لاہور (مانیٹرنگ ڈیسک) بھارتی شہر امرتسر میں دو روزہ ہارٹ آف ایشیا کانفرنس جاری ہے جس میں پاکستان کی جانب سے وزیر اعظم کے مشیر برائے خارجہ امور سرتاج عزیز شرکت کریں گے۔ اعلان کردہ شیڈول کے مطابق مشیر خارجہ کو اتوار کے روز بھارت جانا تھا تاہم تبدیلی شیڈول کے بعد خصوصی طیارے کے ذریعے مشیر خارجہ سرتاج عزیز نور خان ایئر بیس سے بھارت کے شہر امرتسر پہنچے۔ امرتسر پہنچنے پر پاکستانی ہائی کمشنرعبدالباسط نے سرتاج عزیز کا استقبال کیا۔ سرتاج عزیز آج بھارتی وزارت خارجہ کی جانب سے دیئے گئے عشائیہ میں شرکت کریں گے۔ سر تاج عزیز کی بھارتی حکام سے غیر رسمی ملاقات کا بھی امکان ہے۔
