انقرہ(ویب ڈیسک)ترکی کے شمالی شہر آدانا میںگورنر ہاﺅس کے قریب دھماکے کے نتیجے میں 2افراد ہلاک اور 16زخمی ہوگئے ۔غیر ملکی میڈیا کے مطابق ترکی کے شمالی شہر آدانا میںصبح کے وقت گورنر ہاﺅس کے قریب پارکنگ میں زور دار دھماکہ ہوا جس کے نتیجے میں 2افراد ہلاک اور 16زخمی ہوگئے ۔پولیس نے بتایا ہے کہ اس کار بم دھماکے میں ایک حکومتی عمارت کو نشانہ بنانے کی کوشش کی گئی۔ آدانا کے گورنر نے صحافیوں کو بتایا کہ اس پرتشدد کارروائی میں 16 افراد زخمی بھی ہوئے، جنہیں طبی امداد پہنچائی جا رہی ہے۔ دھماکا گورنر آفس کی پارکنگ میں ہوا۔تاحال کسی بھی گروپ نے دھماکے کی ذمہ داری قبول نہیں کی ہے تاہم ترکی میں اکثر دھماکوں کی ذمہ داری پی کے کے پر عائد کی جاتی رہی ہے ۔

کراچی (ویب ڈیسک)پاکستان ترکی کو سپر مشاق طیارے فروخت کرے گا ،دونوں ملکوں کے درمیان معاہدہ طے پا گیا۔نجی نیوز چینل کے مطابق ترکی نے پاکستان سے سپر مشاق طیارے خریدنے کا معاہدہ کر لیا ہے جس کے تحت پاکستان ترکی کو 52مشاق طیارے فروخت کرے گا۔ واضح رہے کہ کراچی کے ایکسپو سنٹر میں آئیڈیاز 2016نامی دفاعی نمائش جاری ہے جہاں پاکستان میں تیار کردہ سپر مشاق طیارے بھی رکھے گئے ہیں۔ترکی کی جانب سے ان طیاروں میں دلچسپی پاک ترک مضبوط دوستی کی علامت ہے۔