پی ٹی آئی کی ناکامی کا منہ بولتا ثبوت

اسلام آباد (ویب ڈیسک) وزیر مملکت اطلاعات مریم اورنگزیب نے کہا ہے کہ تمام ضمنی اور بلدیاتی انتخابات میں شکست تحریک انصاف کی ناکامی کا منہ بولتا ثبوت ہے، تحریک انصاف انتخابی مہم چھوڑ کر خیبرپختونخواہ میں کارکردگی دیکھائے، بدھ کے روز نجی ٹی وی چینل سے گفتگو کرتے ہوئے وزیر اطلاعات مریم اورنگزیب نے کہا کہ قوم کو تحریک انصاف سے امیدیں وابستہ کرکے مایوسی ہوئی ہے، ضمنی اور بلدیاتی انتخابات میں مسلم لیگ (ن) کی کامیابی اور تحریک انصاف کو شکست تحریک انصاف کی ناکامی کا منہ بولتا ثبوت ہیں، انہوں نے کہا کہ وزیراعظم نے تحریک انصاف کو خیبرپختونخواہ میں کارکردگی دیکھانے کا مشورہ دیا تھا، تحریک انصاف انتخابی مہم چلانے کے بجائے صوبے میں کارکردگی دیکھانے پر توجہ دے۔