بہروز سبز واری کی اہلیہ سفینہ بھی اداکاری کے جوہر دکھائیں گی

کراچی(شوبز ڈیسک) اداکار جاوید شیخ کی بہن اور بہروز سبزواری کی بیوی سفینہ بہروز بھی فلم میں جلوہ گر ہو گی ۔ وہ پہلی بار کسی فلم میں پرفارمنس کرتی ہوئی نظر آئیں گی ۔ ان کے شوہر و بھائی کئی دہائیوں سے شوبز انڈسٹری سے وابستہ ہیں ۔ انہوں نے ہمیشہ گھریلو زندگی کو ترجیح دی ۔ سفینہ کو اداکار اور پروڈیوسر ہمایوں سعید نے اپنی زیر تکمیل فلم میں پنجاب نہیں جاﺅں گی میں کاسٹ کیا ہے جس میں وہ فلم کی ہیروئن اداکارہ مہوش حیات کی ماں کا کردار ادا کریں گی ۔ ان کے خاندان کے کئی افراد شوبز انڈسٹری سے وابستہ ہیں ان میں شوہر اور بھائی کے علاوہ بیٹا شہروز سبزواری ، بہو سائرہ شہروز، ، چھوٹا بھائی سلیم شیخ، بھتیجی مومل شیخ، بھتیجا شہزاد شیخ شامل ہیں جبکہ جاوید شیخ کی بیوی زینت منگھی اور سابق بیوی سلمی آغا شامل ہیں ۔ اس حوالے سے فلم ٹریڈ کی شخصیت نے تبصرہ کرتے ہوئے کہا کہ پوری فیملی سکرین پر اداکاری کررہی ہو تو پھر خربوزے کو دیکھ کر خربوزہ رنگ کیوں نہیں پکڑے گا۔