چوہدری نثار کا ” بغاوت“ لانے والے کو کرارا جواب

اسلام آباد(مانیٹرنگ ڈیسک) وزیراعظم نوازشریف کی زیر صدارت دو روز قبل ہونیوالے کابینہ اجلاس میں وفاقی وزیرداخلہ چوہدری نثار نے خوب گئے شکوے کئے اور نوازشریف کو مشورے بھی دیئے ، چوہدری نثار نے نوازشریف سے کہا کہ میں جو بات کرتا ہوں منہ پر کرتا ہوں ، پیچھے سازش نہیں کرتا، تاہم اب سینئر صحافی نے وزیرداخلہ چوہدری نثار کے حوالے سے ماضی کے ایک انتہائی حیران کن واقعے سے پردہ اٹھا دیا ہے جو چوہدری نثار کی نوازشریف اور پارٹی کے ساتھ وفاداری کا برا منہ بولتا ثبوت ہے ، تفصیلات کے مطابق سینئر صحافی نے چوہدری نثار کی جانب سے نوازشریف کےخلاف بغاوت کے امکان کو مکمل طور پر مسترد کرتے ہوئے کہا ہے کہ اس سے پہلے جنرل راحیل شریف کے دور میں چوہدری نثار کو ایک خفیہ پیغام پہنچایا گیا تھا ، مجھے یہ بات خفیہ پیغام پہنچانے والے شخص نے بتائی ہے کہ چوہدری نثار کو پیغام پہنچایا گیا کہ آپ بغاوت کر دیں ہم آپ کو اراکین اسمبلی کی ایک بڑی تعداد فراہم کرنے کیلئے تیار ہیں ، اس پر چوہدری نثار نے خفیہ پیغام لانے والے شخص کو یہ جواب دیکر رخصت کردیا کہ میں راجپوت ہوں نوازشریف کے منہ پر اختلاف کرونگا مگر پیٹھ پیچھے سازش نہیں کر سکتا۔