے بتایا کہ بعض ممبران کو بھاری رقوم بھی حاصل کیں اسی طرح ضلع کونسل فیصل آباد کیلئے مسلم لیگ (ن) کے زاہد نذیر 176 ووٹ لیکر بھاری اکثریت سے ضلع کونسل کے چیئرمین منتخب ہوگئے جبکہ ان کے مدمقابل پاکستان تحریک انصاف خان بہادر ڈوگر صرف 16ووٹ حاصل کرسکے ۔