لاہور (خصوصی رپورٹ) پنجاب پولیس کے شیر جوانوں نے لاہور میں طالبات کی وین کو پکڑ کر تھانے بند کردیا، منتیں سماجتیں کرتی رہیں مگر شیر جوانوں نے کسی کی ایک نہ سنی۔ اطلاعات کے مطابق پنجاب پولیس کے اہلکاروں نے طالبات کی وین کو ناکے پر روکا اور اسلام آباد دھرنے میں شرکت کے شبے میں تھانے بند کرادیا، وین میں 10 سے زئد طالبات موجود تھیں جو کالج سے واپس گھر جارہی تھیں۔ ذرائع کا کہنا ہے کہ پولیس اہلکاروں نے گارڈن ٹاو¿ن کے قریب وین کو روکا اور دھرنے میں شرکت کے شبہ میں گارڈن ٹاو¿ن تھانے بند کرادیا۔ دوسری جانب پولیس کی لاہور کی اہم شاہراہوں پر ناکہ بندی اور گاڑیوں کی تلاشی جاری ہے۔ ذرائع نے مزید بتایا کہ طالبات نے کالج یونیفارم نہیں پہن رکھا تھا اور سادہ کپڑوں میں تھیں جس پر پولیس نے ان کی ایک نہ سنی اور دھرنے میں شرکت کے شبہ میں تھانے لے گئے تاہم یہ نہیں بتایا گیا کہ طالبات کس کالج میں زیر تعلیم ہیں۔
