ممبئی(شوبز ڈیسک)شاہ رخ خان نے دنیا کے امیرترین شخص بل گیٹس کے نقش قدم پر چلتے ہوئے کہا وہ اپنے بچوں کیلئے وراثت میں پیسوں کے بجائے اچھی تعلیم اور گھر کے علاوہ کچھ نہیں چھوڑیں گے۔ انہوں نے تعلیم کی اہمیت پر زور دیتے ہوئے کہا دنیا میں تعلیم سے بڑی کوئی دولت نہیں، اگر انسان کے پاس اچھی اور معیاری تعلیم ہو تو وہ آنکھوں میں آنکھیں ڈال کر دنیا کا مقابلہ کرسکتا ہے۔ ان کا کہنا تھا کہ میں اپنے بچوں کو دنیا کی بہترین تعلیم دلوا رہا ہوں تاکہ مستقبل میں انہیں مشکلات کا سامنا نہ کرنا پڑے۔

لارڈز(شوبز ڈیسک) بولی وڈ فلموں میں متعدد بار دیش بھگت بننے والے ایکشن ہیرو اکشے کمار نے بھارت کا قومی پرچم الٹا پکڑنے پر معذرت کرتے ہوئے اپنی تصویر کو سوشل میڈیا اکاو¿نٹ سے ڈیلیٹ کردیا۔اکشے کمار نے رواں ماہ 23 جولائی کو لندن کے لارڈز کرکٹ میدان میں بھارت اور انگلینڈ کی کرکٹ ٹیموں کے درمیان کھیلے گئے۔
ویمنز ورلڈ کپ کے فائنل کے دوران ہندوستانی پرچم کو الٹا پکڑا تھا۔

بظاہر اکشے کمار اس بات سے بے خبر تھے کہ انہوں نے پرچم کو الٹا پکڑ رکھا ہے، تاہم جیسے ہی انہوں نے ٹوئٹر پر تصویر پوسٹ کی تو شائقین نے اس کی نشاندہی کی انہوں نے معذرت کرتے ہوئے اپنی پوسٹ ڈیلیٹ کر دی۔

نیویارک(شوبز ڈیسک) دنیا بھر میں فلم انڈسٹری ایک صنعت کا درجہ اختیار کر چکی ہے اور اس شعبے سے وابستہ فنکار چھوٹے سے کردار کے بدلے بھی پیسوں کا مطالبہ کرتے ہیں، موجودہ دور میں مشہور اداکاروں کی ہر چھوٹی سے چھوٹی بات بھی خبر بن کر بکتی ہے اور بہت سی اداکارائیں بھی اس چیز کا بھرپور فائدہ اٹھاتے ہوئے اپنے بچوں کی تصاویر میڈیا میں شائع کرنے کے کروڑوں روپے وصول کرتی ہیں۔امریکا کی مشہور گلوکارہ جینیفر لوپیز نے 2008 میں اپنے جڑواں بچوں ڈیوڈ اورایمی کی پہلی تصویرمعروف پیپلز میگزین کو تقریباً 38 کروڑ روپے میں فروخت کی تھی۔ہالی ووڈ کی معروف جوڑی انجلینا جولی اور بریڈ پٹ کے گھر 2008 میں جڑواں بچوں ناکس لیون اور ویون نے جنم لیا تھا، جولی نے اپنے بچوں کی پہلی تصویر پیپلزمیگزین کو تقریباً 90 کروڑ روپے میں فروخت کی تھی، جڑواں بچوں کے علاوہ اداکار جوڑی نے 4 بچوں میڈوکس، پاکس، زاہرا اور ساحلوکو بھی گود لیا تھا۔ ہالی ووڈ کی یہ مشہورجوڑی 14 سالہ رفاقت کے بعد علیحدگی اختیار کر چکی ہے۔ہالی ووڈ کی نامور اداکارہ اور بزنس وومن جیسیکا البا اور کیش وارن کے گھر 2008 میں ایک خوبصورت بچی آنرمیری وارن کی پیدائش ہوئی تھی، دونوں نے اپنی بچی کی پہلی تصویر اوکے میگزین کو تقریباً 9 کروڑ روپے میں فروخت کی تھی۔ہالی ووڈ کی نامور اداکارہ و گلوکارہ اور مشہورٹی وی شخصیت کرسٹینا آگیولیرا نے اپنے بیٹے میکس لیرون بریٹمین کی پہلی تصویر پیپلزمیگزین کو 9 کروڑ روپے میں فروخت کی تھی۔ہالی ووڈ کی نامور اداکارہ اورماڈل اینا نکول اسمتھ نے اپنی بیٹی ڈینیلین برک ہیڈ کی پہلی تصویر اوکے میگزین کو فروخت کر کے 12 کروڑ روپے وصول کیے تھے۔

ممبئی(شوبز ڈیسک)بالی وڈ اداکارہ انوشکا شرما نے بھارتی فلم انڈسٹری میں اداکار اور اداکارہ کا درجہ برابر نہ ہونے کا اعتراف کیا ہے۔انوشکا شرما کی خوبصورتی اور جاندار اداکاری کی وجہ سے ان کے مداح انہیں بے حد پسند کرتے ہیں جب کہ اداکارہ بالی وڈ کنگ شاہ رخ خان سمیت بڑے ستاروں کے ساتھ کام کرچکی ہیں لیکن اب انہوں نے بالی وڈ میں اداکاراں کی نسبت اداکاروں کا کردار زیادہ ہونے کا اعتراف کیا ہے۔بھارتی میڈیا کے مطابق انوشکا شرما کا کہنا تھا کہ فلموں میں مرد اداکاروں کی نسبت خواتین اداکاراں کو بہت کم موقع ملتا ہے کہ وہ کوئیمضبوط کردار ادا کرسکیں جس سے معاشرے میں کوئی تبدیلی آئے۔انہوں نے کہا کہ بھارت کی فلم انڈسٹری میں مرد اداکار اور خاتون اداکارہ کا درجہ برابر نہیں اور متعدد فلموں میں مرد اداکار ہی پوری فلم میں ہوتے ہیں۔
انوشکا شرما کا کہنا تھا کہوہ اور دیگر اداکارہ ہندی سینما میں تبدیلی کے لیے کوشاں ہیں جب کہ بحیثیت ادکارہ وہ ایسے کردار کو ترجیح دیتی ہیں جس میں کوئی پیغام ہو۔ اداکارہ نے مزید کہا کہ بحیثیت پروڈیوسر وہ جدو جہد کرتی ہیں کہ بالی وڈ میں خواتین کے کردار کے لیے نئے اقدامات کو اپنایا جائے۔

لاہور(شوبز ڈیسک)اداکارہ ثنانے کہاہے کہ زندگی کاسب سے بڑاواقعہ بچپن ہے جسے کبھی نہیںبھولتی۔ ایف اے کے بعد شوبز میںآئی‘بھارت کی پنجابی فلم ”دل پردیسی“ میں کام کیا ہے سیاست سے بالکل دلچسپی نہیں ہے-اپنے ایک انٹرویو میں ثنانے کہا کہ اپنی ذات میں گم رہنے والی لڑکیاں دوسروں کے جھگڑوں میں نہیں پڑتی اگر میرا کسی سے اختلاف ہو بھی تو وہ اصولی تھا میں روزانہ وزرش کرتی ہوں مگر جم نہیں جاتی عام طور پر رات دیر گئے تک کام ہوتا ہے اکثر دیر سے سوتی ہوں اس لیے صبح دیر سے ہی اٹھتی ہوں۔ ایک سوال کے جواب میں کہا کہ شوبز میں کامیابی صرف خوبصورتی سے نہیں ملتی بلکہ انسان میں ٹیلنٹ بھی ہونا چاہیے۔