حکومت کا دھرنا روکنے کا پلان سامنے آگیا

اسلام آباد (ویب ڈیسک) حکومت نے اسلام آباد میں تحریک انصاف کا دھرنا روکنے کے لیے سیاسی راستہ اختیار کرنے کا فیصلہ کرلیا۔ سیاسی جماعتوں سے رابطوں کا ٹاسک وفاقی وزراءکے سپردکردیا گیا۔معاملہ افہام و تفہیم سے حل کرنے کی حکمت عملی تیارکرلی گئی۔حکومت انتظامی سطح پر فیصلہ کرچکی ہے کہ اسلام آباد کو بند نہیں ہونے دیاجائےگا،اور اس کے ساتھ ہی سیاسی حکمت کے راستے پر بھی چل نکلی۔اپوزیشن سمیت تمام پارلیمانی جماعتوں سے رابطے کرکے معاملے کا سیاسی حل نکالنے کی کوشش کی جائےگی،تحریک انصاف کے ساتھ بھی بلواسطہ یا بلاوسطہ رابطے کرکےاسلام آباد کو بند کرنے سے باز رکھنے کا راستہ نکالا جائے گا۔پارلیمانی جماعتوں کے ساتھ مل کرکسی بھی غیر قانونی اورغیر آئینی اقدام سے باز رکھنے کے لیے مشترکہ لائحہ عمل پربھی بات ہوگی۔پارلیمنٹ کامشترکہ اجلاس بلانےپربھی غورکیاجاسکتا ہے۔پارلیمانی جماعتوں سے فوری رابطے کاٹاسک وفاقی وزراء پرویز رشید، خواجہ سعد رفیق اور میرحاصل بزنجو کوسونپ دیاگیا۔کمیٹی پیپلزپارٹی، متحدہ قومی موومنٹ، ق لیگ، جماعت اسلامی، پختونخواہ ملی عوامی پارٹی، نیشنل پارٹی اور جے یو آئی (ف) سے رابطے کررہی ہے،حکومتی کمیٹی بی این پی عوامی، فاٹا اراکین سمیت دیگر ا?زاد اراکین قومی اسمبلی وسینیٹرز سے رابطے کرےگی۔