تازہ تر ین

سام سنگ استعمال کرنیوالوں کیلئے بڑی خوشخبری ، بڑے پیمانے پر تبدیلی

دبئی (خصوصی رپورٹ) ٹیکنالوجی کی دنیا میں ایک معروف ترین کمپنی سام سنگ نے مستقبل میں اپنے اسمارٹ فون میں انگلیوں کے نشانات پہچاننے والے سینسر کا استعمال ختم کرنے کا فیصلہ کیا ہے۔ اس ٹیکنالوجی کو دیگر متبادل ٹیکنالوجیوں سے تبدیل کر دیا جائے گا جن میں مثال کے طور پر چہرے کی شناخت اور آنکھوں کی پتلی کی سکیننگ شامل ہے۔ٹوئیٹر پر سام سنگ کمپنی کی خبروں کی کوریج کرنے والے اکاﺅنٹ پر دعویٰ کیا گیا ہے کہ جنوبی کوریا کی کمپنی کے ملازمین فنگر پرنٹ سینسر کو ختم کرنے کا معاملہ زیرِ بحث لائے ہیں اس لیے کہ وہ سمجھتے ہیں کہ دیگر سکیورٹی ٹیکنالوجیز کے مقابلے میں یہ ٹکنالوجی اب پرانی ہو چکی ہے۔ سام سنگ کمپنی کی جانب سے فنگر پرنٹ سینسر کے نظام کو ختم کرنے سے متعلق سرکاری طور پر کوئی تصدیق سامنے نہیں آئی ہے۔ سابقہ اخباری رپورٹوں میں اس بات کو باور کرایا گیا تھا کہ کمپنی کے آنے والے دو نئے ماڈلوں ”گیلکسی ایس 8 “ اور ”گیلکسی ایس 8 پلس“ میں فنگر پرنٹ سینسر کی جگہ تبدیل کر کے اسے پچھلی جانب کر دینے کو حتمی طور پر اس ٹیکنالوجی سے دستبردار ہونے کی تیاری شمار کی جا رہی ہے۔ اس سے قبل جنوبی کوریا کے ایک اخبار نے سام سنگ کمپنی کے ایک ذمے دار کی زبانی یہ بیان شائع کیا تھا کہ ”گیلکسی ایس 8 “ ماڈل کو فون کے مالک کا چہرہ شناخت کرنے کی سکیورٹی ٹیکنالوجی سے لیس کیا جائے گا۔ اس دوران چہرے سے متعارف ہونے اور فون سیٹ کو کھولنے میں محض 0.01 سیکنڈ کا وقت درکار ہوگا۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain