لاہور :پاکستانی اداکارہ ماہرہ خان کی امریکی شہر نیویارک میں بھارتی اداکار رنبیر کپور کے ساتھ تصاویر منظر عام پر آنے سے تو ہنگامہ برپا ہوا ہی مگر اب انہیں تصاویر میں سے ایک تصویر میں ان کی کمر اور کندھے پر نظر آنے والے نشان نے بھی سوشل میڈیا پر طوفان برپا کر دیا ہے اور پاکستانیوں نے آسمان سر پر اٹھا رکھا ہے۔
رنبیر کپور اس وقت نیو یارک میں سنجے دت کی زندگی پر بننے والی فلم کی شوٹنگ کیلئے موجود ہیں جبکہ اس موقع پر ماہرہ خان کو بھی ان کے ساتھ دیکھا اور ان کی تصاویر بھی سامنے آ گئیں۔
ان تصاویر میں ماہرہ خان نے سفید رنگ کا انتہائی خوبصورت لباس پہن رکھا ہے جبکہ رنبیر کپور بھارتی اداکار سنجے دت کی لک میں نظر آ رہے ہی اور دونوں کو ان میں تمباکو نوشی کرتے دیکھا جا سکتا ہے۔
یہ تصاویر منظرعام پر آئیں تو پاکستانی صارفین حیران بھی ہوئے اور اپنے اپنے جذبات کا اظہار کرنے لگے لیکن اب چند لوگوں نے ایک تصویر، جس میں ماہرہ خان کی کمر نظر آ رہی ہے، میں کچھ ایسا دیکھا ہے کہ نیا ہنگامہ برپا ہو گیا ہے۔
سوشل میڈیا صارفین کا کہنا ہے کہ ماہرہ خان کی کمر اور کندھے پر ایسے نشان ہیں جیسے انہیں کوئی زخم آیا ہو جبکہ کچھ لوگوں کا کہنا ہے کہ یہ نشان ’حجامہ‘ کا بھی ہو سکتا ہے تاہم زیادہ تر لوگوں کا خیال ہے کہ یہ نشان زخم کا ہے جو ان کی کمر اور کندھے پر بھی موجود ہے۔
