انقرہ (مانیٹرنگ ڈیسک) ترکی کے شہر استنبول میں نائٹ کلب پر حملہ‘ 35افراد ہلاک اور 40زخمی ہو گئے۔ ہلاک ہونے والوں میں پولیس افسر بھی شامل ہے۔ ترک میڈیا کے مطابق سانتاکلاز کے لباس میں ملبوس ملزموں نے کلب پر حملہ کیا۔ امریکی ایجنسی نے ترکی کو ایک ہفتہ قبل سکیورٹی خدشات کے متعلق آگاہ کیا تھا۔ لوگوں نے جانیں بچانے کیلئے آبنائے باسفورس میں چھلانگ لگا دی۔ امریکہ نے ترکی میں دہشت گرد حملے کی مذمت اور اپنے شہریوں کو محتاط رہنے کی ہدایات جاری کر دیں۔ امریکی صدر باراک اوباما نے اپنی ٹیم کو ترک حکام کی مدد کرنے کی بھی ہدایت کر دی۔ حملے کے وقت 800سے زائد لوگ کلب میں موجود تھے۔ گورنر استنبول کے مطابق حملہ آور ایک تھا۔ کراچی میں سال نو پر مختلف علاقوں میں ہوائی فائرنگ‘ 10افراد زخمی ہو گئے۔ پولیس کے مطابق نئے سال کے آغاز پر ہوائی فائرنگ کے الزام میں 13نوجوانوں کو گرفتار کر لیا گیا۔ فائرنگ سے زخمی ہونے والوں کو طبی امداد کیلئے ہسپتال منتقل کر دیا گیا ہے۔
نائٹ کلب پر حملہ
