ممبئی(شوبز ڈیسک) بھارتی فلم ساز مہیش بھٹ نے ایدھی کی پہلی برسی پرانھیں خراج تحسین پیش کیاہے۔مہیش بھٹ نے اپنے ٹویٹ میں لکھ ہے کہ عبدالستار ایدھی غیرمعمولی شخصیت کے حامل تھے۔ انھیں ان کی پہلی برسی پر یاد کررہے ہیں۔انھوں نے جو تصویر شئیرکی ہے اس میں درج ہے کہ لوگ تعلیم یافتہ توہوجاتے ہیں مگرانسان نہیں بن پاتے۔

لاہور(شوبز ڈیسک) نامور اداکار افتخار ٹھاکر نے کہا ہے کہ پرستاروں کو خوش دیکھ کر دل کو سکون ملتا ہے ، میں اپنے فن کو عبادت سمجھ کرکرتا ہوں تاکہ پاکستانی قوم میرے فنکاری سے لطف اندوز ہو سکے ۔گزشتہ روز اپنے ایک انٹرویو میں انہوں نے کہاکہ سٹیج ڈراموں میں آنے کا فیصلہ صرف اس لئے کیا تھا کہ لوگوں کے چہروں پر خوشیاں بکھیر سکوں اور میں اپنے فن کو عبادت سمجھ کرکرتا ہوں تاکہ پاکستانی قوم میرے فنکاری سے لطف اندوز ہو سکے اور ہمیشہ خوش رہے ۔ایک سوال کے جواب میں انہوں نے کہاکہ میرے ساتھی اداکار مجھے لمبے ناک کی وجہ سے بہت تنگ کرتے ہیںجو مجھے اچھا لگتا ہے اورمیرے خیال میں ایسے ماحول میں ہی کام مزہ آتا ہے جہاں ہنسی مذاق ہوتا رہے ۔انہوں نے کہاکہ جگت کے ساتھ ساتھ اداکاری بھی ضروری ہوتی ہے اور کوشش کرتا ہوں کہ اپنے اندر کی صلاحیتوں کو بروئے کار لا کر پرستاروں کو فل انٹرٹیمنٹ فراہم کرسکوں۔

لاہور(شوبز ڈیسک) پنجابی سٹیج ڈراموں کی خوبرو فنکارہ نرگس نے کہا ہے کہ شوبز میں آنے والی نئی لڑکیاں راتوں رات شہرت حاصل کرنا چاہتی ہیں۔ ایک خصوصی انٹرویو انہوں نے کہا کہ شوبز میں آنے والی نئی لڑکیاںراتوں رات شہرت کی بلندیوں تک پہنچنے کیلئے کوششیں کررہی ہیں میرا ان کو مشورہ ہے کہ وہ محنت ، لگن اور شوق کیساتھ اپنی اداکاری کے جوہر دکھائیں تو خود بخود شہرت ان کے قدم چومے گی۔ انہوں نے کہاکہ شہرت حاصل کرنا اتنا آسان نہیں اور نہ ہی کوئی شارٹ کٹ کے ذریعے یہ مقام حاصل کرسکتا ہے جو میں نے حاصل کیا ہے ۔انہوں نے کہاکہ موجودہ مقام تک پہنچنے کیلئے مجھے کئی مشکلات سے گزارنا پڑا اور اب جاکر یہ مقام ملا ہے ۔ایک سوال کے جواب میں انہوں نے کہاکہ نئی آنے والی اداکارائیں مجھے اپنا استاد مانتی ہیں اور سینئر ہونے کے ناطے میں انہیں گائیڈ لائنز دیتی رہتی ہوں۔

کراچی(شوبز ڈیسک)معروف اداکارہمایوں سعید نے کہا کوشش ہے کہ اب اپنے معمولات سے ہٹ کر ایک نئے اور نازک موضوع پر کام کر وں۔فلم یلغارمیں ایک نیا ہمایوں سعید شائقین کو نظر آیا ہے۔ منفی کردار میں کام شائقین نے پسند کیا اس کردار کو ادا کرنے کیلئے اپنی ہیروشپ بھی داﺅ پر لگائی۔یہ پروڈکشن اور کاسٹ کے اعتبار سے 2017 کی سب سے بڑی فلم قرارپائے گی۔ ان خیالات کا اظہار انہوں نے میڈیا سے ٹیلیفونک گفتگوکرتے ہوئے کیا۔ ان کا کہنا تھا یہ پہلا موقع تھاکہ ہمایوں سعید شدت پسند کردار میں نظر آ یا۔منفی کردار ادا کرنے کیلئے بہت پرجوش تھا مگر اسے ادا کرنے کی تیاری انتہائی مشکل ثابت ہوئی۔ میرے خیال میں یہ اس فلم کا سب سے جاندار کردار ہے اور میں ناظرین کے خیالات و احساسات کو جاننے کا شدت سے منتظر ہوں۔ انہوں نے مزید کہا کہ 22 ممالک میں فلم کی بیک وقت ریلیز سے ہمیں بھی اچھا رسپانس ملا ہے۔ امریکہ و برطانیہ میں پریمیئر شوز میں جو پذیرائی ملی انہیں الفاظ میں بیان کرنے سے قاصر ہوں۔

لاہور(شوبز ڈیسک)نامور اداکارہ فضاءعلی نے کہا ہے کہ زندگی میں قسمت کا بڑا عمل دخل ہوتا ہے ،شوبز کو خیر باد کہنے کے حوالے سے سامنے آنے والی خبریں بے بنیاد ہیں اور جب تک ہمت ہے اس شعبے سے وابستہ رہوں گی ۔ایک انٹر ویو میں اداکارہ نے کہا کہ بہت سے خوبصورت چہرے گھروں میں کام کاج اور سڑکوں پر بھیک مانگتے ہوئے دکھائی دیتے ہیں جبکہ شوبز میں ایسے بہت سے چہرے ہیں جو صرف اپنے فن کی وجہ سے شہرت کی بلندیوں پر ہیں اس لئے میں سمجھتی ہوں کہ کسی بھی انسان کی زندگی میں اس کی قسمت کا بھی بڑا عمل دخل ہے۔ انہوں نے مزید کہا کہ مختلف پراجیکٹس میں مصروف ہوں اور ہمیشہ معیار کو ترجیح دی ہے ۔جس اسکرپٹ میں میرے کردار میں مارجن نہ ہو اسے ہرگز قبول نہیں کرتی۔فضاءعلی نے کہا کہ میڈیا میں متعدد بار میرے شوبز کو خیر باد کہنے کے حوالے سے خبریں آئی ہیں لیکن میں واضح کرنا چاہتی ہوں کہ ایسا کچھ بھی نہیں ہونے جارہا ۔ مجھے شوبز سے پہچان ملی ہے۔