ینگ ڈاکٹرز کی پنجاب بھر میں ہڑتال, مریض خوار

لاہور (اپنے سٹاف رپورٹر سے )لاہور میں ینگ ڈاکٹرز نے سنٹرل انڈکشن پالیسی کےخلاف احتجاج کرتے ہوئے تمام ہسپتالوں کی او پی ڈیز بند کردی ہیں مریض خوار ہوتے رہے حکومت سے نوٹس لینے کا مطالبہ کیا ہے ۔تفصیلات کے مطابق ینگ ڈاکٹرز اکی جانب سے یک بار پھر مطالبات کے حق میں احتجاج کا آغاز کردیا ہے ینگ ڈاکٹرز نے اب احتجاج کی وجہ سنٹرل انڈکشن پالیسی کو بنایا ہے ڈاکٹرز کے احتجاج کے باعث لاہور کے تمام بڑے ہسپتالوں جناح، جنرل، گنگا رام،چلڈرن کی او پی ڈیز بند کردی گئیں مطالبات کرنے والے ڈاکٹرز کا کہنا تھا کہ اگر انکے مطالبات نہ مانے گئے تووہ مزید اقدامات پر مجبور ہو جائیں گےینگ ڈاکٹرز کا کہنا تھا کہ مطالبات نہ مانے گئے تو انڈور سروسز بھی بند کردینگے دوسری طرف ڈاکٹرز کے احتجاج کے باعث دور دراز علاقوں سے چیک اپ کروانے کےلئے آنے والے مریضوں کو خواری کا سامنا کرنا پڑا مریضوں اور انکے لواحقین کا کہنا تھا کہ ڈاکٹرز کی ہڑتال کے باعث انھیں مرض کے ساتھ ساتھ یہ اضافی تکلیف بھی برداشت کرنا پڑتی ہے اس بارے میں اعلیٰ حکام کو نوٹس لیکر معاملے کا حل نکالنا چاہئے۔