بھارت کا پرو لیگ سے بائیکاٹ

لاہور (بی این پی ) کھیل دشمن بھارت کا ایک اور اوچھا ہتھکنڈا ، ایف آئی ایچ کو سبق سکھانے کے لیے پرو ہاکی لیگ کا بائیکاٹ کر دیا۔ انٹرنیشنل ہاکی فیڈریشن نے متبادل ٹیم شامل کرنے کا اعلان کر دیا۔ کھیل دشمن بھارت کا ایک اور اوچھا ہتھکنڈا ، ایف آ ئی ایچ کو نیچا دکھانے کے لیے پرو ہاکی لیگ کا بائیکاٹ کر دیا اور بہانہ یہ بنایا کہ بھارتی ویمنز ٹیم کا پرو لیگ کھیل کر ورلڈ کپ اور اولمپکس کے لیے کوالیفائی کرنے کا امکان نہیں۔بھارتی میڈیا کے مطابق انٹرنیشنل ہاکی فیڈریشن اور ہاکی انڈیا کے تعلقات کشیدہ ہیں۔ گزشتہ ماہ بھارتی ٹیم پاکستان کے خلاف میچ میں بازوﺅں پر سیاہ پٹیاں باندھ کر میدان میں اتری جس پر انٹرنیشنل ہاکی فیڈریشن نے تحفظات کا اظہار کیا۔ورلڈ ہاکی لیگ کے دوران ہی لندن پولیس نے سابق بھارتی کپتان سردار سنگھ سے خاتون کو ہراساں کرنے پر پوچھ گچھ کی جس پر بھارتی ہاکی فیڈریشن نے ایف آئی ایچ سے احتجاج کرتے ہوئے موقف اختیار کیا تھا کہ ایک پاکستانی نڑاد رکن پارلیمنٹ نے خاتون کو سردار سنگھ کیخلاف شکایت درج کرانے کیلئے اکسایا۔ ٹورنامنٹ کے دوران ہی تفتیش سے پلیئر اور ٹیم کی کارکردگی ب±ری طرح متاثر ہوئی۔