”نیا وزیراعظم سٹپنی ہے “شیخ رشید کا حیرت انگیز بیان

اسلام آباد (مانیٹرنگ ڈیسک) سربراہ عوامی مسلم لیگ شیخ رشید نے کہا ہے کہ نئے وزیراعظم سٹپنی ہیں۔ شاہد خاقان عباسی نے مہنگی ترین ایل این جی منگوائی۔ میں ان کو چیلنج کرتا ہوں۔ مجھے غلط ثابت کردیا تو اسمبلی سے استعفی دے دونگا۔ نجی ٹی وی پروگرام میں گفتگو کرتے ہوئے انہوں نے کہا کہ نون لیگ چاہتی ہے کہ حدبینہ پیپر ملز کیس نہ کھلے۔ نوازشریف، شہبازشریف کی اولادیں جیل جائیں گی۔ اس سے پہلے شریف خاندان نظام سے بغاوت کرے گا۔ میں مارا گیا تو یہ ساری زندگی جیلوں میں سڑیں گے۔ نوازشریف ملکی سالمیت سے مت کھیلو۔ ان کو ڈبونے میں سیف الرحمان کا سب سے بڑا کردار ہے۔ انہوں نے مزید کہا کچھ ہے ایم کیو ایم نے حکومت کا ساتھ دیکر منہ کالا کرایا۔ متحدہ کو 21ارب تو دور 21لاکھ بھی نہیں ملیں گے۔ نوازشریف نظام لپیٹنے کی سازش کررہے ہیں۔ انہوں نے کہا کہ اگر میں مرگیا تو لوگو! اسلام، پاکستان اور غریب عوام کیلئے کھڑے رہنا۔ انہوں نے کہا کہ ثابت کرسکتا ہوں کہ حنیف عباسی منشیات فروش ہیں۔ اب الیکشن کو بہت دور دیکھ رہا ہوں۔ نوازشریف چاہتے ہیں سارا ملک بانجھ ہوجائے۔ سربراہ عوامی مسلم لیگ نے کہا کہ آج عمران کی میٹنگ میں کہوں گا کہ مطالبہ کیا جائے کہ بدھ سے پہلے والیم ٹین کھولا جائے شریف خاندان پاک فوج کو پنجاب پولیس بنانا چاہتی ہے۔ فوج نے کہہ دیا ہے کہ ریاست کی عملداری کرانا ان کا فرض ہے۔ فوج کبھی نہیں چاہے گی کہ سسٹم خراب ہو جنرل قمر جاوید باجوہ کو سکول کے زمانے سے جانتا ہوں۔ نوازشریف نیب ریفرنسز سے جان چھڑانا چاہتے ہیں لیکن اب ایسا نہیں ہوگا۔ نوازشریف نہیں چاہتے کہ شہبازشریف آگے آئیں۔ وزیراعلیٰ پنجاب آگے آئیں تو پوری قوم ووٹ دے گی۔ انہوں نے کہا کہ نوازشریف نے اگر کچھ غلط کیا تو خانہ جنگی شروع ہوجائے گی۔ نااہل ہونے کے بعد ان کا ریلی نکالنا قانون کے منافی ہے۔