اسلام آباد(این این آئی) وزیرمملکت اطلاعات نے کہاہے کہ وزیراعظم کا پاناما لیکس سے کوئی تعلق ہی نہیں،وزیراعظم کا کہیں بھی کوئی تعلق ثابت نہیں ہوا،مخالفین کو اپنا ریکارڈ نہیں مل رہا،وزیراعظم نے اپنے تمام ریکارڈ پیش کیے،جے آئی ٹی پر تحفظات سے عدالت آگاہ ہے،عمران خان کو احتساب کا زیرو کریڈٹ دوں گی،عمران خان اپنی منی ٹریل پیش نہیں کر پارہے، اپوزیشن کو ایک اور بیساکھی نہیں دینا چاہتے۔ نجی ٹی وی کو انٹرویو میں انہوں نے کہا کہ جب وزارت سنبھالی تب بہت سیاسی ہلچل مچی تھی تھوڑے وقت میں میں مجھے بہت زیادہ عزت ملی۔ انہوں نے کہا کہ عدالت نے کیس جے آئی ٹی نے تحقیقات کی رپورٹ میں کرپشن یا منڈی لانڈرنگ کی بات نہیں کی۔ انہوں نے کہا کہ جے آئی ٹی رپورٹ میں کرپشن ثابت نہیں ہوئی۔ جے آئی ٹی پر تحفظات سے عدالت آگاہ ہے ن لیگ نے جے آئی ٹی پر تحفظات کا اظہار کیا۔ وزیراعظم چاہتے تو جے آئی ٹی میں پیش نہ ہوتے،وزیراعظم نے اپنے تمام ریکارڈ پیش کیے۔مریم اورنگزیب نے کہاکہ وزیراعظم نے ملک میں احتساب کی روایت رکھی اب ملک میں احتساب سے کسی کو استثنیٰ نہیں۔وزیرمملکت نے کہاکہ عمران خان اداروں کے اختیارات چیلنج کررہے ہیں،عمران خان الیکشن کمیشن کا دائرہ اختیار چیلنج کرتے ہیں،عمران خان سپریم کورٹ کے اختیار چیلنج کررہے ہیں،عمران خان اپنی منی ٹریل پیش نہیں کر پارہے،عمران خان کبھی جمائمہ اور کبھی کسی کا نام لیتے ہیں۔انہوں نے کہاکہ وزیراعظم نواز شریف نااہل نہیں ہوں گے پاناما کیس کا فیصلہ سپریم کورٹ نے کرنا ہے،ہم فیصلے سے پہلے کیوں اندازے لگائیں،وزیراعظم نے ہمیشہ کہا کہ سسٹم کو چلنے دیں،مریم اورنگزیب نے کہاکہ وزیراعظم پر الزامات لگائیں تو ہم بولے بھی نہیں،کسی پر انگلی اٹھائیں تو باقی آپ کی طرف ہوتی ہیں،ہر پاکستانی شہری کا فرض ہے کہ آئین کی حفاظت کرے،وزیراعظم اپنے مینڈیٹ کی حفاظت ڈٹ کر اور آخری وقت تک کریں گے۔وزیرمملکت نے کہاکہ اپوزیشن کو ایک اور بیساکھی نہیں دینا چاہتے،تحفظات پہلے بھی تھے اور اب بھی ہیں۔مریم اورنگزیب نے کہاکہ کابینہ اجلاس میں چوہدری نثار نے اپنی رائے دی،کابینہ اجلاس میں اور ممبران بھی اپنی رائے دی،چوہدری نثار کی رائے کو غلط انداز میں پیش کیا گیا،چوہدری نثار وزیراعظم کے قریبی ساتھی ہیں، چوہدری نثار نے کہا کہ قیاس آرائی سے اجتناب کیا جائے،چوہدری نثار پریس کانفرنس میں کابینہ اجلاس پر بات کریں گے۔

اوکاڑہ (بیورورپورٹ) پاکستان پیپلز پارٹی کے چیئرمین بلاو¿ل بھٹو زرداری نے کہا کہ سانحہ فیروز پور روڑ لاہور مو جودہ حکمرانوں کی گُڈ گرننس کی کلی کھل گئی ہے نواز شریف اپنے ڈکٹیٹر روحانی پیشوا ضیاالحق کے نقشِ قدم پر چلتے ہو ئے پی پی پی کے کارکنوں پر جھوٹے مقدمات بناکر یہ ثابت کر نا چاہتا ہے کہ جیالے اِن حربوں سے ڈر جا ئیں گے یہ اُن کی بھول ہے ڈکٹیٹر اور کر پش کی پیداوارپی پی پی کے جیالوں پر اُچھے ہتھکنڈوں سے باز رہے ساہیوال اور پاکپتن میں سینکڑوں کارکنوں پر جھوٹے مقدمات شرم کی بات ہے جیالوں کی روحوں میں بھٹو اور بی بی بو لتے ہے انشااللہ تختہ لاہور چھین لیںگے نواز شریف جن بیساکھیوں پر چلتے ہیں وہ عنقریب ٹوٹ جا ئیں گی اِن خیالات کا اِ ظہار اِنہوں نے اوکاڑہ میں پی پی پی کے مذمتی اِجلاس میں ٹیلی فونک خطاب کرتے ہو ئے کیا اس مو قع پر ضلعی صدر پی پی پی ضلع اوکاڑہ وسابق ایم این اے چوہدری سجاد الحسن،اِنفارمیشن سیکرٹری ملک شاہد سلیم نو نا ری ،مرکزی رہنماءمحمد آصف خان بلوچ ، ملک عنائیت اللہ،دیان سلطان طور ،عالم شیر خان لودھی ،راو¿ رفیق ساجداور سلمان قریشی کے علاوہ کار کنو ں کی کثیر تعداد مو جود تھی انہوں نے کہا کہ سانحہ لاہور کے شہداءکے لوا حیقین کے غم میں برابر کے شریک ہیں ۔

اسلام آباد (آئی این پی، مانیٹرنگ ڈیسک) وزیراعلیٰ پنجاب شہباز شریف نے وفاقی وزیرداخلہ چوہدری نثار علی خان سے پنجاب ہاﺅس میں ملاقات کی، وزیراعلیٰ پنجاب شہباز شریف نے چوہدری نثار کو پارٹی اختلافات میڈیا پر نہ لانے کی درخواست کرتے ہوئے کہا کہ پہلے بھی معاملات مل بیٹھ کرحل کیے ہیں، آپ پارٹی کے اہم رکن ہیں اور آپ کی پارٹی کے لیے ناقابل فراموش خدمات ہیں، آپ svنے لاہور دھماکے کے بعد سیاسی معاملات کو ایک طرف رکھ کر دانش کا مظاہرہ کیا، چوہدری نثار کا کہنا تھا کہ میرے اختلافات اصولوں پر مبنی ہیں، میں اپنی ذات کے لیے نہیں بلکہ پارٹی اور ملکی مفاد میں بات کرتا ہوں جب کہ اپنے ضمیر کو فراموش نہیں کر سکتا، وزیراعظم نواز شریف کے دورہ مالدیپ سے واپسی پر وزیراعلیٰ پنجاب وزیرداخلہ سے اپنی ملاقات کے حوالے سے وزیراعظم کو آگاہ کریں گے جس کے بعد وزیرداخلہ اور وزیراعظم کی ملاقات کا امکان ہے۔ ذرائع کے مطابق وزیراعلیٰ پنجاب شہباز شریف نے وزیرداخلہ چوہدری نثار سے پنجاب ہاﺅس میں ملاقات کی۔ ملاقات میں وزیراعلیٰ پنجاب کے ہمراہ وفاقی وزیر خزانہ اسحاق ڈار اور وزیر ریلوے خواجہ سعد رفیق بھی موجود تھے۔ ملاقات میں وزیرداخلہ چوہدری نثار علی خان نے وزیراعلیٰ پنجاب کو اپنے موقف سے آگاہ کیا۔ ذرائع کے مطابق وزیراعلیٰ پنجاب اور وزیرداخلہ کے درمیان ملاقات خوشگوار ماحول میں ہوئی جو تقریباً ساڑھے چار گھنٹے جاری رہی۔ اس موقع پر وزیراعلیٰ پنجاب شہباز شریف نے چوہدری نثار کو پارٹی اختلافات میڈیا پر نہ لانے کی درخواست کرتے ہوئے کہا کہ پہلے بھی معاملات مل بیٹھ کرحل کیے ہیں، آپ پارٹی کے اہم رکن ہیں اور آپ کی پارٹی کے لیے ناقابل فراموش خدمات ہیں۔ نجی ٹی وی نے سینئر لیگی عہدیدار کے حوالے سے دعویٰ کیا ہے کہ وزیر داخلہ کا ارادہ اس وقت تبدیل ہوا، جب وزیر خزانہ اسحاق ڈار نے چوہدری نثار کو یہ یقین دہانی کروائی کہ پاناما پیپر کیس کے سلسلے میں سپریم کورٹ کی جانب سے نواز شریف کی نااہلی کی صورت میں ان سے جونیئر کسی وزیر کو وزیراعظم کے طور پر نامزد نہیں کیا جائے گا۔ مذکورہ عہدیدار نے بتایا کہ چوہدری نثار نے نواز شریف کی نااہلی کی صورت میں وزیر داخلہ کے علاوہ کسی اور وزیر کو وزیر اعظم نامزد کرنے کے منصوبے پر نواز شریف سے اختلاف کیا تھا۔ انہوں نے چوہدری نثار کے حوالے سے بتایا کہ گذشتہ حکومت میں قومی اسمبلی میں قائد حزب اختلاف ہونے اور کابینہ کے دیگر وزرا سے سینئر ہونے کی بنا پر وزیراعظم نواز شریف کے متبادل کے طور پر ان کا انتخاب کیا جانا چاہیے۔ ان کا کہنا تھا کہ چوہدری نثار صرف وزیراعلیٰ پنجاب شہباز شریف کے حق میں دستبردار ہونے کو تیار تھے اور دوسری صورت میں انہوں نے وزارت سے مستعفی ہونے کی دھمکی دی تھی۔ ترجمان وزارت داخلہ نے کہا ہے کہ یہ تاثر غلط ہے کہ وزیر داخلہ چودھری نثار ناراض ہیں، وزیرداخلہ کو منانے کی کوشش کا تاثر بھی غلط ہے۔ نجی ٹی وی کے مطابق انہوں نے کہا کہ وزیر داخلہ نے چند اہم امور پر پارٹی اجلاس میں ایک مو¿قف اختیار کیا تھا، اس مو¿قف کے بعد وزیر داخلہ کو تمام مشاورتی عمل سے الگ کر دیا گیا۔ انہوں نے مزید کہا کہ وزیر داخلہ چودھری نثار چاہتے ہیں کہ انہیں بتایا جائے کہ ایسا کیوں ہوا؟ میاں شہباز شریف کے علاوہ ایاز صادق، شاہد خاقان عباسی، احسن اقبال بھی ملاقات کر چکے ہیں۔ سب نے انہیں مشورہ دیا ہے کہ اختلافات کو میڈیا پر نہ لائیں۔ پوری کابینہ میں سے کوئی بھی وزیراعظم کا امیدوار نہیں۔ مسلم لیگ ن کے خواجہ سعد رفیق نے نجی ٹی وی پروگرام میں گفتگو کرتے ہوئے مزید کہا کہ چودھری نثار علی خان نے آج میاں شہباز شریف سے ملاقات کی۔ اس سے قبل ایاز صادق، شاہد خاقان عباسی، احسن اقبال وغیرہ سے ملاقات کر چکے ہیں۔ سیاست میں ایک دوسرے سے گلے شکوے ہوتے رہتے ہیں۔ آج کی ملاقات میں وزیراعظم کی مرضی بھی شامل تھی۔ انہیں صرف یہ کہا گیا ہے کہ اس اختلاف کو میڈیا پر نہ لائیں مخالفین اچھالیں گے۔ ہر کوئی اپنی مرضی کی باتیں نکالے گا۔ ہماری رفاقت 32 سالہ پرانی ہے۔ آج کی بات نہیں۔ میاں نواز شریف اور چودھری نثار علی کا اور طرح کا رشتہ ہے۔ وزیراعظم نے انہیں گلدستہ بھیجا اور طبیعت بارے بھی پوچھا تھا۔ کچھ وجوہات ہیں جن کی وجہ سے ان کے کچھ تحفظات ہیں۔ سچی بات ہے فاصلہ تو بڑھ گیا تھا۔ لیکن مسائل دونوں جانب ہوتے ہیں۔ لیکن وہ بڑے بھائی ہیں ہم منا کر بٹھا لیں گے۔ ہماری جماعت اور قانونی ٹیم وکلاءکی حتمی رائے ہے کہ وزیراعظم نااہل ہو ہی نہیں سکتے۔ ہم میں سے کوئی بھی وزیراعظم کا امیدوار نہیں ہے۔ کامیابی کے بعد وزراءکی لسٹ بھی قائد نے خود فائنل کی تھی۔ ملک میں انتشار کی صورت نہیں پھیلنے دیں گے۔ مخالفین لاکھ زور لگا لیں ہم کسی بھی صورت وزیراعظم کو نااہل کئے جانے کے خلاف ہیں بے شک وہ پی پی پی کا ہو یا کسی اور جماعت کا۔

لاہور(اپنے سٹاف رپورٹر سے) وزیراعلیٰ پنجاب محمد شہباز شریف نے کہا ہے کہ پاکستان ہم سب کا ہے اور ہم نے مل کراسے آگے لے کر جانا ہے۔ دہشت گردی، انتہا پسندی اور فرقہ واریت پاکستان کے عوام کا مقدر نہیں اور نہ ہی قائداعظم محمد علی جناحؒ کے پاکستان میں ایسے ناسور کی کوئی گنجائش ہے۔ پاکستانی بہادر اور دلیر قوم ہے اور دہشت گردی کے خلاف جنگ میں پاکستانی قوم کی عظیم قربانیاں اپنی جگہ مسلمہ ہیں۔دہشت گردی کا چیلنج جتنا بڑا ہے، پاکستانی قوم کا عزم اس سے زیادہ بلند ہے۔دہشت گردی کے عفریت کو ہر قیمت پر شکست دے کر ملک کو امن کا گہوارہ بنائیں گے اور اتحاد و اتفاق کی طاقت سے دہشت گردوں اور ان کی معاونت کرنے والوں کا مکمل صفایا کریں گے۔ وزیراعلیٰ محمد شہبازشریف نے ان خیالات کا اظہار پاکستان مسلم لیگ (ن) کے ایک وفد سے گفتگو کرتے ہوئے کیا وزیراعلیٰ محمد شہباز شریف نے کہا کہ دہشت گردی کے خلاف جنگ میں پاک افواج کے افسران، جوانوں، ان کے بچوں، پولیس کے افسران، اہلکاروں اور سیکورٹی اداروں نے لازوال قربانیاں دی ہیں اور دہشت گردی کے خلاف اس جنگ میں عوام کا لہو بھی شامل ہے۔ وطن عزیز کئی دہائیوں سے دہشت گردی کی آگ میں جل رہا ہے۔ پولیس اہلکاروں اور معصوم شہریوں کو نشانہ بنانے والے بزدلوں کا ساتھ دینے والے بھی عبرتناک انجام کے مستحق ہیں اور انہیں بھی کوئی رعایت نہیں دی جا سکتی۔ معصوم شہریوں کو نشانہ بنانے والے دہشت گرد انسان کہلانے کے بھی حقدار نہیں بلکہ یہ سفاک درندے ہیں۔ انہوںنے کہا کہ دہشت گردی کے خلاف اس جنگ میں شہید ہونے والے افراد کی زندگیاں تو نہیں واپس لائی جاسکتیں لیکن شہداءکے قیمتی خون کا بدلہ ہر قیمت پر لیا جائے گا۔ وزیر اعلی نے کہا کہ دہشت گردی کے خلاف جنگ ہماری بقا کی جنگ ہے ۔ ہزاروں پاکستانی جام شہاد ت نوش کر چکے ہیں لیکن دہشت گردی کے خلاف پاکستانی قوم کے عزم میں کوئی کمی نہیں آئی۔ انہوں نے کہا کہ یہ معمولی جنگ نہیں ہماری بقائ، ہماری نسلوں اور ہماری سلامتی کی جنگ ہے اور دہشت گردوں کی بزدلانہ کارروائیاں پاکستانی قوم کے پختہ ارادوں کو کبھی کمزور نہیںکرسکتیں۔انہو ںنے کہا کہ ہمارا دشمن وطن عزیز کے خلاف سازشیں کر رہا ہے لیکن پاکستانی قوم دشمن کے مذموم عزائم کو کسی صورت کامیاب نہیں ہونے دے گی۔ قوم نے اتحاد اور اتفاق کی قوت سے پہلے بھی ملک میں عدم استحکام پیدا کرنے کی ہر کوشش کو ناکام بنایا ہے اور آئندہ بھی ایسی کسی سازش کو کامیاب نہیں ہونے دے گی۔ انہوںنے کہا کہ ایک طرف دشمن ملک کی سالمیت کو نقصان پہنچانے کے درپے ہے تو دوسری طرف بعض شکست خوردہ سیاسی عناصر محض اپنی جھوٹی انا کی خاطر ترقی کی شاہراہ پر گامزن پاکستان کی راہ میں رکاوٹیں ڈال رہے ہیں۔ وزیراعلیٰ نے کہا کہ یہ وقت اتفاق اور اتحاد کا ہے، قوم میں نفاق ڈالنے کا نہیں ، لہٰذا ہم سب کو پاکستان کیلئے سوچنا ہے اور پاکستان کیلئے ہی جینا مرنا ہے کیونکہ پاکستان ہے تو ہم سب ہیں۔ وزیراعلیٰ پنجاب محمد شہباز شریف نے ملتان کے علاقے مظفر آباد مےں پنچایت کے فےصلے پرلڑکی سے زےادتی کے واقعہ کاسخت نوٹس لےتے ہوئے سی پی او ملتان سے رپورٹ طلب کرلی ہے ۔وزےراعلیٰ نے ذمہ داروں کے خلاف قانون کے تحت سخت کارروائی کا حکم دےا ہے ۔وزےراعلیٰ نے ہداےت کی ہے کہ متاثرہ خاندان کو ہر قےمت پر انصاف فراہم کےا جائے اورمقدمہ درج کر کے ملزمان کے خلاف بلاامتےاز کارروائی کی جائے۔ وزےراعلیٰ کی ہداےت پر ملزمان کے خلاف مقدمہ درج کرلےاگےا ہے اورپنچاےت کے سربراہ سمےت 20ملزم گرفتار کرلئے گئے ہےںجبکہ ملتان پولےسمفروردےگر ملزموںکی گرفتار ی کےلئے چھاپے ماررہی ہے اورباقی ملزموں کو بھی جلد گرفتار کرلےاجائےگا۔ وزیراعلیٰ پنجاب محمد شہباز شریف نے فیصل آباد کے علاقے میں الائیڈ ہسپتال کے معروف پروفیسر ڈاکٹر محمود علیم کے قتل کے واقعہ کا نوٹس لیتے ہوئے آر پی او فیصل آباد سے رپورٹ طلب کر لی ہے اور قتل کے ملزموں کی جلد گرفتاری کا حکم دیا ہے۔ وزیراعلیٰ نے ہدایت کی ہے کہ واقعہ میں ملوث ملزمان کو جلد گرفتار کرکے قانون کے تحت سخت کارروائی عمل میں لائی جائے اور متاثرہ خاندان کو انصاف کی فراہمی یقینی بنائی جائے۔