لاہور(نیوزایجنسیاں)پی ایس ایل کے بہترین باو¿لر سہیل خان جن کے بارے کہا جارہا تھا کہ ان کو دور ہ ویسٹ انڈیز کے لئے اس لئے منتخب نہیں کیا گیا کیونکہ وہ فٹنس پر پورا نہیں اترتے تھے جبکہ سہیل خان نے پاکستان سپر لیگ(پی ایس ایل)میں سب سے زیادہ 16 وکٹیں لی تھی۔مگر اب ایک نجی ٹی وی چینل نے دعویٰ کیا ہے کہ فاسٹ باو¿لر سہیل خان کو فٹنس مسائل کی وجہ سے ٹیم سے باہر نہیں کیا گیابلکہ ان کو اس وجہ سے منتخب نہیں کیا گیا کیونکہ ان کا ایک قومی کوچ کے ساتھ جھگڑا ہو گیا تھا اور انہوں نے کوچ کو کھری کھری سنادی تھی۔رپورٹ میں کہا گیا کہ سہیل خان کو قومی کوچ سے پی ایس ایل میں پشاور زلمی اور کراچی کنگز کے مابین میچ کے دوران اس بات پر جھگڑا ہوا کہ کوچ نے سہیل خان کو کہا کہ باو¿لنگ ٹھیک سے کراو¿ جس پر سہیل خان نے کہا کہ میں ٹھیک ہی کرارہا ہوں اور دونوں کے درمیان بحث ہوئی اور کوچ نے کہا کہ میری بات مانو ورنہ دیکھ لوں گا۔ جبکہ سہیل خان نے بات نہ مانی۔بات نہ ماننے پر کوچ نے کہا کہ دیکھتا ہوں کہ تم ٹیم میں کیسے آتے ہو۔کوچ نے سہیل خان کو دھمکایا اور ٹیم سے نکالنے کا کہا۔اب کہا یہ جارہا ہے کہ فاسٹ باو¿لر کوٹیم سے نکالنے کی وجہ فٹنس مسائل نہیں بلکہ یہ جھگڑا ہی ہیں۔یاد رہے کہ سہیل خان نے پی ایس ایل میں 16 وکٹیں لی تھی مگر انہیں ٹی 20 کیلئے منتخب نہیں کیا گیا۔

گیانا(یواین پی)پاکستان کیخلاف پہلے ون ڈے میں 91 رنز کی ناقابل شکست اور فتح گر اننگز تخلیق کرنےوالے بیٹسمین جیسن محمد کا کہنا ہے کہ اوہ اب اپنے کھیل کو زیادہ بہتر طور پر سمجھنے لگے ہیں اور انہیں ماضی کے مقابلے میں زیادہ پختگی محسوس ہورہی ہے۔ ناقابل شکست 34 رنز بنانے والے ساتھی بیٹسمین ایشلے نورس کے ساتھ مل کر پاکستان کے ہدف 309 رنز کو عبور کرنے کے بعد ان کا کہنا تھا کہ گزشتہ برس کیریبین پریمیئر لیگ میں گیانا امیزون واریئرز کی نمائندگی کے بعد سے ان کا کھیل مکمل طور پر تبدیل ہو گیا ہے۔ ان کا کہنا تھا کہ اسی اعتماد کے سہارے انہوں نے اے ٹیم کی جانب سے بھی بہترین کارکردگی دکھائی اور اب وہ اپنے کھیل کو بخوبی سمجھنے لگے ہیں جس میں انہیں ماضی کے برعکس پختگی محسوس ہو رہی ہے کیونکہ انہیں مختلف قسم کے حالات میں بیٹنگ کرنا آگئی جو انہیں بہت آگے تک لے جائے گی۔ جیسن محمد کے مطابق انہیں اپنے اسٹروکس کھیلنے سے قبل خود کو کریز پر سیٹ کرنا پڑتا ہے لیکن ان کی یہ اننگز بہت اچھی رہی حالانکہ جلد بیٹنگ آنے کے سبب انہیں رن ریٹ اور دیگر اہم باتوں کا دباو¿ بھی سہنا پڑا۔ ان کا کہنا تھا کہ وہ کریز پر ڈٹ کر کھڑے رہے اور جب اسٹروکس کھیلنے کی ضرورت ہوئی تو انہوں نے اپنا کام کر دکھایا کیونکہ وہ ایسے بیٹسمین ہیں جو اننگز کے دوران اپنی سی کوشش کرنے کے بعد وقت آنے پر جارحانہ اسٹروکس کھیل سکتے ہیں اور اس میچ میں بھی پاکستان کیخلاف ان کی یہی حکمت عملی پوری طرح کامیاب رہی۔

اسلام آباد (نیوزایجنسیاں )پاکستان کے سابق سٹار آل راﺅنڈر وسیم اکرم نے گزشتہ روز اسلام آباد کے پہاڑوںپر ہائیکنگ کی تصویر جاری کی تو سوشل میڈ یا پر تہلکہ مچ گیا ،لوگوں نے لیجنڈ کرکٹر کو خوب داد دی جبکہ کئی لوگ 50سالہ کرکٹر کی فٹنس دیکھ کر دنگ رہ گئے۔ ٹوئٹر پر وسیم اکرم نے اسلام آباد کے پہاڑوں پر ہائیکنگ کی تصویر شیئر کی۔تصویر شیئر کرتے ہوئے ان کا کہنا تھا کہ میں پاکستان سے بہت پیار کرتا ہوں کیونکہ یہ ایڈونچر ز سے بھر پور ہے۔وسیم اکرم نے بتا یا کہ آج صبح اسلام آباد میں واقع پہاڑ پر ہائیکنگ کی ،انہوں نے ایڈونچر سے بھر پور پاکستان کا شکر یہ بھی ادا کیا ۔

لاہور(آئی این پی)پاکستان کرکٹ بورڈ (پی سی بی)کے چیئرمین شہریار خان نے کہا ہے کہ نجم سیٹھی پی سی بی کے چیئرمین بنیں تو کرکٹ کےلئے اچھا ہے۔مصباح الحق کے ہم بورڈ کے اندر استعمال کرنا چاہتے ہیں، یونس اورمصباح کی جگہ نوجوان بیٹسمین لے لیں گے، بورڈ میں تعاون نہیں بگڑ رہا نجم سیٹھی ہوں یا سبحان رائے سب کی لیتا ہوں مگر فیصلہ میرا ہی چلتا ہے،ٹیسٹ ٹیم کے کپتان بھی سرفراز ہی ہونگے امید ہے وہ کامیاب کپتان ثابت ہونگے۔ نجی ٹی وی کو انٹرویو میں پی سی بی چیئر مین شہریار خان نے کہا کہ کوچ مکی آرتھر نے کہا کہ آپ لوگ پرانی کرکٹ کھیل رہے ہیں اب پرانی کرکٹ چھوڑیں اور نئی کھیلیں، اسلئے پھر میں نے خود بلا کر اظہر علی کو کپتانی سے ہٹایا اسلئے اس نے کوئی احتجاج نہیں کیا ، سرفراز احمد اچھا اور جارحانہ کپتان ہے ،انہوں نے کہا کہ پاکستان سپر لیگ بہت مقبول ہو رہی ہے ، ٹیسٹ ٹیم کے بھی سرفراز ہی کپتان ہونگے امید ہے وہ کامیاب کپتان ثابت ہونگے ، آئی پی ایل کے دوران دنیا میں کرکٹ رک جاتی ہے، انہوں نے کہا کہ پاک بھارت سیریز نہ ہونے کا نقصان دونوں بورڈز کو ہے، بھارت سے سیریز ہو تو انفراسٹرکچر کی مضبوطی میں مدد ملتی ہے۔ پاک بھارت سیریز نہ ہونے سے بہت زیادہ مالی نقصان ہو رہا ہے ہر پاک بھارت سیریز 100 ملین ڈالر کی پڑتی ہے۔ انہوں نے کہا کہ ناصر جمشید کے خلاف برطانوی پولیس اقدامات کر رہی ہے باقی پلیئرز نے اسپاٹ فکسنگ سے انکار کیا۔ چیئرمین پی سی بی نے کہا کہ بورڈ میں تعاون نہیں بگڑ رہا نجم سیٹھی ہوں یا سبحان رائے سب کی لیتا ہوں مگر فیصلہ میرا ہی چلتا ہے۔پاکستان میں سپاٹ فکسنگ قانوناً جرم نہیں ہے۔ جسٹس قیوم کی رپورٹ پرانی ہو گئی اسے ری اوپن نہیں کرنا چاہتے۔ نجم سیٹھی پی سی بی کے چیئرمین بنیں تو کرکٹ کے لئے اچھا ہے۔ پی سی بی کی بیورو کریسی ایماندار ہے سفارشی نہیں ہے۔ مصباح الحق کے ہم بورڈ کے اندر استعمال کرنا چاہتے ہیں۔ یونس اورمصباح کی جگہ نوجوان بیٹسمین لے لیں گے۔ انہوں نے کہا کہ سبحان احمد اور اسد مصطفی ایمانداری سے کام کر رہے ہیں۔

نئی دہلی(نیوزایجنسیاں) بھارتی سابق کھلاڑی روی شاستری نے اپنے پروگرام میں کیون پیٹرس کو دعوت دی ،اسی دوران کیون پیٹرسن نے جب پی ایس ایل کے حوالے سے اپنے انتہائی خوشگوار لمحات کا ذکر کرتے ہوئے بتایا کہ شارجہ میں لاہور قلندر کے ساتھ ہونے والا میچ انتہائی سنسنی خیز اور مشکل تھا لیکن ہم اس میں کامیاب ہوئے۔کیون پیٹر سن کے منہ سے پی ایس ایل کی تعریف سن کر روی شاستری کے ’کانوں ‘سے دھواں نکلنے لگ گیا اور انہوں نے فوری بات چیت کے روخ کو دوسری جانب موڑنے کی ناکام کوشش کرتے ہوئے کیون پیٹرسن سے پوچھا کہ ’آپ بگ بیش لیگ ‘بھی حال ہی میں کھیل کر آئے اس کے بارے میں بتائیں۔جس پر کیون پیٹرسن نے کہا کہ میں نے حال ہی میں پی ایس ایل کھیلی ہے اور میں اسی پر بات کرنے جار ہاہوں۔کیون پیٹرسن کی یہ بات سن کر روی شاستری خاموش ہو گئے۔

اسلام آباد(آئی این پی)یونس خان کی ریٹائرمنٹ پر سینئر اور جونیر کرکٹرز کا زبردست خراج تحسین پیش کرنے کا سلسلہ جاری ہے ، کسی نے بے داغ کیر یئر پر مبارکباد دی تو کوئی شخصیت کے گن گاتا نظرآیا،لر شعیب اختر نے یونس خان کی پاکستان کرکٹ کے لیے ایمانداری اور بے لوث خدمات کے عوض ان کو ‘یونیک خان’ کا نام تجویز کردیا۔تفصیلات کےمطابق ایک طویل عرصے بعد کسی قومی کر کٹر کو شان کے ساتھ رخصت ہوتے دیکھا والدہ کے ہاتھ تسبیح کے دانوں پر تھے تو کرکٹرز کی زبان پر یونس کی تعریف۔ جونیرز کا کہنا تھا کہ کیریئر کے ہر موڑ پر یونس خان کی مدد ہمیں حاصل رہی۔ یونس خان کی زندگی کے اس اہم فیصلے کے موقع پر ان سے محبت کرنے والوں کی ایک بڑی تعداد اس بات کا ثبوت تھی کہ یونس خان لوگوں کے دلوں میں گھر کرنا جانتے ہیں۔ جبکہ سابق فاسٹ بولر شعیب اختر نے ٹوئٹر پر کہا کہ یونس خان کی پاکستان کرکٹ کے لیے ایمانداری اور بے لوث خدمات کے عوض ان کو ‘یونیک خان’ کا نام دیا جانا چاہیے۔شاہد آفریدی نے اپنے پیغام میں کہا کہ یونس خان عظیم ترین کھلاڑیوں میں سے ایک ہیں۔ ایسے فخر کے ساتھ ملک کی نمائندگی کرنے پر یونس خان کا شکریہ۔’

لاہور( این این آئی) سابق کپتان عامر سہیل نے یونس خان کو بھرپور خراج تحسین پیش کرتے ہوئے کہا ہے کہ مصباح کے جانے کے بعد انہیں مزید دو سال تک کرکٹ ٹیم کے ساتھ رہنا چاہیے ۔ ایک انٹرویو میں عامر سہیل نے کہا کہ یونس خان منجھے ہوئے کھلاڑی ہیں موجودہ حالات میں جب مصباح الحق ریٹائرمنٹ لے کر جارہے ہیں تو بورڈ کو انہیں بٹھا کر قائل کرنا چاہیے کہ وہ کم از کم مزید دو سال تک ٹیم کے ساتھ رہیں تاکہ ٹیم میں موجود نوجوان کھلاڑی ان سے سیکھ کر ذمہ داریاں سنبھال سکیں۔ عامر سہیل نے کہا کہ یونس خان نے کرکٹ کے میدانوں میں پاکستان کا نام روشن کیا جو سب کےلئے فخر کی بات ہے۔

لاہور(نیوز ایجنسیاں) چیف سلیکٹر انضمام الحق نے کہا ہے کہ پاکستان ٹیم کو اچھے آل راﺅنڈرز کی کمی کا سامنا ہے جب کہ مصباح الحق اور یونس خان کی جانب سے ریٹائرمنٹ کے فیصلے کا احترام کرتے ہیں اورٹیم میں دونوں سینئر پلیئرز کی کمی محسوس ہوگی۔لاہور میں میڈیا سے گفتگو کرتے ہوئے چیف سلیکٹر نے کہا کہ پاکستان ٹیم کو اچھے آل راﺅنڈرز کی کمی کا سامنا ہے، اب ہمارے پاس عبدالرزاق اور اظہر محمود کے لیول کے آل راﺅنڈرز موجود نہیں ہیں تاہم سرفراز احمد اچھے وکٹ کیپر ہیں انہیں ہی وکٹ کیپنگ کرنی چاہیے۔ انہوں نے کہا کہ مصباح الحق اور یونس خان کی جانب سے ریٹائرمنٹ کے فیصلے کا احترام کرتے ہیں جب کہ ٹیم میں دونوں سینئر پلیئرز کی کمی محسوس ہوگی۔انضمام الحق نے کہا کہ ویسٹ انڈیز کی ٹیم کو آسان نہیں لینا چاہیے، ایک میچ ہارنے سے کچھ نہیں ہوتا، بولرز کی کارکردگی فکر کی بات ہے، امید ہے گرین شرٹس کم بیک کریں گے۔انہوں نے کہا کہ سلیکشن میں سابقہ کارکردگی کو بھی مدنظر رکھتا ہوں جب کہ اس میں ٹیم کی ضرورت کو بھی مدنظر رکھا جاتا ہے۔ ایک سیریز میں 7، 8 نوجوان کھلاڑیوں کو موقع دینا آسان نہیں تھا، کارکردگی پر منتخب کیا گیا۔ انضمام الحق نے کہا ہے کہ سلمان بٹ اچھا کھیل رہا اور وہ ہماری لسٹ میں ہے جہاں اس کی ضرورت پڑی تو ضرور موقع دیا جائے گا۔چیف سلیکٹرنے کہا کہ یونس نے ریٹائرمنٹ کا فیصلہ خود کیا اور اس کے فیصلے کا احترام کیا جانا چاہیے،یونس اور مصباح کی جگہ جلدپرنہیں کی جاسکے گی اور ان کے متبادل ڈھونڈنا آسا ن کام نہیں ہے۔چیف سلیکٹر کا کہنا تھا کہ ٹیم کی ضرورت دیکھ کر کھلاڑی منتخب کرتے ہیں،سکور نہیں ٹیم کی ضرورت دیکھ کرکھلاڑی دیکھ کر سلیکشن کی جاتی ہے،اگر سکور دیکھ کر کھلاڑی منتخب کرنا ہے تو سلیکٹر کی ضرورت نہیں۔سابق کپتان کا آخر میں کہنا تھا کہ ایک سیریز میں 8 نئے کھلاڑیوں کو شامل کرنا آسان کام نہیں تھا،دیگر کھلاڑی لوپ میں ہیں جہاں ضروری پڑی استعمال کریں گے،احمد شہزاد نے پی ایس ایل میں اچھی پرفارمنس دی اور یہ بات ٹھیک ہے کہ ٹیم کو عبدالرزاق اور اظہر محمود جیسے آل راو¿نڈر کی ضرورت ہے۔