مہوش حیات ، اظفر رحمن کی پوجا بھٹ سمیت نیو ایئر پارٹی میں شرکت

لاہور(کلچرل رپورٹر)اداکارہ مہوش حیات،اظفررحمن اور کراچی سے آئے ہوئے دیگر فنکاروں کے اعزازمیں معروف سماجی شخصیت میان یوسف صلاح الدین نے گزشتہ روز ناشتے کا اہتمام کیا جس میں ان کے کئی دیگر دوستوں نے بھی شرکت کی ۔ کراچی سے تعلق رکھنے والے فنکار نیوایئرنائٹ منانے کے لئے لاہورآئے ہوئے تھے ۔اس بارے میںاداکاراظفررحمن کا کہنا ہے کہ اس سال نیوایئر ہم سب کے لئے خاص اس لئے تھا کیونکہ ہم نے خاص طور پر لاہور آکر پارٹی میں شرکت کی جو ہم سب کے لئے یادگار رہے گی کیونکہ اس میں پوجابھٹ سمیت کئی نامور لوگوں نے بھی شرکت کی ۔انہوں نے مزیدکہا کہ زندگی میں خوشی کے ہرلمحے کو انجوائے کرنا چاہیئے۔اظفررحمن کا مزید کہنا تھا کہ پارٹی کے ساتھ ساتھ ہمیں میاں یوسف صلاح الدین کی طرف سے دیا گیا ناشتہ بھی ہمیشہ یادرہے گا۔