لاہور (خصوصی رپورٹ) وزیراعلیٰ پنجاب شہبازشریف نے جھنگ کے علاقے اٹھارہ ہزاری میں خودسوزی کرنے والے شادی شدہ شخص کو بروقت انصاف نہ دینے پر ایس ایچ او اٹھارہ ہزاری اور تفتیشی افسر کے خلاف مقدمہ درج کرنے کا حکم دیا ہے اور ہدایت کی ہے کہ انکوائری رپورٹ کی روشنی میں ایس ایچ او اور تفتیشی افسر کے خلاف قانون کے تحت کارروائی عمل میں لائی جائے۔ آر پی او سرگودھا نے اپنی انکوائری رپورٹ میں ایس ایچ او اور تفتیشی افسر کو قصوروار قرار دیا ہے۔ وزیراعلیٰ نے خودسوزی کرنے والے شخص کی موت پر دکھ اور افسوس کا اظہار کیا ہے۔ وزیراعلیٰ نے جاں بحق شخص کے لواحقین سے ہمدردی اور اظہار تعزیت کیا ہے۔ شہبازشریف نے ویڈیو لنک کے ذریعے ”خادم پنجاب اجالا پروگرام“ کے تحت بجلی سے محروم 20 ہزار سکولوں کو شمسی توانائی پر منتقل کرنے کے پروگرام پر پیشرفت کا جائزہ سے متعلق اجلاس سے خطاب کرتے ہوئے کہا کہ ”خادم پنجاب اجالا پروگرام“ کے تحت بجلی سے محروم 20ہزار سکولوں کو شمسی توانائی پر منتقل کرنا ہے اوراس پروگرام کے پہلے مرحلے کا آغاز جنوبی پنجاب کے سکولوں سے کیا جا رہاہے جس کے تحت جنوبی پنجاب کے بجلی سے محروم 10ہزار 800 سکولوں کو سولر پینلز سے روشن کیا جائے گا۔ وزیراعلیٰ نے کہا کہ سکولوں کو شمسی توانائی پر منتقل کرنے کے حوالے سے یہ پاکستان کا منفرد اور شاندار پروگرام ہے اورقوم کے نونہالوں کو بہتر تعلیمی ماحول کی فراہمی کے حوالے سے یہ انتہائی اہم منصوبہ ہے لہٰذا ”خادم پنجاب اجالا پروگرام“ کو وقت ضائع کئے بغیر تیز رفتاری سے آگے بڑھانا ہے۔ انہوں نے کہا کہ20ہزار سکولوں کو سولر پینلز کے ذرےعے روشن کرنے کے اس پروگرام پر اربوں روپے خرچ کئے جا رہے ہیں اور لاکھوں بچوں اور بچیوں کو اس شاندار پروگرام سے بے پناہ فائدہ ہوگا۔ شہبازشریف سے ممبر قومی اسمبلی سلطان محمود ہنجرا اور صوبائی وزیر جیل خانہ جات احمد یار ہنجرا نے ملاقات کی‘ شہبازشریف نے اس موقع پر گفتگو کرتے ہوئے کہا کہ پنجاب حکومت کی متوازن ترقیاتی حکمت عملی کے مثبت نتائج برآمد ہوئے ہیں اور پسماندہ اور کم ترقی یافتہ علاقوں کی ترقی پر اربوں روپے وسائل صرف کئے گئے ہیں۔ جنوبی پنجاب کی ترقی پر خصوصی توجہ مرکوز کی گئی ہے۔ موبائل ہیلتھ یونٹس‘ دانش سکولز‘ جدید ہسپتال اور بڑے تعلیمی ادارے بھی جنوبی پنجاب میں قائم کئے گئے ہیں۔ مظفرگڑھ میں جدید طبی سہولتوں سے آراستہ گورنمنٹ طیب اردوان ہسپتال علاقے کے عوام کو جدید علاج معالجہ فراہم کر رہا ہے۔ انہوں نے کہا کہ جنوبی پنجاب کی ترقی کیلئے آبادی کے تناسب سے 10فیصد زائد فنڈز فراہم کئے گئے ہیں۔ جنوبی پنجاب میں بسنے والے بہن بھائی میرے دل کے بہت قریب ہیں اور مسلم لیگ (ن) کی حکومت نے جنوبی پنجاب کے عوام کو ان کا حق دینے کیلئے وسائل کی ترقی اور خوشحالی کیلئے بڑے منصوبے مکمل کئے گئے ہیں جبکہ اربوں روپے کے میگا پراجیکٹس پر کام جاری ہے۔ شہبازشریف نے ویڈیو لنک کے ذریعے پینے کے صاف پانی کے پروگرام پر عملدرآمد اور مختلف امور پر پیشرفت کا جائزہ لینے سے متعلق اجلاس سے خطاب کرتے ہوئے کہا کہ پینے کے صاف پانی کی فراہمی عوامی مفاد کا بہت اہم منصوبہ ہے اور مفادعامہ کے اس شاندار پروگرام کو مقررہ مدت میں پایہ تکمیل تک پہنچانا ہے۔ وزیراعلیٰ نے کہا کہ پینے کے صاف پانی کے پروگرام سے قوم کے بچوں کا مستقبل جڑا ہے۔ شہریوں کو بیماریوں سے محفوظ رکھنے کے حوالے سے صاف پانی نہایت اہمیت کا حامل ہے اور پروگرام کاآغاز اربوں روپے کی لاگت سے جنوبی پنجاب کی تحصیلوں سے کیا جا رہا ہے۔ انہوں نے کہا کہ صاف پانی کی ساﺅتھ اور نارتھ کمپنیاں فیصلے کر کے آگے بڑھیں اور نتائج دیں۔
شہبازشریف

لاہور (اپنے سٹاف رپورٹر سے) وزےراعلیٰ پنجاب محمد شہبازشرےف نے کہا ہے کہ وسائل سے محروم اورغرےب عوام کے طرز زندگی مےں بہتری لانا پاکستان مسلم لےگ(ن) کی حکومت کااےجنڈا ہے اور اس اےجنڈے کی تکمےل کےلئے صوبے بھر مےں اربوں روپے کی لاگت سے فلاح عامہ کے پروگرامز کامےابی سے آگے بڑھائے جارہے ہےں ،جس کے تحت متوازن ترقےاتی حکمت عملی اختےارکرکے پسماندہ علاقوں کی ترقی کےلئے خصوصی اقدامات کےے گئے ہےںاورفلاحی پروگراموں کےلئے صوبے مےں پنجاب سوشل پروٹےکشن اتھارٹی جےسا فعال ادارہ بناےاگےا ہے جبکہ رواں مالی سال 635 ارب روپے کے تارےخ ساز ترقےاتی پروگرام پر عملدرآمد کےا جارہا ہے۔ صوبے کی تارےخ کا ےہ سب سے بڑا ترقےاتی پروگرام ہے جو پنجاب کی پائےدارمعاشی ترقی کا باعث بنے گاکےونکہ سالانہ ترقےاتی پروگرام مےں سماجی شعبوں کی ترقی پر خصوصی توجہ دی گئی ہے ۔وہ جنوبی پنجاب کے منتخب نمائندوں سے گفتگوکررہے تھے ۔وزےراعلیٰ شہبازشرےف نے کہا کہ کم ترقی ےافتہ اورپسماندہ علاقوں کی ترقی ہماری ترجےحات مےں شامل ہے اور سالانہ ترقےاتی پروگرام کے تحت پسماندہ علاقوں کی ترقی وخوشحالی پر خطےر وسائل خرچ کےے جارہے ہےں ۔انہوںنے کہا کہ پنجاب حکومت کی ترقیاتی حکمت عملی کے تحت غرےب عوام کے معےار زندگی کو بہتر بنانے کیلئے مثالی اقدامات کےے گئے ہےں۔تعلےم،صحت،زراعت،واٹر سےکٹر اورسماجی شعبوں کی بہتری کو ترجےح دی گئی ہے۔انہوںنے کہا کہ ماضی مےں جنوبی پنجاب سے حکمران تو آتے رہے لےکن علاقے کی پسماندگی دور کرنے کےلئے کچھ نہ کےاگےابلکہ جنوبی پنجاب کے عوام کے حقوق کے خالی نعرے بلند کر کے عہدوں پر پہنچنے والوںنے حصول اقتدار کے بعد علاقے کے عوام کوبھلادےا۔انہوںنے کہا کہ پاکستان مسلم لےگ(ن) کو ےہ اعزاز حاصل ہے کہ اس نے جنوبی پنجاب کی ترقی پر خصوصی توجہ مرکوز کی ہے اورہم نے خطے کی پسماندگی دور کرنے اورماضی کے لگائے گئے زخموں پر مرہم کرنے کےلئے ٹھوس حکمت عملی پر عمل کےاہے۔انہوںنے کہا کہ وسائل کارخ کم ترقی ےافتہ اورپسماندہ علاقوں کی طرف موڑدےاگےاہے۔جنوبی پنجاب مےں اربوں روپے کے مےگاپراجےکٹس مکمل ہوئے اوربہت سے منصوبوں پر کام جاری ہے جبکہ پےنے کے صاف پانی کی فراہمی کے بڑے پروگرام کا آغاز بھی جنوبی پنجاب سے کےا جارہا ہے ۔خادم پنجاب دےہی روزڈ پروگرام کے تحت ہزاروں کلومےٹر طوےل دےہی سڑکوں کو تعمےرکےا گےا ہے اور ےہ تمام سڑکےں کارپٹڈ ہےں۔ وزیراعلیٰ پنجاب محمد شہبازشریف نے ائیرپورٹ پر وزیراعظم شاہد خاقان عباسی کا استقبال کیا۔ چیف سیکرٹری، انسپکٹر جنرل پولیس، سی سی پی او، کمشنر لاہور ڈویژن، ڈی آئی جی آپریشنز، ڈپٹی کمشنر اور اعلیٰ حکام بھی ائیرپورٹ پر موجود تھے۔ بعدازاںوزیراعظم شاہد خاقان عباسی لاہور سے اسلام آباد روانہ ہوئے ۔وزیراعلیٰ پنجاب محمد شہبازشریف نے وزیراعظم شاہد خاقان عباسی کو ائیرپورٹ پر رخصت کیا۔ وزیراعلیٰ پنجاب محمد شہبازشریف نے معروف کالم نگار و دانشور ادیب جاودانی کے انتقال پر گہرے دکھ اور افسوس کا اظہار کیا ہے۔ وزیراعلیٰ نے سوگوار خاندان سے دلی ہمدردی اورتعزیت کا اظہار کیا ہے۔ وزیراعلیٰ نے اپنے تعزیتی پیغام میں کہا کہ ادیب جاودانی کالم نگاری میں منفرد انداز رکھتے تھے اور مرحوم نے فروغ تعلیم کیلئے بھی گرانقدر خدمات سرانجام دیں۔

اسلام آباد (این این آئی) عوامی مسلم لیگ کے سربراہ شیخ رشید نے کہا ہے کہ ابھی تو سیاسی کیس ہے ¾فوجداری کیس بھی بنے گا ¾ ڈٹ جانے کا مشورے دینے والوں نے انہیں پھنسوا دیا۔پاناما پیپرز عملدرآمد کیس کی سماعت کے موقع پر سپریم کورٹ کے باہر میڈیا سے گفتگو کرتے ہوئے شیخ رشید نے کہا کہ نوازشریف نے جمہوریت کونقصان پہنچایا ¾اپنے خاندان کو تباہ کیا ¾نوازشریف پہلے استعفا دیتے تو یہ سب نہ پھنستے۔انہوںنے کہاکہ فیصلہ قریب آتے ہی دستاویزات آجاتے ہیں ¾جج صاحب نے کہا جب بھی آپ وقت مانگتے ہیں قطری خط آجاتا ہے ¾پاناما کیس سے شاید بچ جاتے مگر اقامہ سے نہیں نکل سکتے ¾جے آئی ٹی کے خلاف بیان بازی اصل میں سپریم کورٹ کے خلاف ہے ¾حدیبیہ کا کیس کھل جاتا ہے تو شہباز شریف بھی گھیرے میں آجائے گا۔شیخ رشید نے کہا کہ نئی دستاویزات بھی شریف فیملی کیلئے مشکلات پیدا کریں گی، نواز شریف خواجہ آصف اور سپیکر میں ٹائی کا فیصلہ پہلے کر دیتے تو شاید بچ جاتے، پاناما کل پرسوں ختم نہ ہوا تو منگل، بدھ کو ختم ہو جائےگا ¾ انوشہ رحمان کی کیا سیاست ہے،انہوں نے کل جو جے آئی ٹی کے بارے میں زبان استعمال کی وہ ٹھیک نہیں ¾نواز شریف نا اہل بھی ہونگے اور انکے خلاف ٹرائل بھی ہوگا، جو ہونا ہے 2017 میں ہی ہو جائےگا۔ شیخ رشید نے کہا ہے کہ وہ نوازشریف کی نااہلی کے بعد ایازصادق کو وزیراعظم دیکھ رہے ہیں۔سپریم کورٹ کے باہرمیڈیا سے بات کرتے ہوئے شیخ رشید احمد نے کہا کہ پاناما کیس اپنے مطقی انجام کو پہنچ رہا ہے، اس حوالے سے اگلا ہفتہ انتہائی اہم ہے۔ اللہ کو منظور ہوا تو سپریم کورٹ نے حکمرانوں کے تابوت مکمل ثبوتوں کے ساتھ نکلیں گے۔ شریف خاندان کے وکیل سلمان اکرم راجا اب اپنی فیس کے پیسے پورے کررہے ہیں جب کہ اسحاق ڈار کو اس کے وکیل نے مروا دیا۔نوازشریف کی نااہلی کی صورت میں ممکنہ وزیراعظم کے حوالے سے شیخ رشید نے کہا کہ نوازشریف کی نااہلی کے بعد وزارت عظمیٰ کے لیے خواجہ آصف اور سردارایاز صادق کے درمیان ٹائی ہے لیکن وہ ایاز صادق کو وزیر اعظم دیکھ رہے ہیں۔

لاہور (اپنے سٹاف رپورٹر سے) وزےراعلیٰ پنجاب محمد شہبازشرےف نے کہا ہے کہ وزیراعظم محمد نوازشریف کی قیادت میں پاکستان ترقی کی شاہراہ پر گامزن ہو چکا ہے اور 4 برس کے دوران اربوں روپے کے ترقیاتی منصوبوں کو مکمل کیا گیا ہے جبکہ فلاح عامہ کے اربوں روپے کے منصوبوں پر دن رات کام ہو رہا ہے۔ انہوں نے کہا کہ منصوبوں میں شفافیت ، معیار اور رفتار کو یقینی بنایا گیا ہے اور ماضی کی حکومتوں کے مقابلے میں مسلم لیگ (ن) کا ہرمنصوبہ شفافیت اور رفتار کا شاہکار ہے اور مخالفین بھی ہمارے منصوبوں پر انگلی نہیں اٹھا سکتے۔ انہوں نے کہا کہ وزیراعظم محمد نوازشریف کی قیادت میں پاکستان کی ترقی اور عوام کی خوشحالی کا پروگرام مکمل کریں گے۔وزیراعلیٰ پنجاب محمد شہبازشریف نے ان خیالات کا اظہار آج یہاں مسلم لیگ (ن) کے وفد سے گفتگو کرتے ہوئے کیا۔ وزےراعلیٰ پنجاب محمد شہبازشرےف سے یورپین پارلیمنٹ کی خارجہ امور کمیٹی کے سربراہ ڈیوڈمیک الیسٹر(Mr.David McAllister )کی قیادت میں وفدنے ملاقات کی-پاکستان میں یورپی یونین کے سفیر جین فرانکوس کوٹین (Mr.Jean Francois Cautain )کے علاوہ یورپی پارلیمنٹ کے اراکین بھی اس موقع پر موجود تھے- ملاقات میں باہمی دلچسپی کے امور ،پاکستان اور یورپی یونین کے مابین تعلقات کے فروغ کے لئے اقدامات پر تبادلہ خیال کیا گیا-وزیر اعلی محمد شہباز شریف نے وفد سے گفتگو کرتے ہوئے کہا کہ پاکستان او ریورپی یونین کے ممالک کے مابین انتہائی دوستانہ اور معاشی تعلقات موجود ہیں-یورپی یونین پاکستان کاایک بڑا تجارتی پارٹنر ہے -پاکستان کو جی ایس پی پلس کا درجہ دلانے کےلئے یورپی ممالک کی سپورٹ کو قدر کی نگاہ سے دیکھتے ہیں اوریورپی یونین کے ساتھ تعلقات کو مزید مضبوط بنانا چاہتے ہیں اوران تعلقات میں بہتری سے عوام کو فائدہ پہنچے گا- انہوںنے کہا کہ پنجاب حکومت نے منصوبوں میں شفافیت کو یقینی بنا کر850ملین ڈالر کی بچت کی ہے اور شفافیت ہماری حکومت کی طرہ امتیاز ہے جس کی بنا پر آج پنجاب میں سرمایہ کاری میں اضافہ ہواہے -انہو ںنے کہاکہ پاکستان دہشت گردی کے چیلنج کا بہادری کےساتھ سامنا کر رہاہے -دہشت گردی کے باعث پاکستانی معیشت کو نا قابل تلافی نقصان پہنچا ہے -انہوں نے کہا کہ سیاسی وعسکری قیادت کے اتفاق رائے سے کئے گئے فیصلوں کے باعث دہشت گردی کے خلاف جنگ میں شاندار کامیابیاں ملی ہیں اور آج پاکستان امن کی جانب گامزن ہے-دہشت گردوں او ر ا ن کے سہولت کاروں کو شکست دےنے کے لئے پوری قوم متحد ہے-انہوں نے کہا کہ معاشی ترقی کا براہ راست تعلق امن کے ساتھ جڑا ہوا ہے – دہشت گردی و انتہا پسندی کے خاتمے کے لئے بندوق کی گولی کے ساتھ سماجی و معاشی اقدامات کی گولیاں بھی ضروری ہے اوراسی لئے حکومت سماجی و معاشی اقدامات کے ذرےعے دہشت گردی و انتہا پسندی کے مائنڈ سیٹ کے خاتمہ کے لئے کاوشیں کررہی ہے اور دہشت گردی او رانتہاءپسندی کے مائنڈ سیٹ کو بھی شکست دیں گے-انہوں نے کہاکہ پنجاب حکومت نے اس ناسور کے خاتمے کےلئے خصوصی طو رپر انسداد دہشت گردی فورس بنائی ہے جس سے انتہائی پیشہ وارانہ انداز میں تربیت دی گئی ہے او ریہ فورس دہشت گردی کے خاتمے کے لئے ہر اول دستے کے طو رپر کام کررہی ہے – انہوںنے کہا کہ پنجاب حکومت نے اینٹوں کے بھٹوں سے چائلڈ لیبر کا خاتمہ کردیاہے اوراینٹوں کے بھٹوں پر کام کرنے والے 85ہزار بچوں کو سکولوں میں داخل کرایا گیاہے -ان بچوں کو مفت تعلیم کےساتھ ماہانہ وظیفہ بھی دیا جارہاہے -انہوں نے کہا کہ جن بچوں کے ہاتھ گرد آلود تھے اب ان معصوم ہاتھو ںمیں قلم اور کتاب ہے-انہوں نے کہا کہ ورکشاپوں، ریسٹورنٹس او رپٹرول پمپوں سے بھی چائلڈ لیبر کا خاتمہ کریں گے-پنجاب حکومت کے اقدامات کے باعث سکولوں میں بچوں کی شرح داخلہ میں اضافہ ہواہے -2018ءتک ہر بچے کو سکول داخل کرانے کا ہدف مقرر کیا گیاہے- انہو ںنے کہا کہ توانائی بحران کے خاتمے کے لئے کئے جانے والے اقدامات بارآور ثابت ہوئے ہیں-آج ہزاروں میگا واٹ کے توانائی منصوبوں پر دن رات کام جاری ہے اورکئی منصوبے تکمیل کے آخری مراحل میں ہیں-2017ءکے آخر میں توانائی منصوبوں کی تکمیل سے لوڈشیڈنگ کا خاتمہ ہوگا اور2018ءکے اوائل میں پاکستان کے پاس سرپلس بجلی ہوگی-انہوں نے کہا کہ پاکستان اس سفر کی جانب گامزن ہے جس کا خواب قائدؒ او راقبالؒ نے دیکھا تھا-اس ملک میں انتہا پسندی اور دہشت گردی کی کوئی گنجائش نہیں۔ تحمل ،برداشت ، بھائی چارے اور رواداری پر مبنی پاکستان ہماری منزل ہے۔ پاکستان جلد اپنا کھویا ہوا مقام پائے گا۔ وزےراعلیٰ پنجاب محمد شہبازشرےف کی زیرصدارت اعلیٰ سطح کا اجلاس منعقد ہوا، 3 گھنٹے طویل جاری رہنے والے اجلاس میں صوبے میں امن و امان کی مجموعی صورتحال، سیف سٹی پراجیکٹ لاہور کے منصوبے پر پیش رفت اور 6 بڑے شہروں میں سیف سٹی پراجیکٹس کے امور کا جائزہ لیا گیا۔ وزیراعلیٰ محمد شہبازشریف نے اجلاس سے خطاب کرتے ہوئے کہا ہے کہ پنجاب حکومت نے عوام کے جان و مال کے تحفظ کیلئے موثر اقدامات کئے ہیں۔ وزیراعلیٰ نے متعلقہ حکام کو ہدایت کی کہ امن عامہ کی فضا کو بہتر سے بہتر بنانے کیلئے ہر ضروری اقدام اٹھایا جائے اور پولیس جرائم پیشہ افراد کی سرکوبی کیلئے جانفشانی سے فرائض سرانجام دے اور جرائم پیشہ افراد کے خلاف تسلسل کے ساتھ بلاامتیاز کارروائی جاری رکھی جائے۔ انہوں نے کہا کہ پنجاب حکومت نے امن عامہ کو بہتر بنانے کیلئے پہلے بھی پیٹ کاٹ کر وسائل دیئے ہیں اور آئندہ بھی دیں گے۔ انہو ںنے کہا کہ انفارمیشن ٹیکنالوجی کی مدد سے شہروں کو محفوظ بنانے کے مربوط پروگرام پر عملدرآمد کیا جا رہا ہے اور اس ضمن میں پنجاب سیف سٹی پراجیکٹ شروع کیا گیا ہے، اس منصوبے کا براہ راست تعلق امن عامہ کی صورتحال کو بہتر بنانے سے ہے لہٰذا لاہور میں سیف سٹی پراجیکٹ پر کام کی رفتار کو مزید تیز کیا جائے اور یہ منصوبہ مقرر کردہ مدت میں مکمل ہونا چاہیئے جبکہ دیگر 6 شہروں میں بھی منصوبوں پر کام کے امور جلد طے کئے جائیں اور کابینہ کمیٹی برائے امن و امان اس ضمن میں از خود فیصلے کرکے اقدامات کرے۔ وزیراعلیٰ نے 6 شہروں میں سیف سٹی پراجیکٹس کے امور کو آگے بڑھانے کیلئے کمیٹی تشکیل دینے کی ہدایت کی۔ انہو ںنے کہا کہ جرائم اور دہشت گردی کے سدباب کیلئے پنجاب سیف سٹی پراجیکٹس کلیدی اہمیت کے حامل ہیں۔ ان منصوبوں پر انفرادیت اور جدت کو مدنظر رکھ کر پیشہ ورانہ انداز میں کام کرنا ہے۔ وزےراعلیٰ پنجاب محمد شہبازشرےف کی زیرصدارت اعلیٰ سطح کا اجلاس منعقد ہوا جس میں اورنج کیب سکیم کے اجراءاور ادائیگیوں کا ڈیجیٹل نظام شروع کرنے کیلئے تجاویز کا جائزہ لیا گیا۔ وزیراعلیٰ نے کابینہ کمیٹی تشکیل دینے کی ہدایت کرتے ہوئے کہاکہ کمیٹی دونوں پروگراموں کے بارے میں آئندہ چند روز میں حتمی تجاویز پیش کرے گی۔ وزیراعلی محمد شہبازشریف نے اجلاس سے خطاب کرتے ہوئے کہاکہ اورنج کیب سکیم کا اجراءرواں برس کیا جائے گااوراس سکیم کے تحت ایک لاکھ گاڑیاں بیروزگار نوجوانوں کو آسان شرائط پر دی جائیں گی جس سے ایک لاکھ نوجوانوں کو روزگار ملے گا اورہزاروں خاندانوں کے 6لاکھ افراد مستفید ہوںگے اور اورنج کیب سکیم سے روزگار کے مواقع بڑھیں گے۔انہوں نے کہا کہ پنجاب حکومت نے اپنا روزگار سکیم کے تحت نوجوانوں کو 50 ہزار گاڑیاں فراہم کی ہیں۔اپنا روزگار سکیم سے بیروزگار نوجوانوں کو باعزت روزگار ملا ہے اورروزگار ملنے سے ہزاروں خاندانوں کی سماجی حالت بہتر ہوئی ہے،اسی طرح ییلو کیب سکیم بھی سود مند ثابت ہوئی -حکومت نے دونوں سکیموں پر اربوں روپے کی سرمایہ کاری کی ہے ۔وزیراعلی نے ہدایت کی کہ سمال اینڈ میڈیم انٹرپرائزز کو فروغ دینے کیلئے تجاویز پیش کی جائیں۔انہوں نے کہاکہ روزگار کے مواقع بڑھانے کیلئے اٹھائے گئے اقدامات بارآور ثابت ہو رہے ہیں۔انہوں نے کہاکہ چھوٹے کاشتکاروں کو رعایتی نرخوں پر ٹریکٹرز کی فراہمی کا بھی جائزہ لیا جائے۔ انہوں نے کہاکہ سٹیٹ آف دی آرٹ ڈرائیونگ سکول وقت کی ضرورت ہے اور اس جانب تیزی سے اقدامات کئے جائیں۔وزیراعلی نے کہاکہ اپنا روزگار سکیم کامیاب رہی ہے، اس سکیم کو عوام میں بہت پذیرائی ملی ہے اور اس سکیم کے تحت ریکوری کا عمل سوفیصد ہے۔انہوں نے کہاکہ ییلوکیب اور اپنا روزگار سکیم کے تحت اربوں روپے کی سرمایہ کاری کے ثمرات عوام کو مل رہے ہیں۔انہوں نے کہا کہ پنجاب حکومت نے صوبے میں ای ۔گورننس اور شفافیت کے کلچر کو فروغ دیا ہے۔ ترقیاتی منصوبوں میں معیار، شفافیت کو یقینی بنایا گیا ہے- ڈیجیٹل ادائیگیوں کے نظام سے کرپشن کا خاتمہ ہوگا اور عوام کو سہولت ملے گی۔ڈیجیٹل ادائیگیوں کے نظام کے تحت ای کارڈز کے ذریعے صارفین کو مختلف سروسز ملیں گی۔اس جدید نظام سے فراڈ اور جعلسازی کا خاتمہ ہوگا۔ڈیجیٹل نظام کے ذریعے کسانوں کو ریلیف کی فراہمی اور قدرتی آفات سے پہنچنے والے نقصان کے ازالے کیلئے ادائیگیوں کے نظام میں بہتری آئے گی۔ وزیر اعلیٰ پنجاب محمد شہباز شریف نے ورلڈ ارتھ ڈے کے موقع پر اپنے پیغام مےں کہا ہے کہ زمےن ہم سے محبت کا تقاضا کرتی ہے اورپانی، پہاڑ، جنگلات، ہریالی اور صحرا کو اصل روح کے ساتھ قائم رکھنا ہی زمین سے محبت کا نام ہے۔ انہوںنے کہا کہ ورلڈ ارتھ ڈے منانے کا مقصد ماحولیاتی آلودگی سے زمین کو پہنچنے والے نقصان کے بارے آگہی پھیلانا ہے۔ ورلڈ ارتھ ڈے کی علامتی تحریک کا اصل مقصد عوام میں اپنے ماحول سے دوستی کا شعور اجاگر کرنا ہے۔انہوںنے کہا کہ ورلڈ ارتھ ڈے ہمیں ماحولیات کو تباہ ہونے سے بچانے کیلئے مشترکہ کوششوں کی ذمہ داری کا احساس دلاتا ہے۔ماحولیاتی آلودگی اور موسمی تبدیلیاں ایک بڑے چیلنج کے طور پر سامنے آئی ہیں۔عالمی درجہ حرارت میں اضافہ نہ صرف تشویشناک ہے بلکہ یہ ایک بڑا مسئلہ بن چکا ہے۔انہوںنے کہا کہ زمین ہمارے پاس آنے والی نسلوں کی امانت ہے لیکن ماحولیاتی آلودگی کے باعث یہ اپنی بقا کے حوالے سے خدشات کا شکار ہے۔ بہتر معیار زندگی کیلئے قدرتی ماحول پر اثر انداز ہونے والے عوامل پر قابو پانا ہوگا۔انہوںنے کہا کہ کرہ ارض کی حفاظت کےلئے اقدامات، ماحولیاتی آلودگی سے بچاﺅ کےلئے تدابیر اور موسمی تبدیلی کے اثرات سے نمٹنے کےلئے حکمت عملی حکومتی ترجیحات میں شامل ہے۔انہوںنے کہا کہ آج ہم سب کو زمین کو درپیش خطرات سے محفوظ رکھنے کیلئے آواز بلند کرنا ہے۔ہمیں انفرادی اور اجتماعی سطح پرزمےن کو ماحولیا تی آلودگی سے بچانے میں کردار ادا کرناہے۔ اس دن کاتقاضا یہ ہے کہ بین الاقوامی سطح پر کرہ ارض کو محفوظ بنانے کےلئے کوششیں کی جائیںاور درست سمت مےں اقدامات کےے جائےں۔ وزیراعلیٰ شہبازشریف کی زیرصدارت اجلاس میں اورنج کیب سکیم کے اجراءاور ادائیگیوں کا ڈیجیٹل نظام شروع کرنے کیلئے تجاویز کا جائزہ لیا گیا۔ وزیراعلیٰ نے کابینہ کمیٹی تشکیل دینے کی ہدایت کرتے ہوئے کہا کہ کمیٹی دونوں پروگراموں کے بارے میں آئندہ چند روز میں حتمی تجاویز پیش کرے۔ شہبازشریف نے اجلاس سے خطاب کرتے ہوئے کہا کہ اورنج کیب سکیم کا اجراءرواں برس کیا جائے گا اور اس سکیم کے تحت ایک لاکھ گاڑیاں بیروزگار نوجوانوں کو آسان شرائط پر دی جائیں گی جس سے ایک لاکھ نوجوانوں کو روزگار ملے گا اور ہزاروں خاندانوں کے 6لاکھ افراد مستفید ہوں گے اور اورنج کیب سکیم سے روزگار کے مواقع بڑھیں گے۔ انہوں نے کہا کہ چھوٹے کاشتکاروں کو رعایتی نرخوں پر ٹریکٹرز کی فراہمی کا بھی جائزہ لیا جائے گا۔ وزیراعلیٰ پنجاب کی زیرصدارت اعلیٰ سطح کا اجلاس ہوا‘ 3گھنٹے جاری رہنے والے اجلاس میں صوبے میں امن و امان کی مجموعی صورتحال‘ سیف سٹی پراجیکٹ لاہور کے منصوبے پر پیشرفت اور 6بڑے شہروں میں سیف سٹی پراجیکٹس کے امور کا جائزہ لیا گیا۔ مسلم لیگ (ن) کے وفد سے گفتگو کرتے ہوئے شہبازشریف نے کہا ہے کہ وزیراعظم نوازشریف کی قیادت میں پاکستان ترقی کی شاہراہ پر گامزن ہو چکا ہے اور 4برس کے دوران اربوں روپے کے ترقیاتی منصوبوں کو مکمل کیا گیا ہے۔
شہبازشریف

فیصل آباد(ویب ڈیسک)وزیر اعلی پنجاب میاں شہباز شریف نے کہا ہے کہ سی پیک منصو بے میں اربوں ڈالر کی سرما یہ کاری ہو رہی ہے اور چند لوگوں کے پیٹ میں مروڑ اٹھ رہے ہیں کہ سی پیک اور گوادر کے منصو بے ہمارے تھے اب پر تختیاں میاں نواز شریف لگا رہا ہے میں پوچھتا ہوں کہ اگر یہ منصو بے تمھارے تھے تو پھر شروع کیوں نہ کیے گئے زرداری اور مشرف نے اس ملک کا بیڑا غرق کر نے میں کو ئی کسر نہیں چھوڑیزرداری اور دھرنے دینے والے اب قوم کو مزید دھو کا نہیں دے سکتے دھر نے والوں نے کی معیشت کا بیڑا غرق کیا میٹرو بس کو جنگلہ بس کہنے والوں کو اب پشاور میں جنگلہ بس بنا نے کا خیا کیوں آیا وہ پشاور مین میٹرو بس بنا ئیں مگر خدا را اسے جنگلہ بس نہ کہیں لاہور اسلام آباد اور ملتان میں ان بسوں میں غریب لوگ کم کرائے میں سفر کر تے ہیں اور دعا ئیں دے رہے ہیں رواں سال بجلی کے زیر تعمیر تمام منصو بے جن میں بیکھی پاور پلا نٹ بلوکی پاور پلانٹ حو یلی بہادر شاہ پاور پلانٹ اسی سال بجلی کی پیداوار شروع کر دیں گے اور پا کستان اندھیروں سے نکل آئے گا وہ گز شتہ روز یہاں بلدیاتی کنونشن سے خطاب کر رہے تھے انہوں نے کہا کہ میاں نواز شریف نے تمام منصوبوں میں 112ارب رو پے کی بچت کی جو پاکستان کی تاریخ میں ایک عظیم کار نا مہ ہر آصف زرداری نے ملک کو دونوں ہا تھاں سے لوٹا انہوں نے کہا کہ پا کستان کی تا ریخ میں پہلی مرتبہ وزیر اعظم میاں نواز شریف چھوٹے کسا نوں کے لیے 100ارب روپے کی پیکج کا اعلان کیا اس کی مثال پا کستان کی تاریخ میں پہلے نہیں ملتی انہوں نے کہا کہ نندی پور پاور پلا نٹ کا منصو بہ 2002پیپلز پارٹی نے 80ارب میں شروع کیا تھا آج تک مکمل نہ ہو سکا اسکی کی لا غت 500ارپ روپے تک پہنچ گیا اس منصو بے میں کر پشن کی انتہا کی گئی یوزیر اعلی پنجاب میاں شہباز شریف پرا نی سبز منڈی کی جگہ واگزار کروا کر ویاں آئی ٹی یو نیورسٹی بنا نے کا اعلان کیا اور فیصل آباد کے عوام کے لیے میٹرو بس منصو بے کا اعلان بھی کیا جو اسی سال کے آخر میں شروع کر دیا جا ئے گا انہوں نے کہا کہ لاہور کی طرز پر فیصل آباد میں سیف سٹی بھی اسی سال شروع کر دیا جا ئے گا انہوں نے آصف زرداری اور عمران خان کو سخت تنقید کا نشا نہ بنا تے ہو ئے کہا کہ قوم اب انکے چکروں میں نہیں آئے گی خدارا وہ بھی اب قوم کی جان چھوڑ دیں انہوں نو منتخب بلدیا تی نما ئندوں کو مخا طب کر تے ہو ئے کہا کہ وہ عوام کی خد مت کر یں اس میں کسی قسم کی کوئی کسر ٹھا نہ رکھیں تا کہ آئندہ الیکشن میں قوم میاں نواز شریف کے انقلا بی کام یا د رکھیںانہوں نے کہا کہ فیصل آباد ٹیکسٹا ئل سٹی ہے اس کا حسن برقرار رکھیں گے فیصل آباد مین آئی ٹی یو نیورسٹی بننے کے بعد یہاں بڑے بڑے ٹیکسٹا ئل انجینئر بنیں گے جو ٹیکسٹا ئل کے شعبے میں ایک نئی جدت پیدا کر یں گے اور پوری دنیا میں پا کستان کا نا م روشن کر یں گے انہوں نے فرینچ واٹر منصو بے کا افتتاح کر تے ہو ئے کہا کہ میری خواہش کی فیصل آباد کی 100فیصد آباد پینے کا صاف پا نی پییے تا کہ وہ پا نی سے پیدا ہو نے وا لی بیماریوں سے محفوظ رہیں انہوں نے کہا کہ یہ منصو بہ13ارب رو پے کی لا گت سے مکمل ہو گا 3ارب رو پے پنجاب حکو مت دیگی اور باقی روم فرنچ حکو مت ادا کر ئے گی دریں ثناءوزیر اعلی پنجاب میاں شہبازشریف نے الخدمت منصو بے کا افتتاح کیا جس میں 17مختلف ادارے کام کریں گے اور پار کنگ پالزے کا سنگ بنیاد رکھا 55ملین روپے کی لا گت سے تعمیر ہو نے والے ایشیاءکے سب سے بڑے چلڈرن ہسپتال کا افتتاح کر نے کے ساتھ ساتھ ایشیاءکی سب سے بڑی زرعی یو نیورسٹی میں 50 5 ملین روپے کی لا گت سے تعمیر ہو نے والے ایشیاءکے سب سے بڑے گرلز ہا سٹل جو350کمروں پر مشتمل ہے اس ہو سٹل میں 1000سے زا ئد گرلز سٹوڈنٹ بسیرا کر سکیں گیا قوم کی بیٹیا ں اس عظیم یو نیورسٹی میں مختلف شعبوں میں زیر تعلیم وہ محنت کر یں تا کہ آگے جا کر پا کستان کا نان روشن کریں اس موقعہ وزیر اعلی پنجاب میاں شہباز شریف ہمراہ وفا قی وزیر مملکت بجلی و پا نی عا بد شیر علی ایم این اے حا جی اکرم انصاری صوبا ئی وزیر قانون پنجاب رانا ثناءللہ خاں سنیت منتخب ایم این اےز اور ایم پی ایز بھی تھے۔

لودھراں (خبریں ویب ڈیسک) وزیراعلیٰ پنجاب شہباز شریف نے جنوبی پنجاب کی 37 تحصیلوں میں اربوں روپے کی لاگت سے صاف پانی کا منصوبہ شروع کرنے کا اعلان کر دیا ہے۔ ان کا کہنا ہے کہ عوام کا ٹھاٹھیں مارتا سمندر نواز شریف کی مقبولیت کا ثبوت ہے۔ ملک سے اندھیرے ختم کرنے سے متعلق نواز شریف کا وعدہ اسی سال پورا ہو گا اور اتنی بجلی پیدا ہو گی جس سے ملک کے اندھیرے دور ہو جائیں گے اور اگر ہمسایہ ملک چاہے تو وہ بھی بجلی لے سکے گا۔پنجاب میں ترقیاتی کاموں کی بات کرنے والے سیاسی مخالفین سے کہتا ہوں کہ پہلے کراچی کا کچرا صاف کرائیں، پھر پنجاب کی بات کریں۔ میٹرو بس کو جنگلہ بس کہنے والے آج خود پشاور میں میٹرو بس منصوبہ شروع کرنے پر مجبور ہو گئے ہیں۔ اگلے الیکشن میں عوام تمام دیگر جماعتوں کا صفایا کر دیں گے۔ تفصیلات کے مطابق وزیراعلیٰ پنجاب شہباز شریف لودھراں پہنچے جہاں انہوں نے لودھراں، خانیوال روڈ کا سنگ بنیاد رکھنے کے بعد جلسہ عام سے خطاب کیا۔ انہوں نے کہا کہ اس سڑک پر 22 ارب روپے لاگت آئے گی اور اگر اللہ کو منظور ہوا تو 12 مہینوں میں مکمل ہو جائے گی۔ انہوں نے کہا کہ جنوبی پنجاب میں سڑکوں کا جال بچھا دیا ہے اور یہ تمام منصوبے برسوں میں نہیں بلکہ مہینوں میں مکمل کریں گے۔ انہوں نے کہا کہ پی ٹی آئی چیئرمین لاہور میٹرو بس کو پہلے جنگلہ بس کہتے رہے لیکن پھر اس کے و ہ فوائد جو قوم کی لاکھوں بیٹیوں، بیٹوں، ما?ں اور بزرگوں کو مل رہے ہیں، انہیں دیکھ کر وہ آج پشاور میں چار سال بعد میٹرو بس کا منصوبہ شروع کرنے پر مجبور ہو گئے ہیں۔ میں نے کہا کہ عمران خان آپ جنگلہ بس کہتے ہیں لیکن میں اسے نہیں کہوں گا کیونکہ اس میں مائیں، بیٹیاں، قوم کے بیٹے اور بزرگ بیٹھتے ہیں، اللہ کے حضور سجدہ ریز ہونے والے لوگ اس میں سفر کرتے ہیں، اسے جنگلہ بس کہنا انسانیت کی توہین ہے۔ وزیراعلیٰ پنجاب نے اس موقع پر توانائی منصوبوں کی تکمیل اور لوڈشیڈنگ کے خاتمے سے متعلق 2013ءمیں انتخابات کے موقع پر وزیراعظم نواز شریف کے وعدے کو بھی یاد دلایا اور کہا کہ سابقہ دور میں ملک اندھیروں میں تھا، زراعت تباہ ہو چکی تھی اور 2013ئ سے پہلے لوڈشیڈنگ کے خلاف ہر طرف احتجاج ہوتا تھا ، ماضی کی غلطیوں کے ذمہ دار (ق) لیگ اور پیپلز پارٹی والے ہیں۔ جب نواز شریف کی قیادت میں 2013ئ کے انتخابات میں مسلم لیگ ن کو ووٹ ملے تو نواز شریف نے سب سے بڑا نعرہ لگایا اور وعدہ کیا کہ اللہ نے موقع دیا تو بجلی کے اندھیرے ختم کر دئیے جائیں گے۔ قوم کو بتا دینا چاہتا ہوں کہ اسی سال کے آخر میں نواز شریف کا وعدہ پورا ہو گا اور بجلی آئے گی اور اندھیرے ختم ہو جائیں گے۔ اس سال کے آخر میں بجلی کے منصوبے اتنی بجلی پیدا کر رہے ہوں گے کہ اگر ہمسایہ ملک بھارت چاہے تو ہم اس کو بجلی دے سکتے ہیں۔

لاہور (ویب ڈیسک) وزیراعلیٰ پنجاب محمد شہباز شریف سے ڈی جی ایف ڈبلیو او لیفٹیننٹ جنرل محمد افضل کی ملاقات ہوئی‘ ملاقات میں لاہور رنگ روڈ سدرن لوپ پراجیکٹ اور دیگر منصوبوں میں پیش رفت پر بات چیت کی گئی‘ وزیراعلیٰ پنجاب کو لاہور رنگ روڈ سدرن لوپ کے منصوبے پر بریفنگ دی گئی۔ پیر کو وزیراعلیٰ پنجاب محمد شہباز شریف نے فرنٹیئر ورکس آرگنائزیشن کے کیمپ آفس کا دورہ کیا اس موقع پر وزیراعلیٰ پنجاب محمد شہباز شریف سے ڈی جی ایف ڈبلیو او لیفٹیننٹ جنرل محمد افضل کی ملاقات ہوئی اس موقع پر گفتگو کرتے ہوئے شہباز شریف نے کہا کہ سدرن لوپ کا منصوبہ معاشی و سماجی سرگرمیوں کے فروغ کا باعث بنے گا۔ آمدورفت کی جدید سہولتیں تیز رفتار ترقی میں اہم کردار ادا کرتی ہیں۔ وزیراعلیٰ نے لاہور رنگ روڈ سدرن لوپ کے منصوبے پر پیش رفت پر اطمینان کا اظہار کیا۔