سلمان بٹ کی کرکٹ میں واپسی …. عالمی کر کٹ کے میدان میں زور دار دھماکہ

لاہور (ویب ڈیسک)نیوزی لینڈ میں قومی بیٹنگ لائن کا حشر دیکھ کر کرکٹ بورڈ سلمان بٹ کی واپسی پر غور کرنے لگا ،گزشتہ روز پریس کانفرنس کرتے ہوئے چیئر مین پی سی بی شہریار خان کا کہنا تھا کہ آسٹریلیا کے خلاف ون ڈے سیریز کے لئے سلمان بٹ سمیت ڈومیسٹک میں شاندار کارکردگی دکھانے والے کھلاڑیوں کو موقع دیا جا سکتا ہے ،انہوں نے کہا میں سلیکشن کمیٹی کے معاملات میں کبھی دخل نہیں دیتا ، سلیکشن کمیٹی خود کپتان اور کوچ سے مشاورت کے بعد ٹیم کا اعلان کرتی ہے۔کمیٹی نے آسٹریلیا کے خلاف ٹیسٹ سیریز کیلئے دورہ نیوزی لینڈ والی ٹیم میں کوئی تبدیلی نہ کرنے کا فیصلہ کیا مگر آسٹریلیا کیخلاف ون ڈے سیریز کیلئے ٹیم میں تبدیلیا ں ہو سکتی ہیں۔ایک سوال کے جوا ب میں انہوں نے کہا بی پی ایل میں کھلاڑیوں کے کمروں میں خواتین مداحوں کی موجودگی کا معاملہ سامنے آیا ہے البتہ پاکستان کے کسی کھلاڑی کی جانب سے ڈسپلن توڑنے کی کوئی اطلاع نہیں ملی۔ ابھی یہ معاملہ چل رہا ہے ،دیکھتے ہیں آگے کیا ہوتا ہے۔جب پی سی بی کو واقعہ کی رپورٹ ملے گی تو اسے دیکھیں گے اور ویسے بھی پرستاروں کا کمروں تک آنا سکیورٹی والوں کا قصور ہے ، کھلاڑیوں کا نہیں۔